டெல்லி விரையும் டி.கே.சிவக்குமார்.. தலைமைக்கு தூதுவிட்ட சித்தராமையா - அடுத்த கர்நாடக முதல்வர் யார்?
முன்னாள் முதல்வர் சித்தராமையாவுக்கும், கர்நாடக காங்கிரஸ் தலைவர் டி.கே.சிவகுமாருக்கும் இடையே யார் கர்நாடக முதல்வர் ஆவது என்பதில் கடும் போட்டி நிலவுகிறது.
Followகர்நாடக சட்டப்பேரவை தேர்தலில் மொத்தமுள்ள 224 தொகுதிகளில் 135 தொகுதிகளை காங்கிரஸ் வெற்றி பெற்றது. இதனையடுத்து கர்நாடகாவில் காங்கிரஸ் கட்சி ஆட்சியமைக்க உள்ளது.
அதற்கான பணிகளை காங்கிரஸ் மேற்கொண்டு வருகிறது. அதேசமயம் கர்நாடகாவின் அடுத்த முதல்வர் யார் என்பதில் காங்கிரஸ் கட்சியின் மூத்த தலைவரும், முன்னாள் முதல்வர் சித்தராமையாவுக்கும், கர்நாடக காங்கிரஸ் தலைவர் டி.கே.சிவகுமாருக்கும் இடையே போட்டி நிலவுகிறது. கர்நாடக மாநில காங்கிரஸ் தலைவர் டி.கே.சிவக்குமார், கட்சியின் தேசிய தலைமையிடம் தனது தரப்பு வாதத்தை முன்வைப்பதற்காக இன்று டெல்லி செல்கிறார்.
நேற்று டெல்லி பயணத்தை ரத்து செய்த நிலையில், இன்று மீண்டும் டெல்லிக்கு செல்கிறார் டி.கே.சிவக்குமார். காங்கிரஸ் தலைவர் மல்லிகார்ஜுன் கார்கே, சோனியா காந்தி, பிரியங்கா காந்தி வத்ரா மற்றும் ராகுல் காந்தி ஆகியோர் அடங்கிய கட்சியின் தலைமைக்கு, புதிதாக தேர்ந்தெடுக்கப்பட்ட கர்நாடக எம்எல்ஏக்களின் கருத்துகள் குறித்து பார்வையாளர்கள் குழு நேற்று விளக்கமளித்தது. கடந்த ஞாயிற்றுக்கிழமை வெற்றி பெற்ற அனைத்து எம்.எல்.ஏக்களையும் வைத்து வாக்கெடுப்பு நடத்தியது காங்கிரஸ் மேலிடம்.
அதன் முடிவுகள் கட்சியின் தலைவரிடம் சமர்ப்பிக்கப்பட்டு உள்ளது. அவர் இறுதி முடிவை எடுப்பார் என்று கூறப்படுகிறது. இன்றுக்குள் அதாவது மே 16 முடிவதற்குள் கர்நாடக முதல்வரின் பெயரை கட்சி அறிவிக்கலாம் என்று காங்கிரஸ் கட்சி வட்டாரங்கள் தெரிவித்தன. நேற்று பேட்டி அளித்த டி.கே சிவக்குமார், தான் மிரட்டவோ அல்லது கலகம் செய்யவோ மாட்டேன்.
ஆனால் கர்நாடகாவில் அமோக வெற்றிக்குப் பின்னால் யார் இருக்கிறார்கள் என்பதை கட்சியின் தலைமை ஒப்புக்கொள்ள வேண்டும் என்று கூறினார். “கர்நாடகாவில் நீங்கள் வெற்றி பெற வைப்பீர்கள் என்று உங்கள் மீது எனக்கு நம்பிக்கை உள்ளது" என்று சோனியா காந்தி என்னிடம் கூறினார். நான் இங்கே அமர்ந்து எனது வழக்கமான பொறுப்பை செய்கிறேன். உங்களுக்கு அடிப்படை மரியாதை, கொஞ்சம் நன்றியுணர்வு இருக்க வேண்டும்.
இதையும் படிங்க..ஜூலை 1 முதல் ரேஷன் கடைகளில் அரிசி, கோதுமை நிறுத்தம்.. யார் யாருக்கு பொருந்தும்?
யார் என்பதை ஒப்புக் கொள்ளும் மரியாதை அவர்களுக்கு இருக்க வேண்டும். நான் பிளாக்மெயில் செய்ய மாட்டேன். அது நான் அல்ல. நான் ஒரு குழந்தை இல்லை. நான் வலையில் விழ மாட்டேன்" என்று டி.கே சிவக்குமார் கூறினார். 224 உறுப்பினர்களைக் கொண்ட கர்நாடக சட்டசபையில் அக்கட்சி 135 இடங்களைக் கைப்பற்றி, தெற்கில் உள்ள ஒரே பாஜகவின் கோட்டையான கர்நாடகாவில் இருந்து பாஜகவை அப்புறப்படுத்தியது.
தேர்தலுக்கு முன்னதாக, சிவக்குமார் மற்றும் சித்தராமையா இடையே ஆழமான பிளவு இருந்தபோதிலும், காங்கிரஸ் தலைமை அதனை சமாளித்தது. சித்தராமையா அனைத்து பிரிவினரிடையேயும் பிரபலமான தலைவராக இருந்தாலும், 2013-18 வரை முழு ஐந்தாண்டு கால ஆட்சியை நடத்திய அனுபவத்தையும் பெற்றிருந்தாலும், டி.கே சிவக்குமார் வலுவான திறனை கொண்டவர்.
சமயோசிதமானவராகவும், கடினமான காலங்களில் காங்கிரஸின் பிரச்சனைகளைத் தீர்ப்பவராகவும் கருதப்படுகிறார். ஆதிக்கம் செலுத்தும் ஒக்கலிகா சமூகம், அதன் செல்வாக்குமிக்க பார்ப்பனர்கள் மற்றும் தலைவர்களின் ஆதரவைப் பெற்றுள்ளது. யார் கர்நாடக முதல்வர் ஆவார்கள் என்பதை பொறுத்திருந்து பார்க்கலாம்.
இதையும் படிங்க..புதிய வழித்தடத்தில் 5 புதிய வந்தே பாரத் எக்ஸ்பிரஸ் ரயில்கள்.. எங்கெல்லாம் தெரியுமா?
சேனலை கிளிக் செய்து பின்தொடரவும்
