Asianet News TamilAsianet News Tamil

செயற்கை நுண்ணறிவு தொகுப்பாளர்களை அறிமுகம் செய்யும் டிடி கிசான்!

அரசு தொலைக்காட்சியான டிடி கிசான் முதன்முறையாக செயற்கை நுண்ணறிவு தொகுப்பாளர்களை அறிமுகம் செய்யவுள்ளது

DD Kisan to launch two AI anchors who can read news in 365 days smp
Author
First Published May 24, 2024, 10:46 PM IST

‘செயற்கை நுண்ணறிவு’ மூலம் ஒரு புதிய தோற்றம் மற்றும் புதிய பாணியில் இந்திய விவசாயிகளை டிடி கிசான் அலைவரிசை வருகிற 26ஆம் தேதி சென்றடையவிருக்கிறது. செயற்கை நுண்ணறிவு' (ஏ.ஐ) என்ற இந்த சகாப்தத்தில், அனைவரின் கவனத்தை ஈர்க்கும் ஏ.ஐ தொகுப்பாளருடன் கூடிய நாட்டின் முதல் அரசு தொலைக்காட்சி அலைவரிசையாக தூர்தர்ஷன் கிசான் மாறப் போகிறது.

அதன்படி, ஏ.ஐ க்ரிஷ் மற்றும் ஏ.ஐ பூமி ஆகிய இரண்டு செயற்கை நுண்ணறிவு தொகுப்பாளர்களை தூர்தர்ஷன் கிசான் அறிமுகம் செய்யவுள்ளது. இந்த ஏஐ செய்தி அறிவிப்பாளர்களால் ஒரு மனிதனைப் போலவே செயல்படும். 365 நாட்களும், 24 மணி நேரமும், இடைவிடாமல் அவர்களால் செய்திகளை வாசிக்க முடியும்.

தமிழ்நாடு முதல் காஷ்மீர் வரை நாட்டின் அனைத்து மாநிலங்களிலும் இந்த ஏஐ செய்தி அறிவிப்பாளர்களை விவசாயிகள் காண முடியும். இந்த செயற்கை நுண்ணறிவு தொகுப்பாளர்கள், உள்நாட்டிலும், சர்வதேச அளவிலும் நடக்கும் வேளாண் ஆராய்ச்சி, விவசாய மண்டிகளின் போக்குகள், வானிலை மாற்றங்கள் அல்லது அரசுத் திட்டங்கள் தொடர்பான வேறு ஏதேனும் தகவல்கள் பற்றிய தேவையான அனைத்து செய்திகளையும்  வழங்குவார்கள். இந்த அறிவிப்பாளர்களின் சிறப்பு என்னவென்றால், அவர்களால் உள்நாட்டு மற்றும் வெளிநாடுகளின் ஐம்பது மொழிகளில் பேச முடியும்.

இந்திய அரசால் நிறுவப்பட்டு விவசாயிகளுக்காக அர்ப்பணிக்கப்பட்டுள்ள ஒரே தொலைக்காட்சி அலைவரிசை என்ற பெருமையை  டிடி கிசான் பெற்றுள்ளது. இந்த தொலைக்காட்சி அலைவரிசை கடந்த 2015ஆம் ஆண்டில் மே மாதம் நிறுவப்பட்டது.

எலி காய்ச்சல் அதிகரிக்க வாய்ப்புள்ளது: கேரள சுகாதாரத்துறை அமைச்சர் வீணா ஜார்ஜ் எச்சரிக்கை!

டிடி கிசான் அலைவரிசை நிறுவப்பட்டதன் நோக்கம், வானிலை மாற்றங்கள், உலகளாவிய மற்றும் உள்ளூர் சந்தைகள் போன்றவற்றைப் பற்றி விவசாயிகளுக்குத் தொடர்ந்து தெரியப்படுத்துவதாகும். இதனால் விவசாயிகளால் முன்கூட்டியே பொருத்தமான திட்டங்களை உருவாக்கவும், சரியான நேரத்தில் முடிவுகளை எடுக்கவும் முடியும். டிடி கிசான் அலைவரிசை கடந்த 9 ஆண்டுகளாக இந்த நோக்கத்தைப் பூர்த்தி செய்து வருகிறது. 9 வருட மகத்தான வெற்றிக்குப் பிறகு செயற்கை நுண்ணறிவு தொழில்நுட்பத்துக்குள் டிடி கிசான் செல்லவுள்ளது.

நாட்டில் உள்ள விவசாய மற்றும் கிராமப்புற சமூகத்திற்கு சேவை செய்வதையும், அவர்களுக்கு கல்வி கற்பிப்பதன் மூலம் முழுமையான வளர்ச்சிக்கான சூழலை உருவாக்குவதை நோக்கமாகக் கொண்டும், முற்போக்கு விவசாயிகளின் முயற்சிகளை அனைத்து மக்களுக்கும் கொண்டு சேர்க்கும் பணியில் டிடி கிசான் ஈடுபட்டு வருகிறது. சமச்சீர் வேளாண்மை, கால்நடை வளர்ப்பு மற்றும் தோட்டம் ஆகியவற்றை உள்ளடக்கிய விவசாயத்தின் முப்பரிமாண கருத்தாக்கத்தை டிடி கிசான் வலுப்படுத்துவதாக தெரிவிக்கப்பட்டுள்ளது.

Latest Videos
Follow Us:
Download App:
  • android
  • ios