amit shah retaliation to rahul gandhi and congress party criticize
கர்நாடகாவில் ஆட்சியமைத்ததன் மூலம் பாஜக, ஜனநாயக படுகொலை செய்துவிட்டது என்ற காங்கிரஸ் கட்சியின் விமர்சனத்துக்கு பாஜக தேசிய தலைவர் அமித் ஷா டுவிட்டரில் பதிலடி கொடுத்துள்ளார்.
கர்நாடகாவில் எந்த கட்சிக்கும் ஆட்சியமைக்க தேவையான பெரும்பான்மை இல்லாததால் தொங்கு சட்டசபை அமைந்தது. ஆனால் தனிப்பெரும் கட்சியாக உள்ள பாஜகவை ஆட்சியமைக்க அழைத்த கர்நாடக ஆளுநர் வஜூபாய் வாலா, எடியூரப்பாவிற்கு முதல்வராக பதவி பிரமாணம் செய்து வைத்தார்.
காங்கிரஸ் - மஜத கூட்டணி சேர்ந்து ஆட்சியமைக்க தேவையான பெரும்பான்மையுடன் ஆட்சியமைக்க உரிமை கோரியபோதும், எடியூரப்பாவிற்கு ஆளுநர் அழைப்பு விடுத்தார். இதற்கு எதிர்ப்பு தெரிவித்து காங்கிரஸ் உச்சநீதிமன்றத்தை நாடியது. நள்ளிரவில் இந்த வழக்கை விசாரித்த உச்சநீதிமன்றம், எடியூரப்பா பதவியேற்க தடை விதிக்க முடியாது என கூறியதை அடுத்து, இன்று காலை கர்நாடகாவின் 23வது முதல்வராக பதவியேற்றார் எடியூரப்பா. பெரும்பான்மையை நிரூபிக்க அவருக்கு 15 நாட்கள் அவகாசம் கொடுத்துள்ளார் ஆளுநர் வஜுபாய் வாலா.
பல்வேறு சர்ச்சைகளுக்கு இடையே கர்நாடக முதல்வராக எடியூரப்பா இன்று காலை பதவியேற்றார். ஆளுநர் வஜூபாய் வாலா அவருக்கு பதவி பிரமாணம் செய்துவைத்தார்.
கர்நாடகாவில் பாஜக ஆட்சியமைத்திருப்பதை காங்கிரஸ், மஜத ஆகிய கட்சிகள் மட்டுமல்லாது தமிழ்நாட்டின் திமுக, ஆந்திராவின் தெலுங்கு தேசம் உள்ளிட்ட பல பிராந்திய கட்சிகளும் கடுமையாக விமர்சித்துவருகின்றன. கர்நாடகாவில் பாஜக ஆட்சியமைத்திருப்பது அரசியலமைப்பையே கேலிக்கூத்தாக்கி விட்டதாகவும் ஜனநாயகம் தோற்கடிக்கப்பட்டிருப்பதை நினைத்து இந்தியா வருந்தும் என்றும் ராகுல் காந்தி டுவீட் செய்திருந்தார்.
<blockquote class="twitter-tweet" data-lang="en"><p lang="en" dir="ltr">The BJP’s irrational insistence that it will form a Govt. in Karnataka, even though it clearly doesn’t have the numbers, is to make a mockery of our Constitution. <br><br>This morning, while the BJP celebrates its hollow victory, India will mourn the defeat of democracy.</p>— Rahul Gandhi (@RahulGandhi) <a href="https://twitter.com/RahulGandhi/status/996951947885228032?ref_src=twsrc%5Etfw">May 17, 2018</a></blockquote>
<script async src="https://platform.twitter.com/widgets.js" charset="utf-8"></script>
மேலும், இது ஜனநாயக படுகொலை என்ற விமர்சனத்தையும் காங்கிரஸ் கட்சி முன்வைத்து வருகிறது.
இந்நிலையில், காங்கிரஸ் கட்சியின் விமர்சனங்களுக்கு பாஜக தேசிய தலைவர் அமித் ஷா, டுவிட்டரில் பதிலடி கொடுத்துள்ளார். இதுதொடர்பாக டுவிட்டரில் பதிவிட்டுள்ள அமித் ஷா, நாட்டில் அவசர நிலையை கொண்டுவந்தது, அரசியலமைப்பு சட்டத்தின் 356வது பிரிவை தவறாக பயன்படுத்தியது, நீதித்துறை, ஊடகம், சமூக அமைப்புகளை பலவீனப்படுத்தி சீரழித்தது என அனைத்தையும் அரங்கேற்றியது காங்கிரஸ் கட்சிதான். ஆனால் காங்கிரஸ் கட்சியின் இந்த புகழ்பெற்ற வரலாறு ராகுல் காந்திக்கு நினைவிருக்காது என அமித் ஷா பதிவிட்டுள்ளார்.
<blockquote class="twitter-tweet" data-lang="en"><p lang="en" dir="ltr">President of the Congress obviously doesn’t remember the glorious history of his party.<br><br>The legacy of Mr. Rahul Gandhi’s Party is the horrific Emergency, blatant misuse of Article 356, subverting the courts, media and civil society.</p>— Amit Shah (@AmitShah) <a href="https://twitter.com/AmitShah/status/996978527324049408?ref_src=twsrc%5Etfw">May 17, 2018</a></blockquote>
<script async src="https://platform.twitter.com/widgets.js" charset="utf-8"></script>
மற்றொரு பதிவில், 104 இடங்களில் பாஜக வெற்றி பெற்றுள்ளது. நாங்கள் ஆட்சி அமைக்க வேண்டும் என மக்கள் அளித்த தீர்ப்பு இதுதான். ஆனால் காங்கிரஸ் கட்சிக்கோ 78 இடங்கள் மட்டுமே கிடைத்துள்ளது, முதல்வரும், பல அமைச்சர்களும் தோல்வி அடைந்துள்ளனர். அதேபோல மதச்சார்பற்ற ஜனதா தளம் கட்சி 37 இடங்களில் வெற்றி பெற்றிருந்தாலும், பல இடங்களில் டெபாசிட் இழந்துள்ளது. மக்கள் நல்ல சிந்தனை உள்ளவர்கள் என பதிவிட்டுள்ளார்.
<blockquote class="twitter-tweet" data-lang="en"><p lang="en" dir="ltr">Who has the people’s mandate in Karnataka?<br><br>The BJP, which has won 104 seats. <br><br>Or<br><br>Congress which dropped to 78 seats, whose own CM and Ministers lost by big margins. <br>JD(S) who won only 37 seats and lost their deposits on several others. <br><br>People are wise to realise.</p>— Amit Shah (@AmitShah) <a href="https://twitter.com/AmitShah/status/996978699495931905?ref_src=twsrc%5Etfw">May 17, 2018</a></blockquote>
<script async src="https://platform.twitter.com/widgets.js" charset="utf-8"></script>
மேலும், கர்நாடக மக்களின் நலனை கருத்தில்கொள்ளாமல், அரசியல் ஆதாயத்திற்காக மஜத-விற்கு காங்கிரஸ் ஆதரவு அளித்த அந்த கணமே ஜனநாயகப் படுகொலை நடந்துவிட்டது என அமித் ஷா பதிலடி கொடுத்துள்ளார்.
<blockquote class="twitter-tweet" data-lang="en"><p lang="en" dir="ltr">The ‘Murder of Democracy’ happens the minute a desperate Congress made an ‘opportunist’ offer to the JD(S), not for Karnataka’s welfare but for their petty political gains. Shameful!</p>— Amit Shah (@AmitShah) <a href="https://twitter.com/AmitShah/status/996978787635093504?ref_src=twsrc%5Etfw">May 17, 2018</a></blockquote>
<script async src="https://platform.twitter.com/widgets.js" charset="utf-8"></script>
