தீபாவளிக்கு தமிழகத்தில் கொட்டப்போகும் கனமழை.. குடையை மறக்காதீங்க மக்களே
தென்கிழக்கு வங்கக்கடல் பகுதியில் உருவாகியுள்ள வளிமண்டல கீழடுக்கு சுழற்சி காரணமாக, அக்டோபர் 19 முதல் 22 வரை தமிழகம், புதுவை மற்றும் காரைக்கால் பகுதிகளில் கனமழை பெய்யும் என வானிலை ஆய்வு மையம் எச்சரித்துள்ளது.
19–22 அக்டோபர் வானிலை அப்டேட்
தென்கிழக்கு வங்கக்கடல் பகுதியில் உருவாகியுள்ள வளிமண்டல கீழடுக்கு சுழற்சி காரணமாக அக்டோபர் 19-22 வரை தமிழகத்தின் பல பகுதிகளில் கனமழை, இடியுடன் கூடிய மின்னல், லேசானது முதல் மிதமான மழை பெய்யும் என வானிலை ஆய்வு மையம் எச்சரிக்கை விடுத்துள்ளது.
தமிழ்நாடு வானிலை
சென்னையுடன் சேர்ந்து புதுவை, காரைக்கால் பகுதிகளிலும் இதே நிலை நிலவவுள்ளது. கோயம்புத்தூர் மலைப்பகுதிகள், நீலகிரி, ஈரோடு, திருப்பூர், தேனி, தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்ய வாய்ப்பு உள்ளது.
தீபாவளி தினத்தில் மழை கொட்டும்
அக்டோபர் 20, தீபாவளி தினத்திலும் தமிழகத்தின் பெரும்பாலான பகுதிகளில் இடியுடன் கூடிய லேசனானது முதல் மிதமானது மழை பெய்யும் என வானிலை ஆய்வு மையம் தெரிவித்துள்ளது. செங்கல்பட்டு, விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர், புதுக்கோட்டை, இராமநாதபுரம், கள்ளக்குறிச்சி, நீலகிரி, கோயம்புத்தூர் மலைப்பகுதிகள், திருப்பூர், ஈரோடு, கரூர், நாமக்கல், மதுரை, சிவகங்கை, விருதுநகர், திண்டுக்கல் மாவட்டங்களில் கனமழை வாய்ப்பு உள்ளது.
தமிழகத்தில் தொடரும் கனமழை
அக்டோபர் 21 மற்றும் 22 நாட்களில், தமிழகத்தில் சில இடங்களில் இடியுடன் கூடியது லேசானது முதல் மிதமான மழை பெய்யும். விழுப்புரம், செங்கல்பட்டு, கடலூர், மயிலாடுதுறை, நாகப்பட்டினம் மாவட்டங்களில் ஓரிரு இடங்களில் கனமழை பெய்ய வாய்ப்பு உள்ளது.
எங்கெல்லாம் மழை பெய்யும்?
22-ஆம் தேதி திருவள்ளூர், சென்னை, செங்கல்பட்டு, காஞ்சிபுரம், விழுப்புரம், இராணிப்பேட்டை மாவட்டங்களில் கன முதல் மிக கனமழை பெய்யும் வாய்ப்பு உள்ளது. கடலூர், கள்ளக்குறிச்சி, திருவண்ணாமலை, திருப்பத்தூர் மற்றும் வேலூர் மாவட்டங்களிலும் கனமழை பெய்யும்.
சென்னையில் வானிலை மற்றும் வெப்பநிலை
சென்னையில் இன்று வானம் ஓரளவு மேகமூட்டத்துடன் காணப்படும். நகரின் சில பகுதிகளில் இடியுடன் கூடிய லேசனானது அல்லது மிதமான மழை பெய்ய வாய்ப்பு உள்ளது. அதிகபட்ச வெப்பநிலை 28-29° செல்சியஸ் வரை, குறைந்தபட்ச வெப்பநிலை 25-26° செல்சியஸ் வரை இருக்கும் என வானிலை ஆய்வு மையம் குறிப்பிட்டுள்ளது.
