திமுக கூட்டணியில் நீண்ட இழுபறிக்குப் பின்னர் காங்கிரஸ் கட்சிக்கு 25 தொகுதிகள் ஒதுக்கப்பட்டுள்ளது, அதேபோல் கடந்த நாடாளுமன்ற தேர்தல் முதல் திமுக கூட்டணியில் உள்ள மதிமுக, மார்க்சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சி, விடுதலை சிறுத்தைகள் கட்சி உள்ளிட்ட கட்சிகளுக்கு தலா 6 இடங்கள் ஒதுக்கப்பட்டுள்ளது.
திமுக மற்றும் அதன் கூட்டணி கட்சிகள் போட்டியிடும் தொகுதிகள் விவரங்கள் இன்று அறிவிக்கப்பட உள்ளது. திமுக சார்பில் போட்டியிடும் வேட்பாளர்கள் பட்டியலையும் அக்கட்சியின் தலைவர் மு. க. ஸ்டாலின் இன்று வெளியிட உள்ளார். ஏற்கனவே கூட்டணி கட்சிகள் தாங்கள் விரும்பும் தொகுதிகளின் பட்டியலை திமுக தலைமை கழகத்திடம் ஒப்படைத்து விட்டது. அதேபோல் கூட்டணி கட்சிகளுடன் தொகுதி விவரங்கள் குறித்தும் அக்கட்சி ஆலோசனை நடத்தியுள்ள நிலையில் இந்த அறிவிப்பு வெளியாக உள்ளது.
திமுக கூட்டணியில் நீண்ட இழுபறிக்குப் பின்னர் காங்கிரஸ் கட்சிக்கு 25 தொகுதிகள் ஒதுக்கப்பட்டுள்ளது, அதேபோல் கடந்த நாடாளுமன்ற தேர்தல் முதல் திமுக கூட்டணியில் உள்ள மதிமுக, மார்க்சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சி, விடுதலை சிறுத்தைகள் கட்சி உள்ளிட்ட கட்சிகளுக்கு தலா 6 இடங்கள் ஒதுக்கப்பட்டுள்ளது. இந்திய யூனியன் முஸ்லிம் லீக் கட்சிக்கு 3 தொகுதிகளும் கொங்குநாடு மக்கள் தேசிய கட்சிக்கு 3 தொகுதிகளும் மனிதநேய மக்கள் கட்சிக்கு 2 தொகுதிகளும், தமிழக வாழ்வுரிமைக் கட்சி மற்றும் ஆதித்தமிழர் பேரவை, மக்கள் விடுதலை கட்சி ஆகிய கட்சிகளுக்கு தலா 1 தொகுதிகள் ஒதுக்கப்பட்டுள்ளது.
இதன்மூலம் 2021 சட்டமன்ற தேர்தலில் 234 தொகுதிகள் 174 தொகுதிகளில் திமுக போட்டிருக்கிறது. திமுக கூட்டணி கட்சிகளுக்கு மொத்தம் 60 தொகுதிகள் ஒதுக்கப்பட்டுள்ள நிலையில், அதில் 13 வேட்பாளர்கள் உதயசூரியன் சின்னத்தில் போட்டி இடுகின்றனர். திமுக மற்றும் அதன் கூட்டணி வேட்பாளர்கள் என மொத்தம் 187 பேர் உதயசூரியன் சின்னத்தில் போட்டியிடுகின்றனர். இந்நிலையில் கூட்டணி கட்சிகள் எந்தெந்த தொகுதிகளில் போட்டியிடுகின்றன என்ற விவரத்தை திமுக தலைவர் மு.க ஸ்டாலின் இன்று வெளியிடவுள்ளார். இன்று மாலை 3 மணிக்கு அண்ணா அறிவாலயத்தில் திமுக தலைவர் ஸ்டாலின் வெளியிட உள்ளார் என தகவல் வெளியாகியுள்ளது.
