தெலங்கானாவில் மர்ம நோய் பரவி 2500 கோழிகள் பலியான சம்பவம் அதிர்ச்சியை ஏற்படுத்தியுள்ளது. இது குறித்து அதிகாரிகள் விசாரணை நடத்தி வருகின்றனர்.
வனப்பர்த்தி மாவட்டத்தில் உள்ள கொன்னூர், மதனபுரம் மண்டலத்தில் உள்ள கோழிப் பண்ணைகளில் "மர்மமான நோய்" பரவியதால் மூன்று நாட்களில் சுமார் 2,500 கோழிகள் இறந்தன என்று அதிகாரி ஒருவர் வெள்ளிக்கிழமை தெரிவித்தார்.
வனப்பர்த்தியின் மாவட்ட கால்நடை மற்றும் விலங்கு பராமரிப்பு அதிகாரி கே. வெங்கடேஷ்வர், இந்த நோய் பரவியதை உறுதிப்படுத்தினார். மேலும் நோய்க்கான காரணம் குறித்து விசாரணை நடத்தப்பட்டு வருவதாக கூறினார். அதிகாரி தகவல்களைப் பகிர்ந்து கொள்கையில், "வனப்பர்த்தி மாவட்டம், மதனபுரம் மண்டலம், கொன்னூரில் உள்ள கோழிப் பண்ணைகளில் மர்மமான நோய் தாக்கியுள்ளது. இதனால் மூன்று நாட்களில் சுமார் 2,500 கோழிகள் இறந்துள்ளன" என்றார்.
"2500 கோழிகள் இறந்த பிறகு நாங்கள் அந்த இடத்தைப் பார்வையிட்டோம். சோதனைக்காக ஆய்வகத்திற்கு மாதிரிகள் அனுப்பப்பட்டுள்ளன," என்று அவர் கூறினார். "இறப்பு மூன்று நாட்களில் நிகழ்ந்தன---பிப்ரவரி 16 ஆம் தேதி 117, 17 ஆம் தேதி 300, மீதமுள்ளவை 18 ஆம் தேதி இறந்தன. அதன் பிறகு எங்களுக்குத் தெரிவிக்கப்பட்டு 19 ஆம் தேதி ஆய்வகத்திற்கு மாதிரிகளை அனுப்பினோம். இந்த கோழிகள் சிவகேசவுலுவுக்குச் சொந்தமான 5,500 கொள்ளளவு கொண்ட பிரீமியம் ஃபார்மில் இறந்தன," என்று அதிகாரி கூறினார்.
சிக்கன், முட்டை சாப்பிட்டால் பறவை காய்ச்சல் வருமா? நிபுணர்கள் சொல்றது என்ன?
முன்னதாக கடந்த வாரம், ஆந்திரப் பிரதேச அரசு பறவைக் காய்ச்சல் பரவுவதைக் கட்டுப்படுத்த தீவிர முயற்சிகளை மேற்கொண்டது. மூன்று பாதிக்கப்பட்ட மாவட்டங்களிலும் கடுமையான கட்டுப்பாட்டு நடவடிக்கைகள் மேற்கொள்ளப்பட்டன. கால்நடை பராமரிப்பு கூடுதல் இயக்குநர் டாக்டர் சத்யா குமாரி கூறுகையில், "பறவைக் காய்ச்சல் மூன்று மாவட்டங்கள் மற்றும் ஐந்து பண்ணைகளுக்கு மட்டுமே கட்டுப்படுத்தப்பட்டுள்ளது. இந்த நோய் பரவியதால் சுமார் ஒரு லட்சம் கோழிகள் கொல்லப்பட்டுள்ளன'' என்றார்.
நேற்று, ஆந்திர விவசாயம், கூட்டுறவு, சந்தைப்படுத்தல் மற்றும் கால்நடை பராமரிப்பு அமைச்சர் கிஞ்சராபு அட்சன்னாயுடு பறவைக் காய்ச்சல் குறித்து பொதுமக்கள் கவலைப்படத் தேவையில்லை என்று உறுதியளித்தார். ஏனெனில் அரசாங்கம் அதன் பரவலைக் கட்டுப்படுத்த கடுமையான நடவடிக்கைகளை எடுத்துள்ளது என்றார்.
தினமும் கோழிக்கறி சாப்பிடுபவரா நீங்கள்? ...இதையும் கொஞ்சம் தெரிஞ்சுக்கோங்க
