அலுவலகத்தில் உங்களை அனைவராலும் விரும்பப்படும் நபராக மாற்றுவது எளிது. அனைவருக்கும் எப்படி நல்லவராக இருக்க முடியும் என நினைக்கிறீர்களா? நிச்சயமாக முடியும். இதற்கு சில அடிப்படையான, மிக எளிமையான விஷயங்களை நீங்கள் பின்பற்றினாலே முடியும்.
வீட்டை விட பலரும் அதிகமான நேரம் இருக்கும் இடம் ஆபீஸ் தான். இங்கு பலதரப்பட்ட மனிதர்களுடன் நாம் பழகுகிறோம். ஆனால் அனைவருக்கும் பிடித்தவராக இருக்க வேண்டும் என்றால் என்ன செய்யலாம்? "Likeability" என்பது வெறும் நல்லவராக இருப்பது மட்டுமல்ல. உங்களுடன் இருப்பவர்களுக்கு நீங்கள் எந்த மாதிரியான உணர்வுகைள அளிக்கிறீகள் என்பதும் மிகமிக முக்கியம். அப்படி அனைவருக்கும் உங்கைள பற்றி நல்ல அபிப்ராயம் உருவாக இதோ இந்த டிப்ஸ்கைள டிரை செய்து பாருங்க.
1. அக்கறை செலுத்துங்கள் :
உங்கள் சக ஊழியர்கள் என்ன செய்கிறார்கள், அவர்கள் சந்திக்கும் சவால்கள் என்ன, அவர்களின் வெற்றிகள் என்ன என்பதைப் பற்றி உண்மையான ஆர்வம் காட்டுங்கள். அவர்களுடன் பேசும்போது அவர்களின் கருத்துகளைக் கேட்டு மதிக்க வேண்டும். அவர்களுக்கான பேசும் வாய்ப்பை கொடுத்து, அவர்களுக்கு ஆபீசில் ஏற்படும் பிரச்சனைகளை சமாளிக்க டிப்ஸ் கொடுங்கள். இதனால் அவர்களுக்கு, நீங்கள் அவர்கள் மீது உண்மையான அக்கறை காட்டுகிறீர்கள் என்ற எண்ணத்தை உருவாக்கும்.
2. பாசிட்டிவ் எனர்ஜி :
அலுவலகம் ஒரு ஸ்ட்ரெஸ்ஸான இடமாக இருக்கலாம். ஆனால், நீங்கள் பாசிட்டிவ் மனப்பான்மை கொண்டிருந்தால், அது மற்றவர்களுக்கும் பரவும். சிரித்துக் கொண்டே மகிழ்ச்சியாக இருங்கள். யாரை பற்றியும் சட்டென்று கருத்து சொல்லி விடாதீர்கள். மற்றவர்களின் மனநிலையை மாற்று உற்சாகப்படுத்துங்கள்.
3. உதவக்கூடியவராக இருங்கள் :
மிகுந்த அனுபவம் கொண்டவராக இருந்தாலும், தனிப்பட்ட முறையில் வெற்றியடைவதை விட குழு வெற்றி முக்கியமானது. யாருக்காவது உதவி தேவைப்பட்டால், முன்வந்து செய்யுங்கள். மற்றவர்களின் சாதனைகளை பாராட்டுங்கள். சிறிய விஷயங்களிலும் "Let me help you" என்ற மனப்பான்மையுடன் இருங்கள்.
4. நாடகம் வேண்டாம் :
அலுவலக அரசியலில் (Office Politics) ஈடுபடாமல் இருப்பது மிகவும் முக்கியம். யாரை பற்றியும் காஸிப்பிங் வேண்டாம். எதிர்மறையான விமர்சனங்களை அதிகம் பேச வேண்டாம். பொய்களை பரப்ப வேண்டாம். ஒருவரைப் பற்றி வேறு ஒருவரிடம் பேசுவதற்கு பதிலாக, நேரடியாக அவரிடம் போய் பேசுங்கள். இது உங்களை "Mature and Professional" நபராக காட்டும்.
5. கவனமாக கேட்கும் பழக்கம்:
நீங்கள் பேசும்போது எல்லோரும் கவனிக்க வேண்டும் என்று விரும்புவீர்கள். அதேபோல், மற்றவர்களும் பேசும்போது மொபைலை பார்க்காமல் அவர்கள் பேசுவதை கவனியுங்கள். இடையறாமல் அவர்களின் பேச்சை கஷ்டப்படுத்தாமல் கேளுங்கள். நீங்கள் ஒரு நல்ல Listener என்றால், மக்கள் உங்கள் உடன் இருக்க விரும்புவார்கள்.
பளபளன்னு மின்னும் முகம் வேணுமா? ...கற்றாழையை இப்படி பயன்படுத்துங்க
6. நகைச்சுவை உணர்வை வளர்த்துக்கொள்ளுங்கள் :
அலுவலகத்தில் லைட் மூட் (Light Mood) கொடுக்க ஒரு சிறந்த நகைச்சுவை உணர்வு மிகவும் அவசியம். தேவையான இடங்களில் அதிகமாகாமல் நகைச்சுவை சேருங்கள். உங்கள் மீதான கிண்டல், கேலி பேச்சுக்கள் என்றாலும் கூட அதற்காக சிரிக்க தயங்காதீர்கள். மற்றவர்களை வருத்தும் "Insensitive Jokes" தவிர்க்கவும். ஒருவருக்கு "Fun to be around" என்ற பெயர் கிடைத்துவிட்டால், அவர்களை எல்லோரும் விரும்புவார்கள்!
7. நேர்மையான பாராட்டுகளை வழங்குங்கள் :
மற்றவர்களின் திறமைகளை உண்மையாக பாராட்டுங்கள். அது அவர்களுக்கு மட்டுமல்ல, உங்களுக்கும் நல்ல பெயரை உருவாக்கும்.
8. உடை அணியும் முறை :
உங்களுக்கேற்ற சரியான உடைகளை அணியுங்கள். அலுவலக கல்சரைப் பொறுத்து உங்கள் Dressing Style மாற்றுங்கள். Self-Grooming முக்கியம் (Hair, Perfume, Clean Shoes) நீங்கள் சிறப்பாகக் காணப்பட்டால், மக்கள் உங்களைப் பற்றிய முதல் கருத்து சிறப்பாக இருக்கும்.
ஆப்பிள் சாப்பிடுவதற்கு சரியான நேரம் எது என்று உங்களுக்கு தெரியுமா?
9. எந்த நேரத்திலும் மரியாதை முக்கியம் :
உங்கள் பாஸ் மட்டுமல்ல, உங்கள் க்ளீனர் முதல் ஜூனியர் வரை அனைவரையும் மதியுங்கள். எல்லோரிடமும் ஒரே மாதிரியான மரியாதை காட்டுங்கள். அனாவசியமாக ஆணவத்துடன் பேச வேண்டாம். மரியாதை உள்ள நபர்கள் எப்போதும் விரும்பப்படுவார்கள்
10. மற்றவர்களின் நேரத்தை மதியுங்கள்:
மீட்டிங்கிற்கு நேரத்தில் வருங்கள்.சொன்ன வார்த்தைகளை காப்பாற்றுங்கள். நேரத்தை மதிப்பவர்கள் மற்றும் நம்பகத்தன்மை உள்ளவர்களை அனைவரும் விரும்புவார்கள்.
