சரசரவென அதிகரிக்கும் இஞ்சி, வெங்காயத்தின் விலை..! கோயம்பேட்டில் காய்கறிகளின் விலை என்ன.?

கோயம்பேடு சந்தைக்கு வரும் காய்கறிகளின் வரத்து பொறுத்து விற்பனை விலையில் மாற்றம் செய்யப்படுகிறது. அந்த வகையில் இஞ்சி மற்றும் சின்ன வெங்காயத்தின் வரத்து குறைந்துள்ளதால் விற்பனை விலை அதிகரித்துள்ளது.  

காய்கறி விலை என்ன.?

சென்னை கோயம்பேடு சந்தையில் காய்கறி விலை ஆனது சற்று அதிகரித்து விற்பனையாகிறது. பீட்ரூட் ஒரு கிலோ 45 ரூபாய்க்கும், பச்சை மிளகாய் ஒரு கிலோ 35 ரூபாய்க்கும்,  உருளைக்கிழங்கு ஒரு கிலோ 25 ரூபாய்க்கும் விற்பனை செய்யப்பட்டு வருகிறது. பெரிய வெங்காயம் ஒரு கிலோ 30 ரூபாய்க்கும், சின்ன வெங்காயத்தின் விலையானது கடந்த சில நாட்களாக அதிகரித்து வருகிறது. அந்த வகையில் ஒரு கிலோ சின்ன வெங்காயம் 70 ரூபாயை தொட்டுள்ளது. 

Vegetables

முட்டைக்கோஸ் விலை என்ன.?

குடைமிளகாய் ஒரு கிலோ 150 ரூபாய்,  பாகற்காய் ஒரு கிலோ 20 ரூபாயும், சுரைக்காய் ஒரு கிலோ 20 ரூபாயும், பட்டர் பீன்ஸ் ஒரு கிலோ 90 ரூபாயும், அவரைக்காய் ஒரு கிலோ 40 ரூபாய்க்கு விற்பனை செய்யப்பட்டு வருகிறது. முட்டைக்கோஸ் விலையானது கடந்த சில நாட்களாக குறைந்து வருகிறது. அந்த வகையில் ஒரு கிலோ முட்டைக்கோஸ் 7 ரூபாய்க்கும், கேரட் ஒரு கிலோ 35 ரூபாய்க்கும் கொத்தவரை ஒரு கிலோ 25 ரூபாய்க்கும் விற்பனையாகிறது.

கத்தரிக்காய் விலை என்ன.?

தேங்காய் ஒரு கிலோ 25 ரூபாய்க்கும், வெள்ளரிக்காய் ஒரு கிலோ 15 ரூபாய்க்கும், முருங்கைக்காய் ஒரு கிலோ 25 ரூபாய்க்கும் விற்பனை செய்யப்படுகிறது. கத்தரிக்காய் ஒரு கிலோ 30 ரூபாய்க்கும், பெரிய கத்திரிக்காய் ஒரு கிலோ 50 ரூபாய்க்கும்,பீன்ஸ் ஒரு கிலோ 65க்கும், வெண்டைக்காய் ஒரு கிலோ 20 ரூபாய்க்கும் முள்ளங்கி ஒரு கிலோ 35 ரூபாய்க்கும் விற்பனை செய்யப்பட்டு வருகிறது.

இஞ்சி விலை அதிகரிப்பு

தக்காளி விலையானது நேற்றைய விட சற்று குறைந்துள்ளது. ஒரு கிலோ தக்காளி 15 ரூபாய்க்கு விற்பனை செய்யப்பட்டு வருகிறது. இஞ்சின் விலையானது தரத்தை பொறுத்து விலையும் நிர்ணயிக்கப்படுகிறது. இந்தநிலையில் இஞ்சியின் விலையானது 150 லிருந்து 300 ரூபாய் வரை விற்பனை ஆகிறது