பிரச்சாரத்தில் மயங்கி விழுந்த மத்திய அமைச்சர் நிதின் கட்கரி.. உடல்நிலை எப்படி இருக்கு? வைரல் வீடியோ !!
மகாராஷ்டிராவில் தேர்தல் பிரசாரத்தின் போது மயங்கி விழுந்த நிதின் கட்கரி, அவரது உடல்நிலை குறித்து தகவல் அளித்துள்ளார்.
 )
Followமகாராஷ்டிர மாநிலம் யவத்மால் மாவட்டத்தில் நடைபெற்ற தேர்தல் பிரச்சார கூட்டத்தில் மத்திய அமைச்சரும் பாஜக தலைவருமான நிதின் கட்கரி இன்று (புதன்கிழமை) மதியம் மயங்கி விழுந்தார். சமூக வலைதளங்களில் வைரலாகி வரும் வீடியோ ஒன்றில், மேடையில் இருந்த மக்களால் தூக்கிச் செல்லப்பட்ட மத்திய அமைச்சர் நிதின் கட்கரி மயக்கமடைந்ததைக் காணலாம்.
இந்த சம்பவம் நடந்த சிறிது நேரத்துக்குப் பிறகு, பேரணியின் போது வெப்பம் காரணமாக அவர் அசௌகரியமாக இருப்பதாக கட்காரி தனது உடல்நிலை குறித்து விளக்கம் அளித்துள்ளார். இதுகுறித்து எக்ஸ் தளத்தில் பதிவிட்ட மத்திய அமைச்சர் நிதின் கட்கரி, “இப்போது நான் முற்றிலும் ஆரோக்கியமாக இருக்கிறேன். அடுத்த சந்திப்பில் கலந்துகொள்ள வருட் கிளம்புகிறேன். உங்கள் அன்புக்கும் நல்வாழ்த்துக்களுக்கும் நன்றி,” பதிவிட்டுள்ளார்.
நாக்பூர் மக்களவைத் தொகுதியில் பாஜக வேட்பாளராக முதல் கட்ட வாக்குப்பதிவில் தேர்தலில் போட்டியிட்ட கட்கரி, யவத்மாலின் புசாத் பகுதியில் ஏக்நாத் ஷிண்டே தலைமையிலான சிவசேனா தலைவர் ராஜஸ்ரீ பாட்டீலுக்காக பிரச்சாரம் செய்தார். பேரணியில் உரையாற்றிய மத்திய அமைச்சர், யவத்மால் மாவட்ட மக்கள், தொடர்ந்து வளர்ச்சிப் போக்கை கடைபிடித்து, அனைத்து துறை வளர்ச்சியில் நம்பிக்கை கொண்ட பாஜக-மகா கூட்டணிக்கு வெற்றியை அளிப்பார்கள் என்று நம்புகிறேன்.
வளர்ந்த இந்தியாவை நோக்கி நகரும் போது, பிரதமர் நரேந்திர மோடியின் தலைமையில், நாடு முழுவதும் சாலைகள் மற்றும் நெடுஞ்சாலைகள் மற்றும் கல்வி, சுகாதாரம் மற்றும் பிற துறைகளில் கடந்த 10 ஆண்டுகளில் குறிப்பிடத்தக்க பணிகள் செய்யப்பட்டுள்ளன. மத்திய அரசின் பல்வேறு திட்டங்கள் கிராமப்புறங்களுக்கும் வெற்றிகரமாக விரிவுபடுத்தப்பட்டுள்ளன.” என்று கூறினார்.
Mileage Bike: மைலேஜ் 70 கிமீ.. விலையோ ரூ.60 ஆயிரம் தான்.. நல்ல மைலேஜ் பைக்கை உடனே வாங்குங்க..
சேனலை கிளிக் செய்து பின்தொடரவும்
