WhatsApp Update: அப்பாடா, இனி யாருக்கும் தெரியாது.! நிம்மதி பெருமூச்சு விடும் பயனாளர்கள்.!

மெட்டா நிறுவனம் வாட்ஸ்அப்பில் புதிய தனியுரிமை வசதியை அறிமுகப்படுத்தியுள்ளது. இந்த மாற்றம் தேவையற்ற சங்கடங்களைத் தவிர்த்து, பயனர்களுக்கு அதிக சுதந்திரத்தை அளிக்கிறது.

Image Credit : Gemini AI

புதிய வசதி அறிமுகம்

வாட்ஸ்அப் பயனர்களின் தனியுரிமை மற்றும் மனஅமைதியை மேம்படுத்தும் வகையில், மெட்டா நிறுவனம் புதிய வசதியை அறிமுகப்படுத்தியுள்ளது. இதன் மூலம், பயனர்கள் எந்தவிதமான கவன ஈர்ப்பும் இல்லாமல் வாட்ஸ்அப் குரூப்பில் இருந்து சத்தமின்றி (Silently) வெளியேற முடியும். இதுவரை ஒருவர் குரூப்பை விட்டு வெளியேறினால், அந்த தகவல் அனைத்து உறுப்பினர்களுக்கும் நோட்டிபிகேஷனாக காட்டப்படும். இதனால் தேவையற்ற கேள்விகள், சங்கடமான சூழ்நிலைகள் உருவாகும் நிலை இருந்தது.

Image Credit : Google

அட்மினுக்கு மட்டும் தெரியும்

புதிய அப்டேட்டின் மூலம், ஒரு பயனர் குரூப்பை விட்டு வெளியேறும் போது, அந்த தகவல் அட்மினுக்கு மட்டும் நோட்டிபிகேஷனாக தெரிவிக்கப்படும். மற்ற உறுப்பினர்களுக்கு எந்த அறிவிப்பும் செல்லாது. இதன் மூலம், தனிப்பட்ட காரணங்களுக்காக குரூப்பை விட்டு வெளியேற விரும்புவோருக்கு அதிக சுதந்திரமும் பாதுகாப்பும் கிடைக்கிறது.

Image Credit : Gemini

தவறான புரிதல்களை தவிர்க்கலாம்

குறிப்பாக அலுவலக குரூப்புகள், குடும்ப வாட்ஸ்அப் குரூப்புகள், நண்பர்கள் குழுக்கள் போன்ற இடங்களில் இந்த வசதி மிகவும் பயனுள்ளதாக இருக்கும். தேவையற்ற விளக்கங்கள், தவறான புரிதல்கள் ஆகியவற்றை தவிர்க்க இந்த மாற்றம் உதவும் என மெட்டா தெரிவித்துள்ளது. பயனர்களின் கருத்துக்களை அடிப்படையாக கொண்டு இந்த அப்டேட் வெளியிடப்பட்டுள்ளதாகவும் கூறப்படுகிறது.

Image Credit : Gemini

அப்டேட் செய்தால் போதும்

இந்த புதிய வசதி தற்போது படிப்படியாக அனைத்து பயனர்களுக்கும் வழங்கப்பட்டு வருகிறது. உங்கள் வாட்ஸ்அப் அப்ளிகேஷனை லேட்டஸ்ட் வெர்ஷனுக்கு அப்டேட் செய்தால், இந்த வசதி தானாகவே செயல்பாட்டில் இருக்கும். பயனர்களின் தனியுரிமையை முதன்மைப்படுத்தும் மெட்டாவின் இந்த முயற்சி, வாட்ஸ்அப்பை மேலும் நட்பு மற்றும் பாதுகாப்பான தளமாக மாற்றும் என்பதில் ஐயமில்லை.