- Home
- Tamil Nadu News
- இன்றும் தரமான சம்பவம் இருக்காம்.. வெதர்மேன் கொடுத்த வார்னிங்.. எந்தெந்த மாவட்டங்களுக்கு?
இன்றும் தரமான சம்பவம் இருக்காம்.. வெதர்மேன் கொடுத்த வார்னிங்.. எந்தெந்த மாவட்டங்களுக்கு?
Tamilnadu Rain: சென்னை மற்றும் புறநகர் பகுதிகளில் வானம் ஓரளவு மேகமூட்டத்துடன் காணப்படும். அதிகாலை வேளையில் ஓரிரு இடங்களில் லேசான பனிமூட்டம் காணப்படும்.
வானிலை மையம்
தமிழகத்தில் பகல் நேரங்களில் வெயில் சுட்டெரித்து வந்த நிலையில் நேற்று இரவு நேரங்களில் விருதுநகர், தேனி, திண்டுக்கல், நீலகிரி உள்ளிட்ட மாவட்டங்களில் மழை பெய்தது. இதனால் பொதுமக்கள், விவசாயிகள் கொஞ்சம் மகிழ்ச்சி அடைந்தனர். இந்நிலையில் இன்று எந்தெந்த பகுதிகளில் மழைக்கு வாய்ப்புள்ளது என சென்னை வானிலை மையம் தெரிவித்துள்ளது.
வளிமண்டல கீழடுக்கு சுழற்சி
தென்னிந்திய பகுதிகளின் மேல் ஒரு வளிமண்டல கீழடுக்கு சுழற்சி நிலவுகிறது. இதன் காரணமாக இன்று தென் தமிழகம், மேற்கு தொடர்ச்சி மலை மாவட்டங்கள் மற்றும் அதனை ஒட்டிய மாவட்டங்களில் ஓரிரு இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும். மற்ற மாவட்டங்களில் வறண்ட வானிலை நிலவக்கூடும்.
தென் தமிழகத்தில் மழைக்கு வாய்ப்பு
அதேபோல் நாளை தென் தமிழகம் கடலோர மாவட்டங்கள் மேற்குதொடர்ச்சி மலை மாவட்டங்கள் மற்றும் அதனை ஒட்டிய மாவட்டங்களில் ஓரிரு இடங்களில் லேசானது முதல் மிதமான மழை பெய்யக்கூடும். ஏனைய மாவட்டங்களில் வறண்ட வானிலை நிலவக்கூடும் என தெரிவித்துள்ளது.
சென்னை வானிலை அப்டேட்
சென்னை மற்றும் புறநகர் பகுதிகளில் வானம் ஓரளவு மேகமூட்டத்துடன் காணப்படும். அதிகாலை வேளையில் ஓரிரு இடங்களில் லேசான பனிமூட்டம் காணப்படும். அதிகபட்ச வெப்பநிலை 33-34° செல்சியஸை ஒட்டியும், குறைந்தபட்ச வெப்பநிலை 23-24° செல்சியஸை ஒட்டியும் இருக்கக்கூடும்.
அதேபோல் நாளை வானம் ஓரளவு மேகமூட்டத்துடன் காணப்படும். அதிகாலை வேளையில் ஓரிரு இடங்களில் லேசான பனிமூட்டம் காணப்படும். அதிகபட்ச வெப்பநிலை 33-34° செல்சியஸை ஒட்டியும், குறைந்தபட்ச வெப்பநிலை 23-24° செல்சியஸை ஒட்டியும் இருக்கக்கூடும் என தெரிவித்துள்ளது.
தமிழ்நாடு வெதர்மேன் பிரதீப் ஜான்
இதனிடையே தமிழ்நாடு வெதர்மேன் பிரதீப் ஜான் வெளியிட்டுள்ள எக்ஸ் தளத்தில்: தென் தமிழகம் மற்றும் கொங்கு மண்டலத்திற்கு இது ஒரு சிறந்த நாளாக அமைந்தது. இன்றும் மழை பெய்யும், ஆனால் நேற்று போல் பரவலாக இருக்காது. திண்டுக்கல், திருப்பூர் மண்டலங்களுக்கும் ஓரளவு மிதமான மழை பெய்யும்.
இன்று கன்னியாகுமரி மீண்டும் இடியுடன் கூடிய மழை பெய்யும். தென்காசி, நெல்லை, விருதுநகர், தேனி மற்றும் திண்டுக்கல் மற்றும் ஈரோடு, கோயம்புத்தூர், நீலகிரி மற்றும் கோவை மண்டலங்களில் உள்ள கொங்கு மண்டலத்தின் சில பகுதிகளில் இடியுடன் கூடிய மழை பெய்யும் என தெரிவித்துள்ளார்.
