மேற்கு வங்காளத்தில் வாக்காளர் பட்டியல் திருத்தப் பணியில், இந்தியத் தேர்தல் ஆணையம் செயற்கை நுண்ணறிவு (AI) தொழில்நுட்பத்தைப் பயன்படுத்துகிறது. இந்த முகப் பொருத்தத் தொழில்நுட்பம் போலி மற்றும் இறந்த வாக்காளர்களைக் கண்டறிய உதவும்.
மேற்கு வங்காளத்தில் நடைபெற்று வரும் வாக்காளர் பட்டியல் சிறப்புத் தீவிர திருத்தப் பணியின்போது, போலிப் பதிவுகள் மற்றும் இறந்த வாக்காளர்களைக் கண்டறிய, செயற்கை நுண்ணறிவு (AI) அடிப்படையிலான சரிபார்ப்புக் கருவிகளைப் பயன்படுத்த இந்தியத் தேர்தல் ஆணையம் முடிவு செய்துள்ளது.
போலிப் பதிவுகள், புகைப்படங்கள் தவறாகப் பயன்படுத்தப்படுதல் மற்றும் இறந்த வாக்காளர்கள் பட்டியலில் நீடிப்பது குறித்த புகார்கள் அதிகரித்து வரும் நிலையில், இந்தப் புதிய தொழில்நுட்ப நடவடிக்கை எடுக்கப்பட்டுள்ளது.
முகப் பொருத்தத் தொழில்நுட்பம்
மேம்படுத்தப்பட்ட இந்தச் செயற்கை நுண்ணறிவு அமைப்பு, மாநிலம் முழுவதும் உள்ள வாக்காளர் தரவுத்தளத்தில் முக அம்சங்களை ஸ்கேன் செய்து ஒப்பிடும். இதன் மூலம், ஒருவர் ஒன்றுக்கும் மேற்பட்ட முகவரிகளில் பதிவு செய்திருந்தால், அது கண்டறியப்படும்.
Related Articles
புலம்பெயர்ந்த தொழிலாளர்களின் புகைப்படங்கள் பதிவு செய்யும் போது தவறாகப் பயன்படுத்தப்படுவது குறித்த சமீபத்திய புகார்களை அடுத்து, AI கருவிகளைப் பயன்படுத்துவது மிகவும் அவசியமாகிறது என்றும் அவர் கூறினார்.
கள ஆய்வுக்கு BLO
தொழில்நுட்பத்தின் பயன்பாடு அதிகரித்த போதிலும், களத்தில் நேரில் சென்று சரிபார்க்கும் பணியில் பூத் நிலை அதிகாரிகளின் (BLO - Booth-Level Officers) பங்கு முக்கியமானது என ஆணையம் தெளிவுபடுத்தியுள்ளது.
BLO-க்கள், பூத் நிலை முகவர்கள் (BLA - Booth-Level Agents) சமர்ப்பிக்கும் படிவங்களையும் நேரில் சரிபார்க்க வேண்டும். வாக்காளர்கள், படிவங்கள் தங்கள் முன்னிலையில் நிரப்பப்பட்டதை உறுதிசெய்து கையால் எழுதப்பட்ட அறிக்கையையும் பெற வேண்டும்.
பிழைகளுக்கு பொறுப்பு
வாக்காளர் பட்டியல் கணக்கெடுப்பு மற்றும் படிவம் நிரப்பும் பணி முடிந்த பிறகு, போலி அல்லது இறந்த வாக்காளர் யாராவது கண்டறியப்பட்டால், அதற்குச் சம்பந்தப்பட்ட வாக்குச் சாவடியின் BLO-வே பொறுப்பு.
இதற்கிடையில், மேற்கு வங்காளத்தின் தலைமைத் தேர்தல் அதிகாரி மனோஜ் குமார் அகர்வால் கூறுகையில், சிறப்புத் தீவிர திருத்தப் பணிக்கான கணக்கெடுப்புப் படிவங்கள் (enumeration forms), வாக்காளர் பட்டியலில் உள்ள அனைத்து வாக்காளர்களுக்கும் விநியோகிக்கப்பட்டுள்ளன என்றார்.
ஒவ்வொரு வாக்காளரிடமிருந்தும் பூர்த்தி செய்யப்பட்ட படிவங்களைச் சேகரித்து, டிஜிட்டல் மயமாக்கவும் இலக்கு நிர்ணயிக்கப்பட்டுள்ளது எனவும் பூர்த்தி செய்யப்பட்ட படிவங்களைச் சேகரிக்கும் பணி ஏற்கெனவே தொடங்கிவிட்டதாகவும் அவர் குறிப்பிட்டார்.
