அட! 2026 தேர்தலுக்கு இப்போதே ரெடி! நாம் தமிழர் கட்சியின் 100 வேட்பாளர் பட்டியலை வெளியிட்ட சீமான்!

2026 தமிழக சட்டமன்றத் தேர்தலுக்காக, நாம் தமிழர் கட்சி தனது 100 பேர் கொண்ட முதற்கட்ட வேட்பாளர் பட்டியலை சீமான் வெளியீட்டுள்ளார். இடும்பாவனம் கார்த்திக், களஞ்சியம், வீரப்பன் மகள் வித்யாராணி உள்ளிட்ட முக்கிய பெயர்கள் இதில் இடம்பெற்றுள்ளன.

Image Credit : x/seeman

நாம் தமிழர் கட்சி வேட்பாளர்கள்

2026 தமிழக சட்டமன்றத் தேர்தலில் போட்டியிடும் நாம் தமிழர் கட்சியின் முதற்கட்ட வேட்பாளர் பட்டியலை அக்கட்சியின் தலைமை ஒருங்கிணைப்பாளர் சீமான் இன்று (வெள்ளிக்கிழமை) வெளியிட்டுள்ளார்.

தமிழ்நாடு சட்டமன்றத் தேர்தல் 2026ஆம் ஆண்டு நடைபெற இருக்கிறது. இதற்காக அரசியல் கட்சிகள் தீவிரமாகத் தயாராகி வருகின்றன. குறிப்பாக, மக்கள் சந்திப்புப் பிரச்சாரப் பயணத்தை மேற்கொள்வது, கூட்டணி தொடர்பான பேச்சுவார்த்தைகள் நடத்துவது உள்ளிட்ட விவகாரங்களில் மும்முரமாக ஈடுபட்டு வருகின்றன.

Image Credit : X/Seeman

முதற்கட்ட வேட்பாளர் பட்டியல்

தனியாகத் தேர்தல்களைச் சந்தித்து வரும் நாம் தமிழர் கட்சி, வேட்பாளர்களை நிறுத்துவதிலும் பாலின சமத்துவத்தைப் பின்பற்றி வருகிறது. அதன்படி, மொத்தமுள்ள 234 தொகுதிகளில் 117 தொகுதிகளில் ஆண் வேட்பாளர்களையும், 117 தொகுதிகளில் பெண் வேட்பாளர்களையும் அறிவிப்பதை கொள்கையாகக் கொண்டு செயல்பட்டு வருகிறது.

இந்நிலையில், 2026 சட்டமன்றத் தேர்தலுக்கான சில வேட்பாளர்களை கட்சியின் பொதுக்கூட்டங்கள் நடக்கும்போதே அறிவித்து வந்த அக்கட்சியின் தலைமை ஒருங்கிணைப்பாளர் சீமான், தற்போது 100 பெயர் கொண்ட முதற்கட்ட வேட்பாளர் பட்டியலை அறிவித்துள்ளார்.

Image Credit : Seeman

முக்கிய வேட்பாளர்கள்

இடும்பாவனம் கார்த்திக் (வேதாரண்யம் தொகுதி), இயக்குநர் களஞ்சியம் (ஆயிரம் விளக்கு தொகுதி), வீரப்பனின் மகள் வித்யாராணி (மேட்டூர் தொகுதி) உள்ளிட்ட முக்கிய வேட்பாளர்கள் இந்த பட்டியலில் இடம்பெற்றுள்ளனர்.

வரும் பிப்ரவரி மாதம், மொத்தம் 234 தொகுதிக்கான வேட்பாளர்களையும் ஒரே மேடையில் அறிமுகம் செய்து அறிவிப்பதாக நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார்.