DD Neelakandan: மீண்டும் மணப்பெண் கோலத்தில் டிடி; ரசிகர்களுக்கு இன்ப அதிர்ச்சி கொடுத்த தொகுப்பாளினி

பிரபல தனியார் தொலைக்காட்டியான விஜய் டிவியில் சிறுவயதிலேயே தொகுப்பாளினியாக பயணத்தைத் தொடங்கிய திவ்ய தர்ஷினி     தனது துருதுரு பேச்சினால் அனைவராலும் பெரிதும் ரசிக்கப்பட்டார். தொடர்ந்து அடுத்தடுத்த முயற்சிகள் இவருக்கு கை கொடுக்க தொகுப்பாளினி என்ற துறையில் பல்வேறு உச்சம் தொட்டார்.

பாய்ஸ் வெசர்ஸ் கேர்ள்ஸ், ஜோடி நம்பர் ஒன் என இவர் தொகுத்து வழங்கிய நிகழ்ச்சிகள் சக்கைபோடு போட்ட நிலையில் தொகுப்பாளினி அணு தொகுத்து வழங்கிய காபி வித் அணு என்ற நிகழ்ச்சி இவர் கைக்கு கிடைத்தது. அதில் தனக்கென ஒரு பெயரை உருவாக்கிய திவ்ய தர்ஷினி காபி வித் டிடி என்ற நிகழ்ச்சியில் இவர் சந்திக்காத பிரபலங்களே இல்லை என்ற பெயரை பெற்றார். 

தனது அசாத்திய திறமையாலும், சோர்வில்லாத உழைப்பாலும் விஜய் அவார்ட்ஸ் நிகழ்ச்சியை தொகுத்து வழங்கும் வாய்ப்பை பெற்றார். இவர் துறையில் இருந்த வரை இவரைத் தவற வேறு தொகுப்பாளர்களே இல்லை என்று சொல்லும் அளவிற்கு விஜய் டிவியின் பெருவாரியான நிகழ்ச்சிகளில் தலை காட்டினார்.

பின்னர் தனது நீண்டகால நண்பரான ஸ்ரீகாந்தை கடந்த 2014ம் ஆண்டு காதலித்து திருமணம் செய்து கொண்டார். இவரது திருமணத்திற்கு திரைத்துரையின் பல்வேறு உச்சநட்சத்திரங்களும் வந்திருந்த நிலையில், சுமார் 3 ஆண்டுகளிலேயே மனக்கசப்பு ஏற்பட்டு விவாகரத்து பெற்றார்.

திருமணத்திற்கு பின்னர் டிடி.யால் பழைய மாதிரி தொலைக்காட்சி நிகழ்ச்சிகளில் சோபிக்க முடியவில்லை. இந்நிலையில் அவர் தற்போது பிரைடல் போட்டோ சூட் நடத்தி தனது ரசிகர்களுக்கு இன்ப அதிர்ச்சி கொடுத்துள்ளார்.