Asianet News TamilAsianet News Tamil

ஸ்டாலின் ‘ஹோம் மினிஸ்டர்’ நடத்திய யாகத்துக்கு என்ன விளக்கம்?

துணை முதல்வரின் அறை வாஸ்துப்படி மாற்றப்பட்டுள்ளது. பழைய நிலை போல் அவரது அறைக்குள் நுழையும் முன் இருந்த சிறிய ஹால் இப்போது இல்லை.

pannerselvam did yagna get cm post again
Author
Tamil Nadu, First Published Jan 21, 2019, 6:00 PM IST

* கொடநாடு விவகார ஆவணப்படத்தை வெளியிட்டதற்காக என்னை ஃபேஸ்புக்கில் தொடர்ந்து மிரட்டுகிறார்கள்: மேத்யூ சாமுவேல். (ப்ரோ! நீங்க அந்தப் படத்தை சேனல்ஸ்ல வெளியிடாம டைரக்டா  ஃபேஸ்புக்குல போட்டிருந்தீங்கன்னா, லைக்ஸ் அள்ளியிருக்கலாம். ரூட்டு புரியாம போனது உங்க தப்பு.)

* துணை முதல்வரின் அறை வாஸ்துப்படி மாற்றப்பட்டுள்ளது. பழைய நிலை போல் அவரது அறைக்குள் நுழையும் முன் இருந்த சிறிய ஹால் இப்போது இல்லை. நேரடியாக தன் அறைக்குள் அவரால் நுழைய முடியும்!: செய்தி. (ஸ்ட்ரெயிட்டா எங்கேயோ நுழையுறதுக்கு இந்த யாகத்தையும் நடத்தி வாஸ்துப்படி எல்லாத்தையும் மாத்தியிருக்கார்!ன்னு கோட்டை கேண்டீன்ல கிசுகிசுக்கிறாங்களே, அது உண்மையா?)

* அ.தி.மு.க.வை அடிமையாக்க பா.ஜ.க. நினைக்கிறது என்றுதான் தம்பிதுரை சொல்லியிருக்கிறார். அடிமையாகிவிட்டது என்று சொல்லவில்லை!: ஜெயக்குமார். 
(பூவை பூன்னும் சொல்லலாம், புய்ப்பமுன்னும் சொல்லலாம். நீங்க சொல்ற மாதிரியும் சொல்லலாம் தல. எப்படி சுத்துனாலும் மேட்டரு அதுதானே!)

* முதல்வராக வேண்டும் என்பதற்காக யாகம் நடத்தியிருக்கலாம், கோப்புகளை எரிப்பதற்காக யாகம் நடத்தியிருக்கலாம். கோட்டையில் யாகம் நடத்தியது ஏன்? என்று ஓ.பி.எஸ். சொல்லியே ஆக வேண்டும்: ஸ்டாலின். (யண்ணே நீங்க கேட்கிறது ஒருவிதத்துல நியாயம்தான். ஆனாலும் உங்க ‘ஹோம் மினிஸ்டர்’ அப்பப்ப கோயில்களில் யாகம்,  திடீர் பூஜை, சிறப்பு யாகம்ன்னு பண்றதுக்கெல்லாம் விளக்கம் கொடுத்துட்டா இருக்கிறாங்க?ன்னு ஊர் கேக்குதே.)

* எதிகட்சிகளின் மெகா கூட்டணி ஊழல் நிறைந்தது. எதிர்மறையானது மற்றும் நிலையற்றது. அவர்களிடம் பண பலம் இருக்கலாம், ஆனால் நம்மிடம் மக்கள் பலம் உள்ளது: நரேந்திர மோடி. (தல, அந்த மக்களே பணமில்லாமதான் பராரியா திரிஞ்சுட்டு இருக்கிறாய்ங்க. நீங்க போட்டு விடுறதா சொன்ன பதினஞ்சு லட்சத்துக்கு எத்தனை சைபர்ன்னு இன்னும் கூட்டிக்கினு ஒக்காந்திருக்கிற பயலுவல போயி உங்களுக்கு பலம்னு சொல்றீயளே? இது நியாயமாரே?)

Follow Us:
Download App:
  • android
  • ios