Asianet News TamilAsianet News Tamil

ராஜஸ்தானில் இன்னொரு யோகி! முதல்வர் பதவியைக் குறிவைக்கும் பாபா பாலக்நாத்!

உத்தரப் பிரதேச முதல்வர் யோகி ஆதித்யநாத், ராஜஸ்தான் சட்டமன்றத் தேர்தல் பிரச்சாரத்தின் போது, பாலக்நாத்துக்கு ஆதரவாக பிரச்சாரம் செய்தார்.

BJPs Gain In Rajasthan Could Lead To Rise Of Another 'Yogi' sgb
Author
First Published Dec 3, 2023, 4:01 PM IST

ராஜஸ்தானில் பா.ஜ.க.வின் வெற்றி வாய்ப்பு பிரகாசமாக உள்ள நிலையில், மற்றொரு 'யோகி' அந்த மாநிலத்தில் முதல்வராக உருவாகலாம் என்று கூறப்படுகிறது. ராஜஸ்தானின் யோகி என்று அழைக்கப்படும் ஆன்மிகத் தலைவரும் அல்வார் எம்.பி.யுமான பாபா பாலக்நாத் தான் அடுத்த ராஜஸ்தான் முதல்வர் பதவிக்கான போட்டியில் முன்னணியில் உள்ளார்.

திஜாரா தொகுதியில் காங்கிரஸின் இம்ரான் கானை எதிர்த்து பாலக்நாத் அதிக வாக்கு வித்தியாசத்தில் முன்னிலை வகிக்கிறார். இந்நிலையில், ராஜஸ்தானில் பாஜகவின் முதல்வர் யார் என்று கட்சித் தலைமை முடிவு செய்யும் என்று தெரிவித்துள்ளார்.

"எங்கள் பிரதமர் பாஜகவின் முகமாக இருக்கிறார். அவருடைய தலைமையில் நாங்கள் தொடர்ந்து பணியாற்றுவோம். முதல்வர் யார் என்பது குறித்தும் கட்சியே முடிவு செய்யும். எம்.பி.யாக இருப்பதில் நான் மகிழ்ச்சி அடைகிறேன். சமுதாயத்திற்கு சேவை செய்ய விரும்புகிறேன். அதில் தான் நான் மிகவும் திருப்தி அடைகிறேன்” என்று அவர் கூறினார்.

பிரிட்ஜிங் சவுத்! தென் மாநிலங்களை இணைக்க ஆர்.எஸ்.எஸ். புதிய திட்டம்!

BJPs Gain In Rajasthan Could Lead To Rise Of Another 'Yogi' sgb

தற்போது அசோக் கெலாட் தலைமையிலான காங்கிரஸ் ஆட்சியில் உள்ள ராஜஸ்தான் மாநிலத்திற்கு பாஜக இன்னும் தனது முதல்வர் வேட்பாளர் யார் என்று கூறவில்லை.

பாலக்நாத் முதலமைச்சரானால், யோகி ஆதித்யநாத்துக்குப் பிறகு, முதல் பதவியைப் பெறும் மற்றொரு 'யோகி' ஆவார்.

உத்தரப் பிரதேச முதல்வர் யோகி ஆதித்யநாத், ராஜஸ்தான் சட்டமன்றத் தேர்தல் பிரச்சாரத்தின் போது, பாலக்நாத்துக்கு ஆதரவாக பிரச்சாரம் செய்தார். பாபா பாலக்நாத்தின் வெற்றி திஜாரா தொகுதியின் எதிர்காலத்தைப் பிரகாசமாக்கும் என்று அவர் நம்பிக்கை தெரிவித்தார்.

பாலக்நாத்தும் யோகி ஆதித்யநாத் போலவே நாத் சமூகத்தைச் சேர்ந்தவர். 40 வயதான பாலக்நாத் வாக்கு எண்ணிக்கை தொடங்குவதற்கு சற்று முன்பு சிவன் கோவிலுக்கு சென்று பிரார்த்தனை செய்தார். முன்னதாக, பிரச்சாரத்தின்போது பாபா பாலக்நாத் இம்ரான் கானுக்கு எதிராக தான் போட்டியிடுவதை இந்தியா - பாகிஸ்தான் போட்டியுடன் ஒப்பிட்டார்.

பெரும்பான்மைக்கு 100 இடங்களில் வெற்றி தேவை என்ற நிலையில், தற்போதைய வாக்கு எண்ணிக்கை நிலவரப்படி, ராஜஸ்தானில் பாஜக 112 இடங்களில் முன்னணியில் உள்ளது. காங்கிரஸ் 72 இடங்களில் முன்னிலையில் உள்ளது.

ஆந்திராவை நெருங்கும் மிக்ஜம் புயல்... முதல்வர் ஜெகனுடன் பிரதமர் மோடி ஆலோசனை!

Follow Us:
Download App:
  • android
  • ios