MalayalamNewsableKannadaKannadaPrabhaTeluguTamilBanglaHindiMarathiMyNation
Add Preferred SourceGoogle-icon
  • Facebook
  • Twitter
  • whatsapp
  • YT video
  • insta
  • தற்போதைய செய்தி
  • தமிழ்நாடு
  • சினிமா
  • ஆட்டோ
  • வர்த்தகம்
  • விளையாட்டு
  • லைஃப்ஸ்டைல்
  • ஜோதிடம்
  • இந்தியா
  • Home
  • Tamil Nadu News
  • TNSDMA Warning : இனி யார் சொல்வதையும் நம்பாதீங்க..வானிலை முன்னறிவிப்பு குறித்து TNSDMA முக்கிய எச்சரிக்கை!

TNSDMA Warning : இனி யார் சொல்வதையும் நம்பாதீங்க..வானிலை முன்னறிவிப்பு குறித்து TNSDMA முக்கிய எச்சரிக்கை!

TNSDMA Warning : வானிலை தொடர்பான தகவல்களுக்கு இந்திய வானிலை ஆய்வு மையத்தின் அதிகாரப்பூர்வ முன்னறிவிப்புகளை மட்டுமே பின்பற்ற வேண்டும் என TNSDMA அறிவுறுத்தியுள்ளது. தனிநபர்களின் கணிப்புகளை அரசு அறிவிப்புகளாகக் கருத வேண்டாம் என்றும் எச்சரித்துள்ளது.

3 Min read
Author : Vishnupriya
Published : Nov 16 2026, 06:02 PM IST
Share this Photo Gallery
  • FB
  • TW
  • Linkdin
  • Whatsapp
  • GNFollow Us
16
வானிலை முன்னறிவிப்புகளை வெளியிடுவது யார்?
Image Credit : Pinterest

வானிலை முன்னறிவிப்புகளை வெளியிடுவது யார்?

தமிழகத்தில் மழை, காற்றழுத்தத் தாழ்வுப் பகுதி, புயல் உள்ளிட்ட வானிலை மாற்றங்கள் குறித்த தகவல்கள் வெளியாகும்போது பொதுமக்கள் எந்த அறிவிப்பை நம்புவது என்ற குழப்பம் ஏற்படுவது வழக்கம். குறிப்பாக சமூக வலைதளங்களில் தனிநபர்கள் மற்றும் அங்கீகரிக்கப்படாத வானிலை ஆர்வலர்கள் வெளியிடும் கணிப்புகள் வேகமாகப் பரவுகின்றன.

ஆனால், வானிலை தொடர்பான தகவல்களைப் பகிரும்போது பொதுமக்கள் மிகுந்த கவனத்துடன் இருக்க வேண்டும். இந்திய வானிலை ஆய்வு மையம் (IMD) வெளியிடும் அதிகாரப்பூர்வ முன்னறிவிப்புகளையே பின்பற்ற வேண்டும் என்றும், தனிநபர்கள் மற்றும் அங்கீகரிக்கப்படாத அமைப்புகள் வெளியிடும் கணிப்புகளை அரசு சார்ந்த அதிகாரப்பூர்வ முன்னறிவிப்புகளாகக் கருதக் கூடாது என்றும் தமிழ்நாடு மாநில பேரிடர் மேலாண்மை ஆணையம் அறிவுறுத்தியுள்ளது.

இந்த அறிவுறுத்தலின் முக்கியத்துவம், பொதுமக்கள் கவனிக்க வேண்டிய அம்சங்கள் மற்றும் அதிகாரப்பூர்வ தகவல்களைப் பெறுவதற்கான வழிகள் குறித்து விரிவாகப் பார்க்கலாம்.

ஏசியாநெட் தமிழ்-ஐ உங்கள் முதன்மைத் தேர்வாக்குங்கள்googlePreferred
26
பேரிடர் மேலாண்மை ஆணையம் அறிவுறுத்தல் என்ன?
Image Credit : Gemini Ai

பேரிடர் மேலாண்மை ஆணையம் அறிவுறுத்தல் என்ன?

வானிலை தொடர்பான தகவல்களை ஊடகங்கள் மற்றும் சமூக வலைதளப் பயனர்கள் பொறுப்புடன் வெளியிட வேண்டும் என்று தமிழ்நாடு மாநில பேரிடர் மேலாண்மை ஆணையம் வெளியிட்ட வலியுறுத்தியுள்ளது.

இந்திய வானிலை ஆய்வு மையம் (IMD) மட்டுமே நாட்டின் வானிலை நிலவரங்களைக் கண்காணித்து, புயல், மழைப்பொழிவு, இடியுடன் கூடிய மழை உள்ளிட்ட வானிலை நிகழ்வுகள் தொடர்பான அதிகாரப்பூர்வ முன்னறிவிப்புகள், எச்சரிக்கைகள் மற்றும் அறிவுரைகளை வெளியிடும் அங்கீகரிக்கப்பட்ட தேசிய அமைப்பு என ஆணையம் தெளிவுபடுத்தியுள்ளது.

36
ஆணையம் வெளியிட்டுள்ள 5 முக்கிய அறிவுறுத்தல்கள்
Image Credit : Pinterest

ஆணையம் வெளியிட்டுள்ள 5 முக்கிய அறிவுறுத்தல்கள்

IMD முன்னறிவிப்புகளுக்கு மட்டுமே முன்னுரிமை

இந்திய வானிலை ஆய்வு மையம் வெளியிடும் அதிகாரப்பூர்வ வானிலை முன்னறிவிப்புகள், எச்சரிக்கைகள் மற்றும் அறிவுரைகளையே ஊடகங்கள் மற்றும் பொதுமக்கள் முதன்மையாகப் பின்பற்ற வேண்டும்

தனிநபர்களின் கணிப்புகளை அதிகாரப்பூர்வமாகக் கருதக்கூடாது

சமூக வலைதளங்களில் தனிநபர்கள் மற்றும் அங்கீகரிக்கப்படாத அமைப்புகள் வெளியிடும் வானிலை கணிப்புகளை அரசின் அதிகாரப்பூர்வ முன்னறிவிப்புகளாகக் கருதவோ, வெளியிடவோ கூடாது.

ஊடகங்கள் தகவல்களைச் சரிபார்க்க வேண்டும்

தொலைக்காட்சி, அச்சு மற்றும் இணையதள ஊடகங்கள், IMD முன்னறிவிப்புகளிலிருந்து மாறுபட்ட தனிநபர்களின் கணிப்புகளை வெளியிடுவதற்கு முன்பு அவற்றின் நம்பகத்தன்மையை உரிய முறையில் சரிபார்க்க வேண்டும்.

சுயாதீன ஆய்வுகளுக்கு உரிய விளக்கம் அவசியம்

தனிநபர்கள் அல்லது சுயாதீன வானிலை ஆர்வலர்கள் அறிவியல் அடிப்படையில் தங்களது ஆய்வுகளை வெளியிடலாம். ஆனால், அவை எந்த ஆதாரத்தின் அடிப்படையில் வெளியிடப்படுகின்றன என்பதைத் தெளிவுபடுத்த வேண்டும். மேலும், அவை IMD வெளியிட்ட அதிகாரப்பூர்வ முன்னறிவிப்புகள் அல்ல என்பதையும் குறிப்பிட வேண்டும்.

அச்சத்தையும் பதற்றத்தையும் ஏற்படுத்தும் செய்திகளைத் தவிர்க்க வேண்டும்

புயல், கனமழை போன்ற தீவிர வானிலை நிகழ்வுகளின்போது ஆதாரமற்ற கணிப்புகள், சரிபார்க்கப்படாத தகவல்கள் மற்றும் பரபரப்பான செய்திகளை வெளியிடுவதை ஊடகங்கள் தவிர்க்க வேண்டும்.

46
ஏன் இந்த அறிவுறுத்தல் வெளியிடப்பட்டுள்ளது?
Image Credit : Pinterest

ஏன் இந்த அறிவுறுத்தல் வெளியிடப்பட்டுள்ளது?

வானிலை தொடர்பான தகவல்கள் பொதுமக்களின் பாதுகாப்பு, அன்றாட வாழ்க்கை மற்றும் அரசின் பேரிடர் தடுப்பு நடவடிக்கைகளுடன் நேரடியாகத் தொடர்புடையவை. குறிப்பாக, புயல் உருவாகும் காலங்களில் அதன் நகர்வு, கரையைக் கடக்கும் இடம், காற்றின் வேகம், மழையின் அளவு போன்றவற்றைச் சுற்றிப் பல்வேறு கணிப்புகள் வெளியாகின்றன.

ஒரு கணிப்பு தமிழகக் கடற்கரையைப் புயல் நெருங்கும் என்று கூறலாம். மற்றொரு கணிப்பு ஆந்திரப் பகுதியை நோக்கிச் செல்லும் என்று கூறலாம். இத்தகைய முரண்பட்ட தகவல்கள் பொதுமக்களிடையே தேவையற்ற அச்சத்தையும் குழப்பத்தையும் ஏற்படுத்துகின்றன.

மேலும், பொதுமக்கள் எடுக்க வேண்டிய முன்னெச்சரிக்கை நடவடிக்கைகள், மீட்புப் பணிகள் மற்றும் அரசு நிர்வாகத்தின் செயல்பாடுகளிலும் பாதிப்புகளை ஏற்படுத்தக்கூடும். இதனால், வானிலை தொடர்பான தகவல்களைப் பொறுப்புடன் வெளியிடுவதும், அதிகாரப்பூர்வ அறிவிப்புகளை மட்டுமே நம்புவதும் அவசியம் என்று தமிழ்நாடு மாநில பேரிடர் மேலாண்மை ஆணையம் வலியுறுத்தியுள்ளது.

56
அறிவுறுத்தலின் முக்கியத்துவம் என்ன?
Image Credit : Pinterest

அறிவுறுத்தலின் முக்கியத்துவம் என்ன?

தற்போது வங்கக்கடலில் உருவாகியுள்ள அக்வான் புயல் தொடர்பாகவும் பல்வேறு கணிப்புகள் வெளியாகி வருகின்றன.

புயல் ஆந்திரக் கடற்கரையை நோக்கிச் செல்லும் என இந்திய வானிலை ஆய்வு மையம் கணித்துள்ள நிலையில், சில தனியார் வானிலை ஆர்வலர்கள் தமிழகக் கடற்கரைப் பகுதிகளில் கரையைக் கடக்க வாய்ப்புள்ளதாகத் தங்களது கணிப்புகளை வெளியிட்டுள்ளனர்.

இதனால் பொதுமக்களிடையே புயலின் பாதை குறித்த குழப்பம் ஏற்பட்டுள்ளது. இந்தச் சூழலில் அதிகாரப்பூர்வ முன்னறிவிப்புகளை மட்டுமே பின்பற்ற வேண்டும் என்ற ஆணையத்தின் அறிவுறுத்தியுள்ளது.

66
பொதுமக்கள் எவற்றைப் பின்பற்ற வேண்டும்?
Image Credit : Pinterest

பொதுமக்கள் எவற்றைப் பின்பற்ற வேண்டும்?

இந்திய வானிலை ஆய்வு மையம் (IMD): புயல், மழை, காற்றின் வேகம் மற்றும் மாவட்ட வாரியான வானிலை எச்சரிக்கைகள்.

சென்னை மண்டல வானிலை ஆய்வு மையம் (RMC): தமிழ்நாடு, புதுச்சேரி மற்றும் காரைக்கால் பகுதிகளுக்கான தினசரி வானிலை அறிக்கைகள்.

தமிழ்நாடு மாநில பேரிடர் மேலாண்மை ஆணையம்: பேரிடர் முன்னெச்சரிக்கை நடவடிக்கைகள் மற்றும் அரசின் பாதுகாப்பு அறிவுறுத்தல்கள்.

மாவட்ட ஆட்சியர் அலுவலகம்: அந்தந்த மாவட்டத்திற்கான உள்ளூர் பாதுகாப்பு அறிவிப்புகள்.


பொதுமக்களுக்கு விடுக்கப்பட்டுள்ள முக்கிய வேண்டுகோள்

புயல் மற்றும் கனமழை தொடர்பான தகவல்களைப் பார்க்கும்போது சமூக வலைதளங்களில் வரும் ஒவ்வொரு பதிவையும் உண்மை என நம்ப வேண்டாம். குறிப்பாக, புயல் கரையைக் கடக்கும் இடம், தேதி, நேரம் மற்றும் பாதை குறித்த உறுதிப்படுத்தப்படாத தகவல்களை மற்றவர்களுக்குப் பகிர்வதைத் தவிர்க்க வேண்டும்.

அரசுத் துறைகள் வெளியிடும் எச்சரிக்கைகளைப் பின்பற்றி, தேவையான முன்னெச்சரிக்கை நடவடிக்கைகளை மேற்கொள்ள வேண்டும். வதந்திகளைப் பரப்பாமல் இருப்பதும் பொதுமக்களின் பாதுகாப்புக்கு உதவும்.

About the Author

V
Vishnupriya
கா. விஷ்ணுபிரியா செய்தித் துறையில் 3 வருடம் அனுபவம் கொண்டவர். ETV Bharat இணையத்தளத்தில் பணியாற்றிய இவர் தற்போது ஏசியாநெட் நியூஸ் தமிழில் மல்டிமீடியா ஜர்னலிஸ்டாக பணிபுரிகிறார். இவர் அரசியல், சினிமா மற்றும் லைஃப் ஸ்டைல் உள்ளிட்ட துறைகளில் தொடர்ந்து எழுதி வருகிறார்.
தமிழ்நாடு வானிலை அறிக்கை
வானிலை
வானிலை அறிக்கை
 
2nd TEST • PAK vs SL 2026
PAKPAK
Tue, 17 Nov, 2026
SLSL
10:00 am
Match yet to begin.
Schedule ›
2nd ODI • AUS vs ENG 2026
Result
AUSAUS
220
ENGENG
355/6
ENG beat AUS by 135 runs
Schedule ›
5th ODI • NZ vs IND 2026
Result
NZNZ
187
INDIND
209
IND beat NZ by 22 runs
Schedule ›
3rd ODI • AUS vs ENG 2026
AUSAUS
Wed, 18 Nov, 2026
ENGENG
09:00 am
Match yet to begin.
Schedule ›
1st ODI • AUS vs ENG 2026
Result
AUSAUS
132/3
ENGENG
131
AUS won by 7 wickets
Schedule ›
4th ODI • NZ vs IND 2026
Result
NZNZ
333
INDIND
89
NZ beat IND by 244 runs
Schedule ›
3rd ODI • NZ vs IND 2026
abandoned
NZNZ
-
INDIND
-
Match abandoned
Schedule ›
1st TEST • PAK vs SL 2026
Result
PAKPAK
434 & 284/8
SLSL
446
Match drawn
Schedule ›
15th T20 • WBBLT20
Result
SS-WSS-W
162/2
ST-WST-W
158
Sydney Sixers Women Won by 9 runs (D/L) method
Schedule ›
2nd ODI • NZ vs IND 2026
Result
NZNZ
134
INDIND
113/7
IND won by 4 runs (DLS method)
Schedule ›
Latest Videos
Recommended Stories
Recommended image1
கி.மீ.க்கு வெறும் 8 ரூபாய்..? 7 பேர் வரை பயணம்..! சென்னையில் களமிறங்கும் புதிய எலக்ட்ரிக் டாக்ஸி..!
Recommended image2
Aadhav Arjuna Divorce : விவாகரத்து முடிவை அறிவித்த ஆதவ் அர்ஜுனா - டெய்ஸி ஜோடியின் சொத்து மதிப்பு எவ்வளவுனு தெரிஞ்சா ஷாக் ஆகிடுவீங்க...!
Recommended image3
குட் நியூஸ்.! மழைக்கால நிவாரணம் ரூ.7,000! யார் யாருக்கு கிடைக்கும்? தகுதி என்ன? முழு விவரம் இதோ!
Related Stories
Recommended image1
Aadhav Arjuna Divorce : விவாகரத்து முடிவை அறிவித்த ஆதவ் அர்ஜுனா - டெய்ஸி ஜோடியின் சொத்து மதிப்பு எவ்வளவுனு தெரிஞ்சா ஷாக் ஆகிடுவீங்க...!
Recommended image2
Arogara Controversy : முதலமைச்சருக்கு அரோகரா.. திருச்செந்தூர் சூரசம்ஹாரத்தில் எழுந்த சர்ச்சை! காவல் ஆணையரிடம் இந்து முன்னணி நிர்வாகி பரபரப்பு புகார்!
Asianet
Follow us on
  • Facebook
  • Twitter
  • whatsapp
  • YT video
  • insta
  • Download on Android
  • Download on IOS
  • About Website
  • Terms of Use
  • Privacy Policy
  • CSAM Policy
  • Complaint Redressal - Website
  • Compliance Report Digital
  • Investors
© Copyright 2026 Asianxt Digital Technologies Private Limited (Formerly known as Asianet News Media & Entertainment Private Limited) | All Rights Reserved