India@75 : மகாத்மா காந்தியின் தோழர்.. தண்டி யாத்திரையில் இருந்த ஒரே கிறிஸ்துவர் டைட்டஸ்ஜி !
மகாத்மா காந்தியின் வரலாற்று சிறப்புமிக்க தண்டி யாத்திரையில் அவருடன் சென்றவர்களில் ஒரு கிறிஸ்தவரும் இருந்தார். அவர் யாரென்று தெரியுமா ? நிச்சயம் தெரியாது.
 )
Follow91 ஆண்டுகளுக்கு முன்பு காந்திஜியுடன் 386 கிலோமீட்டர் நீளமான பாதையில், 24 நாட்கள் நடந்த 81 சத்தியாக்கிரகிகளில் ஒரே கிறிஸ்தவர். நமது சுதந்திரப் போராட்ட வீரர்களை நினைவு கூரும் போதும் அவரது பெயர் அடிக்கடி மறந்து போகும். அப்படிதான் இவர் பெயரும் இருக்கிறது. அவர் பெயர் டைட்டஸ். மற்ற அணிவகுப்பாளர்களுடன் சேர்ந்து டைட்டஸும் தீவிர போலீஸ் சித்திரவதைகளை எதிர்கொண்டார்.
ஏர்வாடா சிறையில் சுமார் ஒரு மாத காலம் அடைக்கப்பட்டார். டைட்டஸ் 1905 ஆம் ஆண்டு தற்போதைய கேரளாவின், பத்தனம்திட்டா மாவட்டத்தில் உள்ள மரமன் கிராமத்தில் நடுத்தர விவசாயி குடும்பத்தில் பிறந்தார். பள்ளிக் கல்வியை முடித்தவுடன் பள்ளி ஆசிரியர் பணியைப் பெற்றார். ஆனால் டைட்டஸுக்கு வாழ்க்கையில் பெரிய இலக்குகள் இருந்தது. தற்போது சாம் ஹிக்கின்போதம் வேளாண் பல்கலைக்கழகம் என அழைக்கப்படும் அலகாபாத்தின் வேளாண்மை நிறுவனத்தில் சேர்ந்தார் டைட்டஸ்.
கல்லூரி மற்றும் விடுதியில் கட்டணம் செலுத்துவதற்காக இன்ஸ்டிடியூட் பண்ணைகளில் வேலை செய்து வந்தார். அவர் இன்ஸ்டிடியூட்டில் பால் மேலாண்மையில் டிப்ளோமா எடுத்தார்,படித்தார். பிறகு அதன் நிறுவனர் ஹிக்கின்பாதம் அவரை வளாகப் பால் பண்ணையில் பணியமர்த்தினார். அந்நாட்களில், குஜராத்தின் அகமதாபாத்தில் உள்ள காந்திஜியின் சபர்மதி ஆசிரமத்தில் பால் நிபுணர் பணியிடம் காலியாக இருப்பதாக அவரது சகோதரர் கூறினார்.
இதனை கேட்ட டைட்டஸ் அந்த நேர்காணலுக்குச் சென்றார். அங்கு காந்திஜியைச் சந்தித்தார். உடனடியாக 1929ம் ஆண்டு தீபாவளி நாளில் ஆசிரமத்தில் சேர்ந்தார். ஆசிரமத்தில் விதிகள் கடுமையாக இருந்தன. சம்பளம் இல்லை, ஆனால் போர்டிங், தங்குமிடம் மற்றும் ஒரு ஜோடி இரண்டு ஆடைகள் இலவசம். பால் பண்ணையை கவனிப்பதோடு மட்டுமல்லாமல், மற்ற கைதிகளைப் போலவே மகாத்மா விதித்த அனைத்து வேலைகளையும் டைட்டஸ் செய்தார்.
கழிப்பறைகள் உட்பட ஆசிரமத்தை சுத்தம் செய்தல், சமையலறையில் வேலை செய்தல், துணி துவைத்தல், சர்காவால் காதி நூற்பு, தினசரி பிரார்த்தனைகளில் பங்கேற்பது, பிரம்மச்சரியத்தை பின்பற்றுதல். உப்பு மீதான பிரிட்டிஷ் ஏகபோகத்தை எதிர்த்தும், சுதந்திரத்திற்கான இந்தியாவின் தேசிய இயக்கத்தை முன்னெடுத்துச் செல்லவும் ஏற்பாடு செய்யப்பட்ட அவரது வரலாற்று தண்டி அணிவகுப்பில் காந்திஜியுடன் கலந்துகொள்வதில் அவர் மிகவும் மகிழ்ச்சியடைந்தார்.
காந்தி கடைசியாக 1937 ஆம் ஆண்டு கேரளாவிற்கு விஜயம் செய்தபோது, ஆரன்முலா செல்லும் வழியில் மாரமன் என்ற இடத்தில் உள்ள தனது அன்பான டைட்டூஜியின் வயதான தந்தையை அவர் சந்தித்தார். அவரது திருமணத்திற்குப் பிறகு, டைட்டஸ் தனது மனைவி அன்னம்மாவை சபர்மதிக்கு அழைத்து வந்தார். அப்போது காந்திஜி புதிய தம்பதியினருக்காக தனது சொந்த அறையை காலி செய்தார். சுதந்திரத்திற்குப் பிறகு, டைட்டஸ்ஜி மத்தியப் பிரதேசத்தில் உள்ள போபாலில் வேளாண் துறையில் சேர்ந்தார். டைட்டஸ் தனது வாழ்நாள் முழுவதும் ஒரு உறுதியான காந்தியவாதியாக இருந்து 1980 ஆம் போபாலில் தனது 75வது வயதில் காலமானார் என்பது குறிப்பிடத்தக்கது.
சேனலை கிளிக் செய்து பின்தொடரவும்
