ஜூலை 17 பள்ளி & கல்லூரிகளுக்கு விடுமுறை.. ஆடி அமாவாசை முன்னிட்டு அறிவிப்பு !!

வரும் ஜூலை 17 தமிழகத்தில் குறிப்பிட்ட மாவட்டத்திற்கு ஆடி அமாவாசையை முன்னிட்டு பள்ளி மற்றும் கல்லூரிகளுக்கு விடுமுறை அளிக்கப்படுகிறது.

தமிழகத்தில் அவ்வப்போது உள்ளூர் விடுமுறை அளிக்கப்படுவது உண்டு. தமிழ் மாதமான ஆடியில் வரும் அமாவாசை வெகு சிறப்பு மிக்கது. இந்த நாளில் மக்கள் வழிபாட்டு தலங்களுக்கு சென்று வருவார். அத்துடன் இந்த அமாவாசை நாளில் தனது முன்னோர்களை வழிபடுவார்கள்.

முக்கிய கோவில்களில் பக்தர்கள் கூட்டம் வழக்கத்தை விட அதிகமாக இருக்கும். தமிழகத்தில் ராமநாதபுரம் மாவட்டத்தில் அமைந்துள்ள ராமநாதசுவாமி கோவிலில் ஆடி அமாவாசையில் முன்னோர்களுக்கு தர்ப்பணம் செய்து அக்னி தீர்த்த கடற்கரையில் நீராடும் நிகழ்வு சிறப்பாக நடைபெறும்.

இந்த நிலையில், ஆடி அமாவாசையை முன்னிட்டு, ராமநாதபுரம் மாவட்டத்தில் (17. 7. 2023) அன்று ஒரு நாள் பள்ளி, கல்லூரிகளுக்கு விடுமுறை அளிக்கப்பட்டுள்ளது.

அன்றைய தினம் ஆடி அமாவாசையை முன்னிட்டு ராமேஸ்வரம், சேதுக்கரை, தேவிபட்டினம் போன்ற பகுதிகளுக்கு மக்கள் அதிகம் செல்ல உள்ளதால் போதிய பேருந்து வசதிகள் மேற்கொள்ள திட்டமிட்டுள்ளதை கருத்தில் கொண்டு போக்குவரத்து நெரிசல் ஏற்படும் சூழ்நிலை காரணமாக பள்ளி. கல்லூரி மாணவ, மாணவிகளின் நலன் கருதி 17. 07.2023 அன்று ஒரு நாள் மட்டும் விடுமுறை அளிக்கப்படுகிறது.

இந்த விடுமுறை நாளை ஈடு செய்யும் விதமாக 22.07.2023 அன்று நான்காவது சனிக்கிழமை வேலை நாளாக அறிவித்தும் இதன் மூலம் உத்தரவிடப்படுகிறது என மாவட்ட ஆட்சியர் பா.விஷ்ணு சந்திரன் அறிவிப்பு வெளியிட்டுள்ளார். இந்த செய்தி பள்ளி. கல்லூரி மாணவ, மாணவிகளுக்கு மகிழ்ச்சியை அளித்துள்ளது.