அமெரிக்காவின் தனிநபர் வருமானத்தில் 25% அடைய இந்தியாவுக்கு 75 வருடமாகும்! - எச்சரிக்கும் உலக வங்கி!
வளர்ச்சிப் பணிகளில் இதே நிலை தொடர்ந்தால், அமெரிக்காவின் தனிநபர் வருமானத்தில் கால் பங்கை அடைய சீனாவுக்கு 10 ஆண்டுகளுக்கும் மேலாகும், இந்தோனேசியாவுக்கு கிட்டத்தட்ட 70 ஆண்டுகள் மற்றும் இந்தியாவுக்கு 75 ஆண்டுகள் ஆகும் என உலக வங்கி தெரிவிதுள்ளது.
Followஇந்தியா, இந்தோனேசியா, சீனா உள்ளிட்ட நாடுகள், தங்களது பொருளாதார கொள்கையில் முன்னேற்றம் தரும் வகையிலான மாற்றங்களை கொண்டு வராவிட்டால் நடுத்தர வருமான பிரிவிலேயே அவை சிக்கிக்கொள்ளும் அபாயம் உள்ளதாக, உலக வங்கி எச்சரிக்கை விடுத்துள்ளது
உலக வங்கி இது தொடர்பாக வெளியிட்டுள்ள செய்திக் குறிப்பில், 1990ஆம் ஆண்டிலிருந்து மொத்தம் 34 நாடுகள் மட்டுமே, நடுத்தர வருமான பிரிவிலிருந்து அதிக வருமானம் பெரும் பிரிவுக்கு முன்னேறியுள்ளன என தெரிவித்துள்ளது.
நடுத்தர வருமான பிரிவில் உள்ள நாடுகளான இந்தியா, இந்தோனேஷியா, சீனா உள்ளிட்ட நாடுகள் அதிக வருமானம் ஈட்டும் பிரிவுக்கு முன்னேற, பல மேஜிக்களை செய்தாக வேண்டும். அப்படி செய்தால் மட்டுமே, அதிக வருமானம் ஈட்டும் நிலையை எட்ட முடியும்
சுவரில் மட்டும் 1 டன் தங்கம்.. உலகின் முதல் தங்க ஹோட்டல்.. எங்குள்ளது தெரியுமா?
மத்திய வருமான பிரிவில் உள்ள சுமார் 108 நாடுகளின் பிரச்னையானது, ஏற்கனவே, வழக்கமாக பயன்படுத்தி வந்த முறைகள் தற்போது பயன் அளிக்காமல் போய்விட்டன. இந்த நாடுகளின் மற்றொரு மிகப்பெரிய பிரச்சனை என்னவென்றால், இவை பணக்கார நாடாக மாறுவதற்கு முன்பே, அதிக வயதானவர்களை கொண்ட நாடாக மாறிவிடும் என்பது தான்.
Minimum Balance : மினிமம் பேலன்ஸ் இல்லை.. ரூ.8500 கோடி அபராதம்.. தவிர்ப்பது எப்படி தெரியுமா?
மேலும், பருவ நிலை மாற்றம் வேறு கூடுதல் சவாலை ஏற்படுத்துகிறது. பருவ நிலை மாற்றத்துக்கு ஏற்ப தங்களை தயார்படுத்திக் கொள்வதற்கு, பணக்கார நாடுகளைக் காட்டிலும் நடுத்தர மற்றும் ஏழை நாடுகளுக்கே அதிக செலவாகும்.
அதனால், நடுத்தர வருமானப் பிரிவில் உள்ள நாடுகள், தங்களது பொருளாதாரக் கொள்கைகளை மாற்றியே தீரவேண்டும். அவ்வாறு செய்யவிட்டால், அமெரிக்க தனிநபர் வருமானத்தில் 25% சதவீதத்தை அடைய, சீனாவுக்கு 10 ஆண்டுகளுக்கும் மேலாகும். இந்தோனேஷியாவுக்கு 70 ஆண்டுகளும்; இந்தியாவுக்கு 75 ஆண்டுகளும் தேவைப்படும் என உலக வங்கி தெரிவித்துள்ளது.
சேனலை கிளிக் செய்து பின்தொடரவும்
