காங். கட்சியில் மரியாதை இல்லை; ராகுல் காந்தியைச் சந்தித்துப் பேசிய சசி தரூர்!

காங்கிரஸ் எம்பி சசி தரூருக்கு எதிராக அகில இந்திய காங்கிரஸ் கட்சி உறுதியான நிலைப்பாட்டை எடுத்து வருகிறது. ராகுல் காந்தியுடனான சமீபத்திய சந்திப்பு இருந்தபோதிலும், தனது குறைகளையும் பரிந்துரைகளையும் நிவர்த்தி செய்வதில் உறுதிப்பாடு இல்லாததால் தரூர் அதிருப்தி அடைந்துள்ளார்.

Shashi Tharoor, Rahul Gandhi

காங்கிரஸ் எம்பி சசி தரூருக்கு எதிராக அகில இந்திய காங்கிரஸ் கட்சி உறுதியான நிலைப்பாட்டை எடுத்து வருகிறது. ராகுல் காந்தியுடனான சமீபத்திய சந்திப்புக்குப் பிறகும் தனது குறைகளை நிவர்த்தி செய்ய உத்தரவாதம் கிடைக்கவில்லை என்பதால் சசி தரூர் அதிருப்தி அடைந்துள்ளார். முக்கிய பதவிகளில் இருந்து நீக்கப்பட்டது, நாடாளுமன்ற விவாதங்களில் வாய்ப்புகள் மறுக்கப்பட்டது என கட்சிக்குள் தான் ஓரங்கட்டப்பட்டு வருவதாக அவர் புகார் கூறியுள்ளார்.

காங்கிரஸ் எம்.பி. சசி தரூர் மீது கடுமையான நிலைப்பாட்டை எடுக்க காங்கிரஸ் விரும்பவில்லை. அதிருப்தி அடைந்த தரூருடன் பேச்சுவார்த்தை நடத்திய ராகுல் காந்தி, சசி தரூர் கூறிய குறைகள் மற்றும் பரிந்துரைகள் எதையும் தீர்க்க மறுத்துவிட்டார். இதனால், இனியும் சசி தரூர் விஷயத்தில் காங்கிரஸ் மென்மையான அணுகுமுறையைக் கடைப்பிடிக்காது என கட்சி வட்டாரங்கள் குறிப்பிடுகின்றன.

கட்சியில் தான் வகிக்கவேண்டிய பங்கைக் குறிப்பிடுமாறும் சசி தரூர் ராகுல் காந்தியிடம் கேட்டுக்கொண்டிருக்கிறார். இரண்டு நாட்களுக்கு முன்பு டெல்லியில் நடந்த கலந்துரையாடலின்போது, ​​கட்சிக்குள் தான் ஓரங்கட்டப்பட்டிருப்பது பற்றி சசி தரூர் ஆழ்ந்த அதிருப்தியை வெளிப்படுத்தியுள்ளார். ஆனால், ராகுல் காந்தி அவருக்கு நம்பிக்கை அளிக்கும் வகையில் ஒரு உறுதிமொழியைக் கொடுக்கவில்லை என்றும் இதனால் அவருடனான விவாதத்தில் அதிருப்தி அடைந்ததாகவும் கூறப்படுகிறது.

பிரதமரின் அமெரிக்க பயணம் மற்றும் அமெரிக்க அதிபர் டொனால்ட் டிரம்புடனான சந்திப்பு போன்ற விஷயங்களில் கட்சியின் நிலைப்பாட்டிற்கு முரண்பாடாக சசி தரூர் பேசியது காங்கிரஸ் தலைமைக்குப் பிடிக்கவில்லை. சமீபத்தில் சசி தரூர் எழுதிய கட்டுரை ஒன்றில், கேரளாவில் ஆளும் எல்.டி.எஃப் அரசின் கீழ் தொழில்துறை வளர்ச்சி குறித்து பாராட்டி இருந்ததும் கேரளாவில் கட்சிக்குள் சலசலப்பை உருவாக்கியுள்ளது.

இந்நிலையில், தனக்கு உரிய அங்கீகாரம் கிடைக்கவில்லை என்று கருதும் சசி தரூர், கட்சியின் கொள்கையை ஏற்றுக்கொள்ளத் தயாராக இல்லை என்று கூறப்படுகிறது.

நாடாளுமன்றத்தில் முக்கிய விவாதங்களின்போது தனக்கு வாய்ப்புகள் மறுக்கப்படுவதால், தான் கட்சியின் செயல்பாடுகளில் இருந்து ஒதுக்கி வைக்கப்படுவதாகவும் அவர் வாதிடுகிறார். நாடாளுமன்றத்தில் கட்சியின் தலைமையை கையாளும் திறன் தனக்கு இருப்பதாக தரூர் ராகுலிடம் கூறினார். ராகுல் நாடாளுமன்றக் கட்சித் தலைவராக நியமிக்கப்பட்டதிலிருந்து அவர் எதிர்ப்பு தெரிவிக்கவில்லை.

கட்சி மாநில அரசியலில் கவனம் செலுத்த விரும்புகிறதா என்பதை அறிய விரும்புவதாகவும் சசி தரூர் கூறியுள்ளார். ஆனால் ராகுல் அதற்கு பதிலளிக்கத் தயாராக இல்லை. அப்படியானால், கட்சியில் தனது பங்கு என்னவாக இருக்கும் என்று கேட்டிருக்கிறார். அதற்கு பதில் கூறிய ராகுல் காந்தி, தேர்தலுக்கு முன்பு காங்கிரஸ் முதல்வர் வேட்பாளரைத் தேர்ந்தெடுக்கும் வழக்கம் இல்லை என்று தெரிவித்துள்ளார்.

தான் எழுப்பிய பிரச்சினைகள் குறித்து ராகுலிடமிருந்து உறுதியான உத்தரவாதங்கள் எதுவும் இல்லாததால், விவாதம் நடந்த விதத்தில் தரூர் அதிருப்தி அடைந்துள்ளார். காங்கிரசின் இளைஞர் பிரிவின் பொறுப்புகளை ஏற்றுக்கொள்வது குறித்து தரூர் சூசகமாக விருப்பம் தெரிவித்திருந்தாலும், அதை ஏற்க ராகுல் தயாராக இல்லை.