தொடர் விடுமுறைக்கு டூர் போறீங்களா? ஊட்டிக்கு வெறும் 8000 செலவில் IRCTCயின் அசத்தலான 5 நாள் பேக்கேஜ்

தீபாவளி பண்டிகையை முன்னிட்டு தொடர் விடுமுறை அறிவிக்கப்பட்டுள்ள நிலையில் ஊட்டி, குன்னூர், முதுமலை செல்வதற்கான அசத்தலான டூர் பேக்கேஜை ரயில்வே வாரியம் அறிவித்துள்ளது. இது தொடர்பாக IRCTC வெளியிட்டுள்ள அறிவிப்பில், “ஊட்டி, அதிகாரப்பூர்வமாக உதகமண்டலம் என்று அழைக்கப்படுகிறது (உதகை என சுருக்கமாக அழைக்கப்படும் ஊட்டி), தென்னிந்திய மாநிலமான தமிழ்நாட்டின் நீலகிரி மாவட்டத்தில் உள்ள ஒரு நகரம் மற்றும் நகராட்சி ஆகும். 

இது கோயம்புத்தூருக்கு வடமேற்கே 86 கிமீ (53 மைல்) தொலைவிலும், மைசூருக்கு தெற்கே 128 கிமீ (80 மைல்) தொலைவிலும் அமைந்துள்ளது மற்றும் இது நீலகிரி மாவட்டத்தின் தலைமையகமாகும். இது நீலகிரி மலையில் அமைந்துள்ள ஒரு பிரபலமான மலைவாசஸ்தலம் ஆகும். இது பிரபலமாக "ஹில் ஸ்டேஷன்களின் ராணி" என்று அழைக்கப்படுகிறது. இது மெட்ராஸ் பிரசிடென்சியின் கோடைகால தலைநகரமாக இருந்தது.

முதலில் தோடா மக்களால் ஆக்கிரமிக்கப்பட்ட இப்பகுதி 18 ஆம் நூற்றாண்டின் இறுதியில் கிழக்கிந்திய கம்பெனியின் ஆட்சியின் கீழ் வந்தது. பொருளாதாரம் சுற்றுலா மற்றும் விவசாயத்தை அடிப்படையாகக் கொண்டது, மருந்து தயாரிப்பு மற்றும் புகைப்படத் திரைப்படம் ஆகியவற்றுடன். இந்த நகரம் நீலகிரி காட் சாலைகள் மற்றும் நீலகிரி மலை ரயில் மூலம் இணைக்கப்பட்டுள்ளது. அதன் இயற்கையான சூழல் சுற்றுலாப் பயணிகளை ஈர்க்கிறது மற்றும் இது ஒரு பிரபலமான கோடை ஸ்தலமாகும்.

வருகின்ற 31ம் தேதி தொடங்கும் IRCTCயின் பேக்கேஜில் ஊட்டி, முதுமலை, குன்னூர் ஆகிய பகுதிகளை சுற்றிப் பார்க்கலாம். மொத்தமாக 5 பகல், 4 இரவுகள் அடங்கிய இந்த பேக்கேஜில் நபர் ஒருவருக்கு ரூ.8,800 வசூலிக்கப்படுகிறது. 

இந்த சுற்றுலாவுக்கான பாரத் கௌரவ் ரயில் வருகின்ற 31ம் தேதி சென்னை சென்ட்ரல் ரயில் நிலையத்தில் இருந்து இரவு 9.05 மணிக்கு புறப்படுகிறது. பேக்கேஜில் பயணிகளுக்கான உணவு, விடுதி வசதி, சுற்றுலா பயணிகளுக்கான காப்பீடு உள்ளிட்டவை செய்து கொடுக்கப்படும் என்று தெரிவிக்கப்பட்டுள்ளது.