இனி ஆசிரியர்கள் ஜீன்ஸ், லெகின்ஸ் அணிந்து பள்ளிக்கு வரக் கூடாது.. மாநில அரசு அதிரடி உத்தரவு
பள்ளிக்கு வரும் போது ஆசிரியர்கள் ஜீன்ஸ், லெகின்ஸ் அணியக்கூடாது என்று அசாம் அரசு உத்தரவிட்டுள்ளது.
Followஅசாம் மாநிலத்தில் ஆசிரியர்களின் ஆடைக் கட்டுப்பாடு குறித்த அறிவிப்பை மாநில அரசு வெளியிட்டுள்ளது. அதன்படி, ஆண் மற்றும் பெண் ஆசிரியர்கள் பள்ளிக்கு வரும் போது, ஜீன்ஸ் மற்றும் லெக்கின்ஸ் அணிய வேண்டாம் என்று அரசு கேட்டுக் கொண்டுள்ளது. ஆண் மற்றும் பெண் ஆசிரியர்கள் பொது மக்களால் ஏற்றுக்கொள்ள முடியாத ஆடைகளை அணிந்திருப்பது கண்டறியப்பட்டுள்ளதாக அந்த அறிவிப்பில் மேலும் தெரிவிக்கப்பட்டுள்ளது.
அசாம் மாநில பள்ளிக் கல்வித்துறை வெளியிட்டுள்ள அறிக்கையில் "சில கல்வி நிறுவனங்களின் ஆசிரியர்கள் சில சமயங்களில் பொது மக்களால் ஏற்றுக்கொள்ள முடியாத வகையில் தாங்கள் விரும்பும் உடையை அணிந்துகொள்வது கவனிக்கத்தக்கது. ஏனெனில் ஒரு ஆசிரியர் எல்லா வகையிலும் ஒரு முன்மாதிரியாக இருக்க வேண்டும். குறிப்பாக அவர்களின் கடமைகளை நிறைவேற்றும் போது, அது கண்ணியமாக மாறிவிட்டது.
இதையும் படிங்க : மல்லிகார்ஜுன கார்கே மகன் உள்ளிட்ட 8 பேர் அமைச்சர்களாக பதவியேற்பு.. புதிய அமைச்சர்கள் யார் யார்?
பணியிடத்தில் அலங்காரம், கண்ணியம், தொழில்முறை மற்றும் நோக்கத்தின் தீவிரத்தன்மை ஆகியவற்றை பிரதிபலிக்கும் வகையில் ஆடைக் குறியீட்டைப் பின்பற்றுவது அவசியம். எனவே அனைத்து கல்வி நிறுவனங்களின் ஆசிரியர்களுக்கும் ஆடைக் குறியீட்டை நிர்ணயிப்பதில் பள்ளிக்கல்வித்துறை மகிழ்ச்சியடைகிறது. ” என்று தெரிவிக்கப்பட்டுள்ளது.
ஆசிரியர்கள் என்ன ஆடை அணிய வேண்டும்?
- ஆண் ஆசிரியர்கள் தகுந்த முறையான உடையில் மட்டுமே தங்கள் கடமைகளில் கலந்து கொள்ள வேண்டும். ஃபார்மல் சட்டை-பேன்ட் அணியலாம். சர்ட், ஜீன்ஸ் போன்ற சாதாரண உடைகள் அணியக்கூடாது.
- பெண் ஆசிரியர்கள் சல்வார் சூட்/சேலை/மெகேலா அணிந்து கடமைகளில் கலந்து கொள்ள வேண்டும்.
- டி-ஷர்ட், ஜீன்ஸ், லெக்கின்ஸ் போன்ற சாதாரண உடைகளை அணியக் கூடாது.
- ஆண் மற்றும் பெண் ஆசிரியர்கள் இருவரும் சுத்தமாகவும், அடக்கமாகவும், கண்ணியமாகவும் உடையணிந்து இருக்க வேண்டும்
- பளப்பான ஆடைகளை அணியக்கூடாது. பார்ட்டியில் அணியும் ஆடை அல்லது சாதாரண கேசுவல் ஆடைகளை கண்டிப்பாக தவிர்க்க வேண்டும்.
பரிந்துரைக்கப்பட்ட ஆடைக் குறியீட்டை ஆசிரியர்கள் மீறக் கூடாது எனவும், மற்றும் விதிகளின்படி ஒழுங்கு நடவடிக்கை எடுக்கப்படும் என்றும் பள்ளிக்கல்வித்துறை வெளியிட்ட அறிக்கையில் எச்சரிக்கை விடுக்கப்பட்டுள்ளது.
இதையும் படிங்க : மக்களே கவனம்.. வெப்பநிலை 2 - 4 டிகிரி அதிகமாக இருக்குமாம்.. இந்திய வானிலை மையம் எச்சரிக்கை
சேனலை கிளிக் செய்து பின்தொடரவும்
