இந்தியாவிற்கு செல்லும்போது மிகுந்த ஜாக்கிரதையாக இருக்க வேண்டும் என ஆஸ்திரேலியா தன் நாட்டு  குடும்பங்களுக்கு  எச்சரிக்கை விடுத்துள்ளது .  சட்டப்பிரிவு 370 ரத்து புதிய திருத்தப்பட்ட குடியுரிமை சட்டம் என அடுத்தடுத்து இந்தியாவில் போராட்டங்களும் வன்முறைகளும் தலைவிரித்தாடுவதால்  அயல்நாடுகள் தங்களது குடிமக்களுக்கு இந்தியாவிற்கு செல்ல வேண்டாம் என  எச்சரிக்கை விடுத்துள்ளன . 

குறிப்பாக பாகிஸ்தான் ,  ஆப்கானிஸ்தான் ,  ஈரான் ,  ஈராக் ,  போன்ற  நாடுகளுக்கு சுற்றுலாப் பயணிகளாக வருபவர்களுக்கு அந்தந்த நாடுகள்  இதுபோன்ற எச்சரிக்கைகளை  விடுப்பது வழக்கமாக இருந்து வந்தது. தற்போது இந்தியாவுக்கும் இந்த அவலநிலை  ஏற்பட்டுள்ளது .  இந்தியாவின் குடியுரிமை சட்டத்துக்கு எதிராக நாடு முழுவதும் போராட்டங்கள் நடந்து வரும்நிலையில்  தங்கள் நாட்டு குடிமக்களுக்கு அமெரிக்கா ,  பிரிட்டன் ,  சிங்கப்பூர் ,  கனடா ,  மற்றும் இஸ்ரேல் போன்ற நாடுகள் எச்சரிக்கையாக இருக்கும்படி அறிவித்துள்ளது .  குறிப்பாக வடகிழக்கு இந்தியாவுக்கு சொல்வதென்றால் ஜாக்கிரதையாக இருக்க வேண்டும் எனவும்  அறிவுறுத்தியுள்ளது .

  

இந்நிலையில் ஆஸ்திரேலியா வெளியிட்டுள்ள  அறிவிப்பில்,  புதிய குடியுரிமை சட்டத்துக்கு எதிராக இந்தியாவில் பல பகுதிகளில் போராட்டங்களும் வன்முறைகளும் நடந்து வருகிறது .  இதனால் இந்தியாவில் அசாதாரண சூழல் நிலவுகிறது.  இதனால்  முடிந்தவரை இந்தியாவிற்கு செல்வதை தவிருங்கள் என்றும், இந்த  எச்சரிக்கையினை  மிகவும் கவனத்தில் எடுத்துக் கொள்ளுங்கள் என்றும்  குறிப்பிட்டுள்ளது .  அப்படியும் மீறி செல்வதென்றால் அசாமை ஒட்டியுள்ள நாகலாந்து மணிப்பூர் ,  சட்டிஸ்கர் மற்றும் பாகிஸ்தான் எல்லையை ஒட்டியுள்ள ஜம்மு-காஷ்மீர் பகுதிக்கு செல்ல வேண்டாம் என ஆஸ்திரேலியா தன் மக்களிடம் கேட்டுக்கொண்டுள்ளது .