ட்ரம்ப் வெற்றிக்கு ஸ்கெட்ச் போட்ட பரோன் டிரம்ப்! 18 வயசுதான் ஆகுது!!

அமெரிக்காவின் 47வது அதிபராக டொனால்ட் டிரம்ப் பதவியேற்கவுள்ள நிலையில், டிரம்ப் குடும்பத்தினர் மீது கவனம் திரும்பியுள்ளது. 2024 தேர்தலில் ட்ரம்பின் வெற்றி உறுதிசெய்யப்பட்டதைத் தொடர்ந்து, அவரது மனைவி மெலானியா, எக்ஸ் தளத்தில் ஒரு பதிவை வெளியிட்டார். அதில் தங்கள் மகன் பரோன் முதல் முறையாக வாக்களித்த தருணத்தைப் பெருமையுடன் பகிர்ந்துகொண்டார்.

பரோன் டிரம்ப், சமீபத்தில் பாம் பீச்சில் தனது பாட்டியின் இறுதிச் சடங்கில் கலந்துகொண்டபோது, ​​பொதுமக்களின் கவனத்தை ஈர்த்தார். ஆறடி உயரத்துக்கு மேல் வளர்ந்திருக்கும் பரோன் குடும்பத்தில் அனைவரையும் விட உயரமாக தனித்துத் தெரிந்தார்.

டொனால்ட் ட்ரம்பின் குழந்தைகளில் இளையவரான பரோன், டொனால்டு டிரம்ப் மற்றும் மெலனியாவுக்கு மார்ச் 20, 2006 அன்று பிறந்தார். பரோனுக்கு டிரம்ப் தான் பெயர் சூட்டினார் என்பதும் குறிப்பிடத்தக்கது. நிகழ்ச்சி ஒன்றில் பேசிய டிரம்ப் தனக்கு எப்போதும் பிடித்த பெயர் அது என்று கூறினார்.

ஜனவரி 2017 இல் டிரம்ப் முதன்முதலில் ஜனாதிபதியாக பதவியேற்றபோது, ​​​​மெலானியாவும் பரோனும் மன்ஹாட்டனில் தங்கினர். பரோன் தனது பள்ளிப் படிப்பை முடிப்பதற்காக அங்கே தங்க வேண்டி இருந்தது.

பரோன் நியூயார்க்கில் உள்ள பள்ளியில் தனது கல்வியைத் தொடங்கினார். பின்னர் மேரிலாந்தில் உள்ள பொடோமக்கில் உள்ள செயின்ட் ஆண்ட்ரூ எபிஸ்கோபல் பள்ளிக்கு மாறினார்.

பரோன் நியூயார்க்கை விட்டு வெளியேறத் தயங்கினார் என்றும் கூறபடுகிறது. 2021ஆம் ஆண்டில், அவரது தந்தை டொனால்டு டிரம்ப்பின் பதவிக் காலம் முடிவடையும் நேரத்தில், ​​​​பரோன் புளோரிடாவின் பாம் பீச்சில் உள்ள ஆக்ஸ்பிரிட்ஜ் அகாடமியில் சேர்ந்தார். அங்கு அவர் இந்த ஆண்டுதான் படிப்பை முடித்துள்ளார்.