2026 சட்டமன்ற தேர்தல்.. டாப் 5 பணக்கார வேட்பாளர் யார்? மலைக்க வைக்கும் சொத்து
2026 சட்டமன்றத் தேர்தலில் போட்டியிடும் வேட்பாளர்களின் சொத்து விவரங்கள் பெரும் விவாதத்தை ஏற்படுத்தியுள்ளன. நடிகர் விஜய், ஜோஸ் சார்லஸ் மார்ட்டின் உள்ளிட்ட முதல் 5 கோடீஸ்வர வேட்பாளர்கள்.
சட்டமன்ற தேர்தல்
தமிழகத்தில் 234 தொகுதிகளுக்கும் ஒரே கட்டமாக ஏப்ரல் 23ம் தேதி தேர்தல் நடைபெற உள்ளது. இந்த தேர்தலில் பதிவாகும் வாக்குகள் மே 4ம் தேதி எண்ணப்பட்டு முடிவுகள் வெளியாக உள்ளன. இந்நிலையில் வேட்பாளர்கள் தாக்கல் செய்துள்ள சொத்து விவரங்கள் பொதுமக்களிடையே பெரும் விவாதத்தை ஏற்படுத்தியுள்ளன. குறிப்பாக, சினிமா மற்றும் தொழில்துறையில் இருந்து அரசியலுக்கு வந்துள்ள வேட்பாளர்களின் சொத்து மதிப்பு மலைக்க வைக்கிறது.
அசோசியேஷன் ஃபார் டெமோக்ரடிக் ரிஃபார்ம்ஸ் (ADR) மற்றும் வேட்பு மனுத் தாக்கல் தரவுகளின் அடிப்படையில், 2026 தேர்தலில் களம் காணும் டாப் 5 கோடீஸ்வர வேட்பாளர்கள் குறித்த விவரங்களை இங்கே பார்க்கலாம்.
விஜய் (தமிழக வெற்றிக் கழகம்)
அரசியலுக்குப் புதிய வரவான நடிகர் விஜய், சுமார் ரூ.600 கோடிக்கும் மேல் சொத்து மதிப்புடன் முதலிடத்தில் உள்ளார். இதில் விஜய்யுடன் இருக்கும் அசையும் சொத்து மதிப்பு ரூ.404 கோடியும், அசையா சொத்து மதிப்பு ரூ.115 கோடியாகும். பூர்வீக சொத்தின் மதிப்பு 21.83 கோடி ரூபாய் என தெரிவிக்கப்பட்டுள்ளது. விஜய் தன்னிடம் ரூ.1.20 கோடி மதிப்பில் 883 கிராம் தங்கம் இருப்பதாகவும், 2 பிஎம்டபிள்யு, லெக்சஸ், டோயட்டோ வெல்பயர் உள்ளிட்ட கார்கள் சொந்தமாக இருப்பதாக விஜய் குறிப்பிட்டுள்ளார்.
ஜோஸ் சார்லஸ் மார்ட்டின் (NDA - லட்சிய ஜனநாய கட்சி)
லாட்டரி அதிபர் மார்ட்டினின் மகனான இவர், சுமார் ரூ.597 கோடி சொத்து இருப்பதாக தெரிவித்துள்ளார். 339 கோடி ரூபாய் மதிப்பில் அசையும் சொத்துக்களும், சார்லஸ் மார்ட்டினுக்கு 20.59 லட்சமும் அவரது மனைவியிடம் ஒரு கோடியை 82 லட்சமும் பல்வேறு வங்கிகளில் 2.03 கோடியும், சுமார் 64க்கும் மேற்பட்ட நிறுவனங்களில் பங்குகள் மற்றும் மியூச்சுவல் ஃபண்டுகளில் 74.28 கோடி ரூபாய் முதலீடு செய்துள்ளார். வேட்பாளரிடம் 25.67 கோடி ரூபாய் மதிப்புள்ள தங்கமும், அவரது மனைவியிடம் 5.35 கோடி ரூபாய் மதிப்புள்ள தங்கமும், 44.87 கோடி மதிப்புலான வைரங்களும் உள்ளதாக தெரிவித்துள்ளார்.
எஸ்.பி. வேலுமணி (அதிமுக)
தொண்டாமுத்தூர் தொகுதியில் போட்டியிடும் அதிமுக முன்னாள் அமைச்சர் எஸ்.பி. வேலுமணி. இவர் சுமார் ரூ.150 முதல் 180 கோடி (உத்தேசமாக) மதிப்பிலான சொத்துக்களைக் வைத்திருப்பதாக வேட்பு மனுவில் தெரிவித்துள்ளார்.
நயினார் நாகேந்திரன் (பாஜக)
திருநெல்வேலி பகுதியில் ஹோட்டல் மற்றும் ரியல் எஸ்டேட் தொழிலில் ஈடுபட்டுள்ள இவரது சொத்து மதிப்பு சுமார் ரூ.100 கோடிக்கு மேல் இருக்கும் எனக் கணிக்கப்படுகிறது. நயினார் நாகேந்திரன் மீதுள்ள அசையும் சொத்து மதிப்பு ரூ.12 கோடி, அசையா சொத்து மதிப்பு ரூ.1.91 கோடி, மொத்த கடன் ரூ.2.61 கோடி. இவரது மனைவி சந்திரா மீதுள்ள அசையும் சொத்து மதிப்பு ரூ.12.03 கோடி, அசையா சொத்து மதிப்பு ரூ.5.98 கோடி. மொத்த கடன் ரூ.2.52 கோடியாகும்.
ஆதவ் அர்ஜூனா (வில்லிவாக்கம் தொகுதி)
தமிழக வெற்றிக்கழகம் சார்பில் வில்லிவாக்கம் தொகுதியில் போட்டியிடும் ஆதவ் அர்ஜூனா, தனக்கு ரூ.197 கோடி சொத்து இருப்பதாகவும், அவரது மனைவி டெய்சியின் சொத்து மதிப்பு ரூ.245 கோடி எனவும் குறிப்பிட்டுள்ளார். மேலும் ஆதவ் அர்ஜூனா தன்னிடம் ரூ.2.29 கோடி மதிப்புள்ள 1691 கிராம் தங்கம் உள்ளதாக கூறியுள்ளார். ஆதவின் மனைவி டெய்சியிடம் ரூ.3.01 கோடி மதிப்புள்ள 2225.62 கிராம் தங்கமும், ரூ.60.27 லட்சம் மதிப்புள்ள 24109 கிராம் வெள்ளியும், ரூ.6.16 கோடி மதிப்புள்ள வைர ஆபரணங்கள் உள்ளதாகவும் கூறப்பட்டுள்ளது.
