சீனா, பாகிஸ்தானும் ஒண்ணா சேர்ந்து வாங்கடா... நாங்க ரெடி... தில்லு காட்டும் இந்திய ராணுவத் தளபதி..!
பாகிஸ்தானும், சீனாவும் இணைந்து தேசிய பாதுகாப்புக்கு ஒரு அச்சுறுத்தலாக இருக்கின்றன. மேலும் இந்தியாவை நோக்கிய அவர்களின் கூட்டு அணுகுமுறையை எச்சரிக்கையாக கையாள்வது அவசியம் என்று இந்திய ராணுவத் தளபதி ஜெனரல் எம்.எம்.நாரவனே தெரிவித்துள்ளார்.
பாகிஸ்தானும், சீனாவும் இணைந்து தேசிய பாதுகாப்புக்கு ஒரு அச்சுறுத்தலாக இருக்கின்றன. மேலும் இந்தியாவை நோக்கிய அவர்களின் கூட்டு அணுகுமுறையை எச்சரிக்கையாக கையாள்வது அவசியம் என்று இந்திய ராணுவத் தளபதி ஜெனரல் எம்.எம்.நாரவனே தெரிவித்துள்ளார். 
இராணுவ தினத்திற்கு முன்னதாக ஒரு செய்தியாளர் கூட்டத்தில் உரையாற்றிய ஜெனரல் நாரவனே கிழக்கு லடாக்கின் நிலைமை குறித்து விரிவாக விளக்கினார். அப்போது பேசிய அவர், ‘’பிராந்தியத்தில் எந்தவொரு நிகழ்வுகளையும் திறம்பட சமாளிக்க இந்திய வீரர்கள் மிக உயர்ந்த அளவிலான போர் தயார்நிலையை பராமரித்து வருகிறது. பரஸ்பர மற்றும் சமமான பாதுகாப்பின் அணுகுமுறையின் அடிப்படையில் இந்தியாவும் சீனாவும் படைவிலகல் குறித்த உடன்பாட்டை எட்ட முடியும் என்று நான் நம்புகிறேன். 
அதே நேரத்தில், கிழக்கு லடாக்கில் நமது படைகள் தேசிய நலன் மற்றும் குறிக்கோள்களின் அடிப்படையில் தனது நிலைப்பாட்டை தொடர்ந்து கடை பிடிக்கும். ஒட்டுமொத்த தேசிய பாதுகாப்பு சவால்களைப் பற்றி பேசிய இராணுவத் தலைவர், சீனா மற்றும் பாகிஸ்தான் ஆகிய இரு நாடுகளையும் இந்தியா ஒருங்கிணைந்து அணுகுவது அதன் செயல்பாட்டில் வெளிப்படுகிறது. பாகிஸ்தானும் சீனாவும் சேர்ந்து ஒரு சக்திவாய்ந்த அச்சுறுத்தலை உருவாக்குகின்றன. மேலும் கூட்டு அச்சுறுத்தலை நாம் விரும்ப முடியாது.
ஒரே நேரத்தில் இருமுனை அச்சுறுத்தல் சூழ்நிலையை சமாளிக்க இந்தியா தயாராக இருக்க வேண்டும். இராணுவம் மற்றும் இராணுவம் அல்லாத துறைகளில் சீனாவுக்கும், பாகிஸ்தானுக்கும் இடையே ஒத்துழைப்பு அதிகரித்து வருகிறது. பாகிஸ்தான் தொடர்ந்து பயங்கரவாதத்தை அரச கொள்கையின் கருவியாகப் பயன்படுத்துகிறது. இந்தியா தொடர்ந்து அச்சுறுத்தலை எதிர்கொள்ளும். எல்லை தாண்டிய பயங்கரவாதத்திற்கு நாங்கள் தேர்ந்தெடுக்கும் நேரத்தில் துல்லியமாக பதிலளிக்கும் உரிமையை நாங்கள் வைத்திருக்கிறோம் என அவர் தெரிவித்தார்.
சேனலை கிளிக் செய்து பின்தொடரவும்
