இந்நிலையில்தான் உத்திரபிரதேச மாநிலம் வாரணாசியில் கொரோனா நோய்க்கான போலி தடுப்பூசி மற்றும் பரிசோதனை கருவிகள் பறிமுதல் செய்யப்பட்டுள்ளது. புதன்கிழமை அன்று வாரணாசி லங்கா காவல் நிலையத்திற்கு உட்பட்ட ரோகித் நகரில் உள்ள ஒரு வீட்டை போலீசார் ஆய்வு செய்த போது அங்கு போலி தடுப்பூசிகள் மற்றும் கொரோனா பரிசோதனை கருவிகள் இருந்தது கண்டுபிடிக்கப்பட்டது.
உத்தரப்பிரதேச மாநிலம் வாரணாசியில் கொரோனா நோய்க்கான போலி தடுப்பூசிகள் மற்றும் பரிசோதனை கருவிகள் கண்டுபிடிக்கப் பட்டுள்ளது. இது நாட்டின் பல மாநிலங்களுக்கும் அனுப்பப்பட இருந்தது தெரியவந்துள்ளது. இதுதொடர்பாக ஐந்து பேரை போலீசார் கைது செய்துள்ளனர்.
கொரோனா பெரும் தொற்றுக்கு எதிரான போரில் முக்கிய ஆயுதமாக தடுப்பூசி விளங்கி வருகிறது. இந்த வைரசால் மக்கள் கொத்துக் கொத்தாக உயிரிழந்து வரும் நிலையில் தடுப்பூசியால் மட்டுமே இந்த வைரசில் இருந்து காப்பாற்ற முடியும் என்ற நிலை இருந்து வருகிறது. உலகம் முழுவதும் தடுப்பூசிகள் உற்பத்தி செய்யப்பட்டு மக்கள் செலுத்தப்பட்டு வருகிறது. இந்நிலையில் இந்தியாவில் கோவி ஷீல்டு, கோவேக்சின் உள்ளிட்ட தடுப்பூசிகள் பயன்பாட்டில் இருந்து வருகிறது. ஒவ்வொரு மாநிலத்திற்கும் மத்திய அரசால் தடுப்பூசிகள் அனுப்பப்பட்டு மக்களுக்கு செலுத்தப்பட்டு வருகிறது. இது ஒருபுறமிருக்க, கோவிஷீல்ட் உள்ளிட்ட சில தடுப்பூசிகள் போலியாக தயாரிக்கப்பட்டு தென் கிழக்கு ஆசிய மற்றும் ஆப்பிரிக்க நாடுகளில் வினியோகிக்கப்பட்டிருப்பதாகவும் தகவல்கள் வெளியாகி வருகின்றன.
அதே போல் இந்தியாவிலும் அவைகள் புழக்கத்தில் விடப்பட்டுள்ளதாகவும் கூறப்பட்டது. உலக சுகாதார நிறுவனமும் அதே தகவலை கூறி அரசுகளை எச்சரித்தது. இதுகுறித்து ஏற்கனவே கருத்து தெரிவித்த மத்திய சுகாதாரத்துறை அமைச்சர் மன்சூக் மாண்டாவியா இந்தியாவில் போலி தடுப்பூசிகள் புழக்கத்தில் விடப்பட்டுள்ளதாக செய்திகள் வருகின்றன, இது தொடர்பாக விசாரணை நடந்து வருகிறது என கூறியிருந்தார். உண்மையான தடுப்பூசிகளை எவ்வாறு அடையாளம் காண்பது என்பது குறித்தும் மாநில அரசுகளுக்கு அவர் கடிதம் எழுதினார். மேலும் அந்த தடுப்பூசியின் மேல் உள்ள லேபிளில் நிறம், அதில் நிறுவனங்களின் குறியீடு என்ன என்பது உள்ளிட்டவைகளும் அதில் விளக்கப்பட்டிருந்தது.
இந்நிலையில்தான் உத்திரபிரதேச மாநிலம் வாரணாசியில் கொரோனா நோய்க்கான போலி தடுப்பூசி மற்றும் பரிசோதனை கருவிகள் பறிமுதல் செய்யப்பட்டுள்ளது. புதன்கிழமை அன்று வாரணாசி லங்கா காவல் நிலையத்திற்கு உட்பட்ட ரோகித் நகரில் உள்ள ஒரு வீட்டை போலீசார் ஆய்வு செய்த போது அங்கு போலி தடுப்பூசிகள் மற்றும் கொரோனா பரிசோதனை கருவிகள் இருந்தது கண்டுபிடிக்கப்பட்டது. இந்த வழக்கில் இதுவரை 5 பேர் கைது செய்யப்பட்டுள்ளனர். அவர்களிடமிருந்து Coveshield மற்றும் Zycov-d என்ற போலி தடுப்பூசிகள், போலி சோதனை கருவிகள், பேக்கிங் இயந்திரங்கள், காலி குப்பிகள் மற்றும் ஸ்வாப் குச்சிகள் கண்டுபிடிக்கப்பட்டுள்ளன. ஒரு லட்சத்து 60 ஆயிரம் பேருக்கு தடுப்பூசி போடக்கூடிய அளவுக்கு பல தடுப்பூசிகளை போலீசார் கைப்பற்றினர்.
இது உ.பி.யின் பல மாவட்டங்களுக்கும், நாட்டில் பல மாநிலங்களுக்கும் விநியோகிக்கப்பட இருந்தது தெரியவந்தது. இது குறித்து மாவட்ட கூடுதல் எஸ்பி வினோத் குமார் சிங் கூறுகையில், குற்றம் சாட்டப்பட்டவர்கள் சித்தகிரி பாக்கில் அமைந்துள்ள தன்ஸ்ரீ வளாகத்தைச் சேர்ந்த ராகேஷ் தவானி, பவுலியா லஹர்தாராவைச் சேர்ந்த அருணேஷ் விஸ்வகர்மா, நாக்பூர் ரஸ்தாவின் பதானி தோலா, சவுக்கைச் சேர்ந்த சந்தீப் சர்மா என அடையாளம் காணப்பட்டுள்ளனர். குற்றம் சாட்டப்பட்டவரிடம் இது குறித்து விசாரணை நடந்து வருகிறது. தகவலின்படி, உ.பி தவிர, டெல்லி மற்றும் பல மாநிலங்களுக்கு தடுப்பூசி சப்ளை செய்யப்பட்டு வருகிறது. கைப்பற்றப்பட்ட போதைப்பொருளின் மதிப்பு சுமார் 4 கோடி ரூபாய் ஆகும்.
கொரோனா போலி தடுப்பூசி மற்றும் சோதனைக் கருவியை பேக் செய்ய இயந்திரங்கள் பயன்படுத்தப்படுகின்றன.எஸ்டிஎஃப் விசாரணையில், ராகேஷ் தவானி, சந்தீப் சர்மா, அருணேஷ் விஸ்வகர்மா மற்றும் ஷம்ஷேர் ஆகியோருடன் சேர்ந்து போலி தடுப்பூசிகள் மற்றும் சோதனை கருவிகளை தயாரித்து தெரியவந்துள்ளது. டார்கெட் ஜாவாவுக்கு போலி தடுப்பூசிகள் மற்றும் கிட்களை சப்ளை செய்து வந்தார். லக்ஷ்யா என்பவர் தனது நெட்வொர்க் மூலம் பல்வேறு மாநிலங்களுக்கு போலி தடுப்பூசிகள் மற்றும் கிட்களை சப்ளை செய்து வந்ததார் என்பதும் விசாரணையில் தெரியவந்துள்ளது.
