AC பயன்படுத்தும் 90% பேருக்கும் தெரியாத 3 நிமிட ரூல்... இதை ஃபாலோ பண்ணா கரெண்ட் பில் கம்மியாகும்!

AC Maintenance: வெயிலில் இருந்து வந்ததும் AC-யை ஆன் செய்வதும், குளிர் ஆரம்பித்ததும் ஆஃப் செய்வதும் நம்மில் பலரின் பழக்கம். ஆனால், இதில் ஒரு '3 நிமிட ரூல்' இருக்கிறது. இதை பின்பற்றவில்லை என்றால், கம்ப்ரஸர் பழுதாகி, கரண்ட் பில் எகிறிவிடும்.

Image Credit : AI Image

AC 3 minute rule

வெயிலில் இருந்து வீட்டுக்குள் நுழைந்ததும் நாம் முதலில் என்ன செய்வோம்? ரிமோட்டை எடுத்து AC-யை 16 டிகிரியில் வைத்து, ஃபேனை ஃபுல் ஸ்பீடில் ஓட விடுவோம். பத்து நிமிடத்தில் குளிர் அதிகமாகிவிட்டால் ஆஃப் செய்துவிடுவோம். சிறிது நேரத்தில் மீண்டும் வியர்க்க ஆரம்பித்தால், உடனே ஆன் செய்வோம். இந்த ஆன்-ஆஃப் விளையாட்டால் கரண்ட் மிச்சமாகும் என்று நாம் நினைக்கிறோம். ஆனால், AC மெக்கானிக்குகளும், கம்பெனி இன்ஜினீயர்களும் சொல்வது என்னவென்றால், இந்த ஒரே ஒரு பழக்கம்தான் உங்கள் AC-யின் மிக முக்கியமான பாகமான கம்ப்ரஸரை காலி செய்கிறது. கூடவே உங்கள் பாக்கெட்டையும் தான்.

உண்மையில், AC-யில் ஒரு ரகசிய '3 நிமிட விதி' இருக்கிறது. 99% மக்களுக்கு இது தெரிவதே இல்லை. தெரியாததன் விளைவை, சர்வீஸ் செலவிலும், கரண்ட் பில்லிலும் அனுபவிக்கிறார்கள்.

Image Credit : Getty

3 நிமிட விதி என்ன?

இந்த '3 நிமிட விதி' மிகவும் எளிமையானது. AC-யை ஆஃப் செய்த பிறகு, அதை மீண்டும் ஆன் செய்வதற்கு முன்பு குறைந்தபட்சம் 3 நிமிடங்கள் காத்திருக்க வேண்டும். அதாவது, நீங்கள் ஸ்விட்ச் ஆஃப் செய்துவிட்டால், அடுத்த 3 நிமிடங்களுக்குள் மீண்டும் ஆன் செய்யவே கூடாது. கோபத்திலோ, அவசரத்திலோ ரிமோட்டை படபடவென அழுத்தவும் கூடாது.

ஏன் 3 நிமிடங்கள் காத்திருக்க வேண்டும்? இதற்கான முழு காரணமும் AC-யின் இதயம் எனப்படும் கம்ப்ரஸருக்குள் தான் இருக்கிறது. கம்ப்ரஸரின் வேலை, AC-க்குள் இருக்கும் ஃபிரையான் வாயுவை அழுத்தி, குளிர்ச்சியான காற்றை வெளியேற்றுவது. நீங்கள் AC-யை ஆஃப் செய்யும்போது, கம்ப்ரஸருக்குள் ஒரு பக்கம் உயர் அழுத்தமும், மறுபக்கம் குறைந்த அழுத்தமும் உருவாகும். ஆஃப் செய்தவுடன், இந்த இரண்டு அழுத்தங்களும் சமநிலைக்கு வர சுமார் 2 முதல் 3 நிமிடங்கள் ஆகும்.

Image Credit : Getty

கம்ப்ரஸர் பழுதாகும்

இந்த நேரத்திற்குள் நீங்கள் மீண்டும் AC-யை ஆன் செய்துவிட்டால், சமநிலை அடையாத அழுத்தத்திற்கு எதிராக கம்ப்ரஸர் கட்டாயப்படுத்தி வேலை செய்ய வேண்டியிருக்கும். இன்ஜினீயரிங் மொழியில் இதை 'ஷார்ட் சைக்கிளிங்' என்று சொல்வார்கள். இதனால், முதலில் கம்ப்ரஸர் மீது பயங்கர அழுத்தம் ஏற்படும். நாளடைவில் கம்ப்ரஸர் பலவீனமாகி, ஒரு கட்டத்தில் முற்றிலும் பழுதாகிவிடும். கம்ப்ரஸரை மாற்ற வேண்டும் என்றால் 15,000 முதல் 20,000 ரூபாய் வரை செலவாகும். இரண்டாவதாக, அழுத்தம் சமநிலையில் இல்லாததால், AC குளிர்விக்க அதிக கரண்ட் இழுக்கும். மாத இறுதியில் பில்லைப் பார்த்தால் தலை சுற்றும். மூன்றாவதாக, AC-யிலிருந்து 'கட் கட்' என சத்தம் வரும், குளிரும் முன்பு போல் இருக்காது.

Image Credit : Getty

இதை ஃபாலோ பண்ணுங்க

இதோடு சேர்த்து இன்னொரு 3 நிமிட விதியும் இருக்கிறது, அதையும் நாம் யாரும் மதிப்பதில்லை. அது, AC-யை ஆன் செய்த பிறகு வரும் 3 நிமிடங்கள். வீட்டுக்குள் நுழைந்ததும் பலர் 16 டிகிரி மற்றும் ஃபேன் ஃபுல் ஸ்பீடில் வைத்துவிடுகிறார்கள். அப்படிச் செய்யாதீர்கள். AC ஆன் செய்ததும், முதல் 3 நிமிடங்களுக்கு 24 முதல் 25 டிகிரியில், மீடியம் ஃபேனில் ஓட விடுங்கள். அறை கொஞ்சம் குளிர்ச்சியாகட்டும். அதன்பிறகு மெதுவாக வெப்பநிலையை 22-23 டிகிரிக்கு குறையுங்கள். இதனால் கம்ப்ரஸர் மீது திடீர் அதிர்ச்சி ஏற்படாது. மெஷினும் நன்றாக இருக்கும், அறையும் சீராகக் குளிர்ச்சியடையும்.

Image Credit : Getty

சரியான முறை என்ன?

வீட்டுக்குள் வந்ததும் முதலில் ஜன்னல், கதவுகளை மூடுங்கள். AC-யை ஆன் செய்து 24 டிகிரியில், மீடியம் ஃபேனில் 3 நிமிடங்கள் ஓட விடுங்கள். பிறகு தேவைப்பட்டால் வெப்பநிலையைக் குறைக்கவும். வெளியே செல்லும்போது AC-யை ஆஃப் செய்தால், 3 நிமிடங்களுக்குள் மீண்டும் உள்ளே வந்து ஆன் செய்யாதீர்கள். வீட்டுக் குழந்தைகளை ரிமோட்டிலிருந்து தள்ளி வையுங்கள். கூடவே, மாதத்திற்கு ஒருமுறை AC ஃபில்டரை நீங்களே கழற்றி சுத்தம் செய்யுங்கள். இதனால் கம்ப்ரஸர் மீதான அழுத்தம் இன்னும் குறையும்.

கடைசியாக ஒரே ஒரு விஷயம்தான். AC என்பது வெறும் குளிர்விக்கும் மெஷின் மட்டுமல்ல. அதுவும் ஒரு இன்ஜின் போன்றது. இன்ஜினை ஆன் செய்வதற்கும் ஆஃப் செய்வதற்கும் இடையில் நேரம் கொடுக்க வேண்டும். இந்தச் சிறிய '3 நிமிட விதியை' நீங்கள் பின்பற்றினால், உங்கள் AC-யின் ஆயுள் 3 முதல் 4 ஆண்டுகள் அதிகரிப்பதை நீங்களே பார்ப்பீர்கள். கூடவே, ஒவ்வொரு மாத கரண்ட் பில்லும் சுமார் 20% வரை குறையும்.