ரஜினிக்கு முக்கியத்துவம்... முதல்வருக்கு அடுத்து பட்டியல் போட்ட மத்திய அமைச்சர்..!
மத்திய அமைச்சர் ரமேஷ் பொக்காரியால் தனது ட்வீட்டரில் முதல்வருக்கு அடுத்தபடியான முக்கியத்துவத்தை ரஜினிக்கு கொடுத்துள்ளார்.
மத்திய அமைச்சர் ரமேஷ் பொக்காரியால் தனது ட்வீட்டரில் முதல்வருக்கு அடுத்தபடியான முக்கியத்துவத்தை ரஜினிக்கு கொடுத்துள்ளார்.
மத்திய மனிதவள மேம்பாட்டுத்துறை அமைச்சர் ரமேஷ் பொக்காரியால், தனது ட்விட்டர் பக்கத்தில், ’’செம்மொழி தமிழாய்வு நிறுவனத்தின் முதலாவது இணை இயக்குனராக ஆர் சந்திரசேகரன் என்பவர் நியமனம் செய்யப்பட்டு இருக்கிறார் எனத் தெரிவித்துள்ளார். இந்த ட்விட்டில் அவர் பிரதமர் மோடி, உள்துறை அமைச்சர் அமித்ஷா, தமிழக முதல்வர் எடப்பாடி பழனிச்சாமி ஆகியோர்களின் டுவிட்டர் பக்கங்களுக்கு டேக் செய்துள்ளார். இதனை அடுத்து சூப்பர் ஸ்டார் ரஜினிகாந்தையும் அவர் டேக் செய்துள்ளார். பிரதமர், உள்துறை அமைச்சர், முதல்வர் ஆகிய மூவருக்கு அடுத்த இடத்தை ரஜினிக்கு அவர் கொடுத்து இருப்பது பெரும் பரபரப்பை ஏற்படுத்தி உள்ளது.
இந்த நிலையில் முதல்வருக்கு அடுத்த இடத்தை ரஜினிக்கு மத்திய அமைச்சர் ஒருவர் கொடுத்திருப்பது குறித்து நேற்றே ஒரு சில தொலைக்காட்சிகளில் விவாதங்களும் நடந்தன. ரஜினி குறித்து எந்த தகவல் வெளிவந்தாலும் சமூக வலைத்தளங்களில் டிரெண்டாகி வரும் நிலையில் இந்த தகவலையும் ரஜினி ரசிகர்கள் டிரெண்டாக்கி வருகின்றனர் என்பதும், வழக்கம்போல் ரஜினியை பிடிக்காதவர்கள் மத்திய அமைச்சருக்கு கண்டனங்களை தெரிவித்து வருகின்றனர்.
சேனலை கிளிக் செய்து பின்தொடரவும்
