ரொம்ப கம்மியான கட்டணத்தில் சொகுசான ரூம்.! தமிழக அரசின் சூப்பர் திட்டம்

ஆன்மிக தளமாக விளங்கும் ராமேஸ்வரத்தை சுற்றி பல்வேறு முக்கிய சுற்றுலா தளங்கள் உள்ளது. இந்த இடங்களை பார்ப்பதற்காகவே தமிழகம் மட்டுமல்ல பல்வேறு மாநிலங்கள் மற்றும் பல்வேறு நாடுகளில் இருந்து மக்கள் வருகின்றனர். அவர்களுக்கு குறைந்த கட்டணத்தில் தங்கும் விடுதியை தமிழக அரசு அமைத்துள்ளது. 

OOTY

குடும்பத்துடன் சுற்றுலா

நவீன காலத்திற்கு ஏற்ப மக்களும் வேகமாக ஓடிக்கொண்டிருக்கிறார்கள். அந்த வகையில் குடும்பத்தோடு நேரம் செலவழிக்க கூட முடியாமல் தவித்து வருகின்றனர். அந்த வகையில் எப்போதாவது நேரம் கிடைத்தால் நண்பர்கள் அல்லது குடும்பத்தோடு சுற்றுலாவிற்கு புறப்படுவார்கள். சுற்றுலாவும் ஆன்மிக சுற்றுலா அல்லது குளுமையான அல்லது இயற்கையே தேடி செல்வார்கள்.

அந்த வகையில் தமிழகத்தில் ஊட்டி,கொடைக்கானல், ஏலகிரி, ஏற்காடு போன்ற மலைவாசஸ்தளங்களும், நீர் நிலை சார்ந்த சுற்றுலா என்று பார்க்கும் போது குற்றாலம், தேனி, ஒக்கேனக்கல் என செல்வார்கள். இதுவே ஆன்மிக சுற்றுலா என்றால் தமிழகத்தில் மட்டுமே ஆயிரக்கணக்கான முக்கியம் மற்றும் பிரபலமான கோயில்கள் உள்ளது.

RAMESWARAM

ஆன்மிக சுற்றுலா

அந்த வகையில் சென்னையில் பார்த்தசாரதி கோயில், கபாலீஸ்வரர் கோயில், திருச்செந்தூர் முருகன் கோயில், தஞ்சை பெரிய கோயில், பழனி முருகன் கோயில், மதுரை மீனாட்சி அம்மன் கோயில், ராமேஸ்வரம் ராமநாத சுவாமி கோயில் என பல கோயில்கள் உள்ளது. அந்த வகையில் ஆன்மிக சுற்றுலாவாக பல கோயில்களுக்கு செல்வார்கள் அப்போது பயண கட்டணத்தை விட ஒரு நாள் இரவு மட்டும் தங்கும் விடுதி கட்டணம் தான் அதிர்ச்சி கொடுக்கும் அந்த வகையில் பக்தர்களின் வசதிக்காக தமிழக தமிழக அறநிலையத்துறை சார்பாக யாத்ரி நிவாஸ் கட்டப்பட்டு வருகிறது.

ROOM

ராமேஸ்வரத்தில் ஆலயம் விடுதி

தமிழகத்தில் திருச்செந்தூர், ஶ்ரீரங்கம், ராமேஸ்வரம் என பல இடங்களில் உள்ளது. அங்கு தனியார் ஓட்டல்களில் வசூலிக்கப்படும் கட்டணத்தை விட மிக குறைவாகவே கட்டணம் வசூலிக்கப்படுகிறது.குறிப்பாக ராமேஸ்வரத்தை எடுத்துக்கொண்டால் அங்கு பல சுற்றுலா தளங்கள் உள்ளது. குறிப்பாக ராமநாதஸ்வாமி கோயில், தனுஷ்கோடி, பாம்பன் பாலம், நம்பு கோயில், ராமர் பாதம் என பல ஆன்மிக தளங்களும் சுற்றுலா தளங்களும் இருக்கும்.

AALAYAM RAMESWARAM

தனியாரை ஓட்டலை விட குறைந்த கட்டணம்

இதனை பார்ப்பதற்காகவும் கோயிலில் வழிபடுவதற்காகவும பல ஓட்டல்கள் ராமேஸ்வரத்தை சுற்றி அமைந்துள்ளது. அந்த வகையில் தமிழக அரசு சார்பாக கட்டப்பட்டுள்ள ஆலயம் விடுதியில் குறைவான கட்டணத்தில் ரூம்கள் வழங்கப்படுகிறது. 
இந்து சமய அறநிலையத்துறையின் சார்பில் ரூ.30  கோடி ரூபாய் மதிப்பீட்டில் யாத்ரி நிவாஸ் அமைக்கப்பட்டது. 13 ஏக்கர் பரப்பளவில் அமைந்துள்ள இந்த தங்கும் விடுதியில் 2 பேர் முதல் 20 பேர் வரையிலும் ஒரே அறையில்  தங்கும் வகையில் அறை வசதிகளும் உண்டு. 

RAMESWARAM

திடீரென அதிகரித்த கட்டணம்

ஆலயம் தங்கும் விடுதியின் கட்டணத்தை பொறு்த்த வரை இரண்டு படுக்கை அறைக்கு 500 ரூபாயும், A/C உடன் இரண்டு படுக்கை அறை கட்டணம் 750 ரூபாயும், 
6 படுக்கைகள் கொண்ட அறை  1200 ரூபாயாகவும், 8 படுக்கைகள் கொண்ட அறை 1600 ரூபாயாகவும் வசூலிக்கப்பட்டு வந்தது. ஆனால் தற்போது தமிழ்நாடு சுற்றுலா துறையிடம் ஒப்படைக்கப்பட்டதையடுத்து இந்த கட்டணமானது அதிகரிக்கப்பட்டுள்ளது. அதன் படி புதிய கட்டணம் நிர்ணயிக்கப்பட்டுள்ளது. 

ROOM RENT

புதிய கட்டணம் என்ன.?

இரண்டு பேர் சாதாரண ரூம்களுக்கு- 1000 ரூபாய்

இரண்டு பேர் ஏசி ரூம்- 1800 ரூபாய்

6 பேர் தங்கும் வகையான ரூம்களுக்கு - 3000 ரூபாய் 

8 பேர் தங்கும் ரூம்களுக்கு - 4000 ரூபாய் 

6 பேர் தங்கும் ஏசி அறைக்கு - 5000 ரூபாய்

8 பேர் தங்கும் ஏசி அறைக்கு - 6000 ரூபாய்