Jio New Year recharge plan: ரூ.2025க்கு ரீசார்ஜ் செய்தால் 500GB டேட்டாவோடு ரூ.2150 கொடுக்கும் ஜியோ

ரிலையன்ஸ் ஜியோ தனது பயனர்களுக்கு புத்தாண்டு பரிசாக அசத்தலான சலுகையை அறிமுகப்படுத்தியுள்ளது. 2025 புத்தாண்டை வரவேற்கும் வகையில், 'New Year Welcome recharge plan ரூ.2025' என்ற சிறப்புத் திட்டத்தை அறிவித்துள்ளது. இந்த அற்புதமான சலுகை பற்றிய கூடுதல் விவரங்களை இங்கே காணலாம். 

Reliance Jio

ரிலையன்ஸ் ஜியோ தனது பயனர்களுக்கு அவ்வப்போது சிறப்பு சலுகைகளை அறிவித்து வருகிறது. ரீசார்ஜ் திட்டங்கள் மட்டுமின்றி, குறைந்த விலையில் சிறந்த அம்சங்களுடன் செல்போன்களையும் தயாரித்து சந்தையில் வெளியிடுகிறது. ஏற்கனவே ரூ.999க்கு கீபேட் போனை அறிமுகப்படுத்தியது. அதேபோல், ரூ.5000க்கே சிறந்த அம்சங்களுடன் 5ஜி ஸ்மார்ட்போனை அறிமுகப்படுத்தி போட்டியாளர்களை ஆச்சரியப்படுத்தியது. இப்போது 2025 புத்தாண்டை சிறப்பாக வரவேற்கும் வகையில், பயனர்களுக்கு 'New Year Welcome recharge plan ரூ.2025'ஐ வழங்குகிறது. 

புத்தாண்டு வரவேற்பு திட்டம் டிசம்பர் 11, 2024 முதல் ஜனவரி 11, 2025 வரை கிடைக்கும். இந்த காலகட்டத்தில் ரீசார்ஜ் செய்பவர்கள் பெரிய அளவில் சேமிப்பையும், கூடுதல் பலன்களையும் பெறலாம். இந்த திட்டத்தை ரீசார்ஜ் செய்ய ரூ.2025 செலுத்த வேண்டும். 

இந்த திட்டத்தின் செல்லுபடியாகும் காலம் 200 நாட்கள். அதுவரை வரம்பற்ற 5ஜி இணைய சேவைகளை நீங்கள் பெறலாம். கூடுதலாக, ஒரு நாளைக்கு 2.5 ஜிபி டேட்டா வீதம் 500 ஜிபி 4ஜி டேட்டாவும் கிடைக்கும். 

புத்தாண்டு வரவேற்பு திட்டத்தை ரீசார்ஜ் செய்தால், அன்லிமிடட் கால்களுடன், வரம்பற்ற எஸ்எம்எஸ் அனுப்பும் வசதியும் இந்த ரீசார்ஜ் திட்டத்தில் உள்ளது. 

புத்தாண்டு வரவேற்பு திட்டத்தை ரீசார்ஜ் செய்தால், கூப்பன்கள் வடிவில் ரூ. 2150 மதிப்புள்ள கூடுதல் பலன்களையும் பெறலாம். 

Ajioவில் ரூ.2,500க்கு மேல் ஷாப்பிங் செய்தால் ரூ.500 தள்ளுபடி கிடைக்கும். Swiggyயில் ரூ.499 மதிப்புள்ள உணவு ஆர்டர் செய்தால் ரூ.150 தள்ளுபடி கிடைக்கும். Easemytrip.comமில் விமான டிக்கெட்டுகள் பதிவு செய்தால் ரூ.1,500 வரை தள்ளுபடி கூப்பன்கள் கிடைக்கும். MyJio செயலி மூலம் இந்த பலன்களை பெறலாம்.

புத்தாண்டு வரவேற்பு திட்டம் மாத ரீசார்ஜ் ரூ.349 தொகுப்போடு ஒப்பிடும்போது ரூ.468 சேமிப்பை வழங்குகிறது. இது வரையறுக்கப்பட்ட சலுகை. டிசம்பர் 11, 2024 முதல் ஜனவரி 11, 2025 வரை மட்டுமே கிடைக்கும். பயனர்கள் ஜியோ இணையதளம், செயலி அல்லது அங்கீகரிக்கப்பட்ட சில்லறை விற்பனையாளர்கள் மூலம் ரீசார்ஜ் செய்யலாம்.