இந்த நாடே உங்களுடன் உள்ளது... ஷாருக்கான் மகனுக்கு ராகுல் காந்தி எழுதிய கடிதம்..!
ராகுல் காந்தியும் அப்போது ஷாருக்கானுக்கு எழுதிய கடிதம் தற்போது வெளியாகியுள்ளது.
ஆர்யன் கான் மும்பை ஆர்தர் ரோடு சிறையில் அடைக்கப்பட்ட ஆறு நாட்களுக்குப் பிறகு, அக்டோபர் 14 அன்று சூப்பர் ஸ்டார் ஷாருக்கானுக்கு ராகுல் காந்தி கடிதம் எழுதினார்.
போதைப்பொருள் தொடர்பான குற்றச்சாட்டில் ஆர்யன் கான் சிறையில் இருந்தபோது, அவரது தந்தை ஷாருக்கான் திரையுலகில் உள்ள பலரிடமிருந்தும், மகாராஷ்டிராவின் ஆளும் சிவசேனா மற்றும் தேசியவாத காங்கிரஸ் கட்சியிலிருந்தும் ஆதரவைப் பெற்றார். ராகுல் காந்தியும் அப்போது ஷாருக்கானுக்கு எழுதிய கடிதம் தற்போது வெளியாகியுள்ளது.
ஆர்யன் கான் மும்பை ஆர்தர் ரோடு சிறையில் அடைக்கப்பட்ட ஆறு நாட்களுக்குப் பிறகு, அக்டோபர் 14 அன்று ஷாருக்கானுக்கு ராகுல் காந்தி கடிதம் எழுதினார். அப்போது 23 வயதான ஆர்யன் கானுக்கு நீதிமன்றத்தால் ஜாமீன் மறுக்கப்பட்டு வந்தது.
அந்த கடிதத்தில், காங்கிரஸ் தலைவர் ராகுல் காந்தி, ஷாருக்கானிடம் "நாடு உங்களுடன் உள்ளது" என்று எழுதியுள்ளதாக கூறப்படுகிறது. ஆர்யன் கானுக்கு இறுதியாக அக்டோபர் 28 ஆம் தேதி மும்பை உயர்நீதிமன்றம் ஜாமீன் வழங்கியது. அவரது ஜாமீன் ஆவணங்கள் சிறைக்கு வந்த சில மணிநேரங்களுக்குப் பிறகு, மறுநாளான கடந்த சனிக்கிழமை அவர் விடுவிக்கப்பட்டார்.
போதைப்பொருள் கட்டுப்பாட்டு வாரியத்தின் அதிகாரிகள் மாறுவேடத்தில் அக்டோபர் 2 ஆம் தேதி ஒரு பயண சொகுசுக் கப்பல் விருந்தில் போதைப்பொருள் கடத்தியதைத் தொடர்ந்து ஆர்யன் கான் கைது செய்யப்பட்டார். பின்னர் கிட்டத்தட்ட ஒரு மாத காலம் சிறையில் இருந்தார்.
அவரிடம் போதைப்பொருள் எதுவும் கண்டுபிடிக்கப்படவில்லை என்றாலும், அவரது வாட்ஸ்அப் உரையாடல்கள், "கட்டுப்படுத்தப்பட்ட போதைப்பொருள் விற்பனையில்" ஈடுபட்டதையும், வெளிநாட்டு போதைப்பொருள் விற்பனை நிறுவனத்துடனான தொடர்புகளையும் நிரூபிப்பதாக உள்ளது என போதைப்பொருள் தடுப்பு வாரியம் நீதிமன்றத்தில் கூறியது.
குற்றம் சாட்டப்பட்டவர்களில் ஒருவர் ஆர்யன் கானுக்கு போதைப்பொருள் சப்ளை செய்தார் என்பதை உறுதிப்படுத்த வாட்ஸ்அப் உரையாடல்கள் போதுமானதாக இல்லை என்று உயர்நீதிமன்றம் கூறியது.
இதனயடுத்து ஆர்யான் கானுக்கு நீதிமன்றம் ஜாமீன் வழங்கியது. அவர் ரிலீசாகி மன்னத் வீட்டிற்கு வந்தபோது ஷாருக்கானின் வீட்டிற்கு வெளியே அவரது ரசிகர்கள் திரண்டு ஆதரவு தெரிவித்தனர். ஆர்யன் கான் காவலில் வைக்கப்பட்ட முதல் சில நாட்களில் சல்மான் கான் மற்றும் ஹிருத்திக் ரோஷன் மற்றும் திரைப்பட தயாரிப்பாளர் ஃபரா கான் போன்ற நட்சத்திரங்கள் ஷாருக்கானை சந்தித்தனர். ஜாமீன் கிடைத்த பிறகும் அவர்கள் ஆதரவு தெரிவித்தனர்.
மத்திய அரசின் உத்தரவின் பேரில் போதைப்பொருள் தடுப்பு நிறுவனம் ஷாருக்கானை குறிவைத்ததாக சிவசேனா சேனா மற்றும் தேசிய வாத காங்கிரஸ் குற்றம் சாட்டின. என்சிபி உயர் அதிகாரி சமீர் வான்கடேவை குறிவைத்து, விசாரணையில் கேள்விகளை எழுப்பி, அவர் தனது தொழிலில் போலி சாதிச் சான்றிதழைப் பயன்படுத்தியதாகக் குற்றம் சாட்டினார் அம்மாநில அமைச்சர் நவாப் மாலிக்.
இந்நிலையில் காங்கிரஸ் கட்சியை சேர்ந்த ராகுல் காந்தி ‘நாடு உங்களுடன் உள்ளது’ என கடிதம் எழுதி இருப்பதற்கு எதிர்ப்பும் கிளம்பியுள்ளது. போதை பொருட்கடத்தலில் சிறையில் இருக்கும் குற்றம்சாட்டப்பட்ட நபருக்காக நாடு உங்களுடன் உள்ளது என அவர் கடிதம் எழுதியிருப்பது ஒருதலைப்பட்சமானது என பலரும் கண்டனம் தெரிவித்து வருகின்றனர்.
சேனலை கிளிக் செய்து பின்தொடரவும்
