ஆப்பிள் iOS 19 ஜூன் மாதம் ரிலீஸ்! அட்டகாசமான AI அப்டேட் வரப்போகுது!

ஆப்பிளின் வருடாந்திர நிகழ்வு - உலகளாவிய டெவலப்பர்கள் மாநாடு (WWDC) 2025 - ஜூன் மாதம் நடைபெற உள்ளது. இந்த நிகழ்வில் iOS 19 அறிமுகம் செய்யப்படும் என்று எதிர்பார்க்கப்படுகிறது.

Apple Event 2025

ஆப்பிள் நிகழ்வு:

ஆப்பிளின் வருடாந்திர நிகழ்வு - உலகளாவிய டெவலப்பர்கள் மாநாடு (WWDC) 2025 - ஜூன் மாதம் நடைபெற உள்ளது. நேற்று இரவு, இந்த நிகழ்வு ஜூன் 9 ஆம் தேதி தொடங்கி ஜூன் 13 வரை நடைபெறும் என்று ஆப்பிள் நிறுவனம் அறிவித்தது. ஆனால், வரவிருக்கும் அறிவிப்புகளை ஆப்பிள் வெளிப்படையாக வெளியிடவில்லை என்றாலும், iOS 19, புதிய ஆப்பிள் நுண்ணறிவு அம்சங்கள் மற்றும் பல சாப்ட்வேர் அப்டேட்டுகள் வெளியிடும் என்று எதிர்பார்க்கப்படுகிறது. ஐபோன் 17 ஏர் ஸ்மார்ட்போனும் இந்த நிகழ்வில் அறிமுகம் செய்யப்பட வாய்ப்பு இருக்கிறது.

Apple WWDC 2025

iOS 19, ஐபோன், ஐபாட்மற்றும் மேக் லாப்டாப் உள்ளிட்ட ஆப்பிள் நிறுவனத்தின் புதிய சாதனங்கள் முழுவதும் ஒருங்கிணைந்த தோற்றத்தைப் பெறும் என்று தெரிகிறது. புதுப்பிக்கப்பட்ட UI, கன்ட்ரோல் சென்டரில் ஃபோகஸ் பயன்முறைகளை ஒருங்கிணைப்பதன் மூலம் புதிய ஆப்ஷன்களை வழங்கும் என்று எதிர்பார்க்கப்படுகிறது. விட்ஜெட் விரிவாக்கம், ஸ்மார்ட் பரிந்துரைகள் ஆகியவையும் புதிய வடிவமைப்பை மேம்படுத்தும் என்று எதிர்பார்க்கலாம்.

iOS 19 features

iOS 19 இன் முக்கிய சிறப்பம்சம், கேமரா செயலியின் மறுவடிவமைப்பு. இது visionOS அடிப்படையில் உருவாக்கப்பட்டதாக இருக்கும் எனக் கூறப்படுகிறது. புதுப்பிக்கப்பட்ட வடிவமைப்பு வெளிப்படையாக இருக்கும் என்று எதிர்பார்க்கப்படுகிறது, மேலும் சிறந்த அனுபவத்தை வழங்குவதற்காக கட்டுப்பாடுகள் எளிமைப்படுத்தப்படும் என்றும் சொல்லப்படுகிறது.

iOS 19 launch

ஆப்பிள் போட்டோ மற்றும் வீடியோவுக்கு இடையே சுலபமாக மாறுதவற்கு புதிய ஆப்ஷன் கொடுக்கப்படலாம். ஃபிரேம் ரேட், எக்ஸ்போஷர் போன்ற செட்டிங்குகளை விரைவாக அணுகும் வசதியும் இருக்கும் எனக் கூறப்படுகிறது. கூடுதலாக, நெறிப்படுத்தப்பட்ட வ்யூஃபைண்டர் இடம்பெறலாம். கிளிக் செய்த படங்களை உடனடியாக அணுகுவதற்கான பிரத்யேக பட்டனும் இருக்கலாம்.