சந்திரபாபு நாயுடுவின் உடல்நலப் பிரச்சினைகள் இதுதான்!
ஜாமீனில் வந்துள்ள ஆந்திர முன்னாள் முதல்வர் சந்திரபாபு நாயுடுவின் உடல்நலப் பிரச்சினைகள் தொடர்பான தகவல்கள் வெளியாகியுள்ளன
 )
Followதெலுங்கு தேசம் தலைவர் சந்திரபாபு ஆந்திர முதல்வராக இருந்தபோது, திறன் மேம்பாட்டு நிதியில் முறைகேடு நடந்ததாக புகார் எழுந்தது. இது தொடர்பாக கைது செய்யப்பட்ட அவருக்கு நான்கு வாரங்களுக்கு இடைக்கால ஜாமீன் வழங்கி ஆந்திரா உயர் நீதிமன்றம் உத்தரவிட்டுள்ளது. அவரது உடல்நிலையை கருத்தில் கொண்டு அவருக்கு நிபந்தனைகளுடன் ஜாமீன் வழங்கப்பட்டுள்ளதாக தெரிவிக்கப்பட்டுள்ளது.
குறிப்பாக, அவருக்கு கண்புரை ஆபரேஷன் செய்து தோல் சம்பந்தப்பட்ட நோய்களுக்கு சிகிச்சை தேவை என்கிறார்கள் அவருக்கு நெருக்கமானவர்கள். சந்திரபாபு நாயுடுவுக்கு 73 வயதாகிறது. தான் ஃபிட்டாக இருப்பதாகச் சொன்னாலும், வயதின் காரணமாக பல்வேறு உடல்நலக் கோளாறுகள் அவரைத் துரத்துகின்றன. இதற்கான அறிக்கையை மருத்துவர்கள் அளித்துள்ளனர்.
முதலில் சந்திரபாபு நாயுடுவுக்கு உடனடியாக கண்புரை அறுவை சிகிச்சை செய்ய வேண்டும். திறன் மேம்பாட்டு ஊழலில் கைது செய்யப்படுவதற்கு முன்பு, கடந்த ஜூன் மாதம் அவரது இடது கண்ணில் கண்புரை அறுவை சிகிச்சை செய்யப்பட்டது.
ஐதராபாத்தில் உள்ள எல்வி பிரசாத் மருத்துவமனையில் அறுவை சிகிச்சை செய்த அதே நேரத்தில், மூன்று மாதங்களுக்குள் வலது கண்ணையும் ஆபரேஷன் செய்ய வேண்டும் என்று மருத்துவர்கள் தெரிவித்தனர். ஆனால் சந்திரபாபு கடந்த செப்டம்பர் 9ஆம் தேதி கைது செய்யப்பட்டு சிறைக்கு சென்றதால், அறுவை சிகிச்சை செய்ய முடியாமல் போய்விட்டது. இது அவரது கண் பிரச்சனைகளை அதிகப்படுத்தியதாக தெரிகிறது.
களம் காணட்டும் கழகப் படை: உடன்பிறப்புகளுக்கு முதல்வர் ஸ்டாலின் கடிதம்!
அதுமட்டுமின்றி, சந்திரபாபுவுக்கு பல வருடங்களாக தோல் தொடர்பான பிரச்சனைகள் உள்ளன. சிறையில் சரியாக சாப்பிடாததால், நீரிழப்பு காரணமாக அவரது உடல்நிலை மேலும் மோசமாகியுள்ளது. சந்திரபாபுவின் முதுகு, இடுப்பு, மார்பு, கைகள், கன்னம் போன்ற பகுதிகளில் கடுமையான அரிப்பு காரணமாக சிவந்த கொப்புளங்கள் ஏற்பட்டுள்ளதாக அரசு தோல் மருத்துவ நிபுணர்கள் தெரிவித்துள்ளனர்.
சந்திரபாபுவின் இரு உள்ளங்கைகளிலும் கொப்புளங்கள் ஏற்பட்டு அதன் அரிப்பால் உடல் முழுவதும் வெள்ளைக் கொப்புளங்கள் ஏற்பட்டுள்ளதாகவும், சில இடங்களில் வெந்நீர் கொப்புளங்கள் ஏற்பட்டுள்ளதாகவும் சிறை அதிகாரிகளிடம் அரசு மருத்துவர்கள் அளித்த அறிக்கையில் குறிப்பிடப்பட்டுள்ளது. இதனால்தான் சந்திரபாபு அறையில் ஏசி பொருத்துமாறு சிறை அதிகாரிகளுக்கு நீதிமன்றம் உத்தரவிட்டது. ஏசி பொருத்தப்பட்டதன் மூலம் நீரழிவு குறைந்துள்ள போதிலும், சரும பிரச்சனைகள் குறையவில்லை என தெரிவிக்கப்பட்டுள்ளது.
மேலும், சந்திரபாபு நாயுடு முதுகு வலியால் அவதிப்பட்டு வருவதாகத் தெரிகிறது. அவரை பரிசோதித்த மருத்துவர்கள், ஒரே நிலையில் அதிக நேரம் உட்காரக்கூடாது எனவும், வசதியான இருக்கையை பயன்படுத்த வேண்டும் எனவும் தெரிவித்துள்ளனர். இதுதவிர ஆசனவாயில் வலியால் சந்திரபாபு நாயுடு அவதிப்பட்டு வருவதாக தெரிகிறது. இதனால், முதுகின் கீழ் பகுதியில் அவருக்கு வலி ஏற்படுவதாக தெரிகிறது. முறையற்ற மலம் கழிப்பதால் இந்த பிரச்னை ஏற்படுவதாக கூறப்படுகிறது.
இவை மட்டுமின்றி சந்திரபாபுவுக்கு பிபி, சுகர் போன்ற உடல்நலக் கோளாறுகளும் இருக்கின்றன. சிறைக்கு சென்ற பின், அவரது உடல் எடையில் நிறைய மாற்றம் ஏற்பட்டுள்ளதாகவும், ஐந்து கிலோ எடை குறைந்துள்ளதாகவும், சிறுநீரக கோளாறு ஏற்படும் அபாயம் உள்ளதாகவும் குடும்பத்தினர் கவலை தெரிவித்துள்ளனர்.
சேனலை கிளிக் செய்து பின்தொடரவும்
