நகைபிரியர்களுக்கு ஷாக் கொடுத்த தங்கம்; அடேங்கப்பா! ஒரே நாளில் இவ்வளவு விலை உயர்வா?

தங்கத்தின் விலை இன்று சவரனுக்கு ரூ.480 உயர்ந்துள்ளது. சென்னையில் ஒரு கிராம் தங்கம் ரூ.60 உயர்ந்து ரூ.7,100க்கு விற்பனை செய்யப்படுகிறது.  

GOLD RATE

இந்தியாவில் தங்கம் மிகவும் ஆடம்பரமான பொருளாக உள்ளது. இந்திய மக்கள் தங்க நகை மீது அதிகளவு ஈர்ப்பு கொண்டுள்ளதாலும், தங்கத்தின் மீது முதலீடு செய்து வருவதாலும் தங்கத்தின் விலை தொடர்ந்து அதிகரித்து வருகிறது. திருமண நிகழ்வுகள், விஷேச நாட்களில் தங்கம் விற்பனை மிகவும் அதிகமாக இருந்து வருகிறது. 

Today Gold Rate

தங்கத்தின் விலை 

தங்கத்தின் விலை மிகவும் உச்சத்துக்கு செல்லும் என்பதால் இப்போதே  பலரும் அதிகளவு தங்கத்தை வாங்கிக் குவித்து வருகின்றனர். இந்த ஆண்டு தொடக்கம் முதலே தங்கத்தின் விலை ஏற்ற இறக்கமாக உள்ளது.  கடந்த 2010ம் ஆண்டு ஒரு சவரன் தங்கத்தின் விலை ரூ.10 ஆயிரத்துக்கு விற்பனை செய்யப்பட்ட நிலையில் அடுத்த 14 ஆண்டுகளில் தங்கத்தின் விலை பெரும் உச்சத்தை தொட்டுள்ளது.

அதாவது கடந்த அக்டோபர் மாதம் ஒரு சவரன் தங்கத்தின் விலை ரூ.59,640 என்ற நிலையை அடைந்தது. அதன்பிறகு 4 ஆயிரம் ரூபாய் வரை குறைந்து பெண்களுக்கு நிம்மதியை அளித்தது. இதன்பிறகு கடந்த மாதங்களாக தங்கத்தின் விலை சற்று ஏறுவதும் இறங்குவதுமாக உள்ளது. இந்நிலையில் தங்கத்தின் விலை இன்று அதிரடியாக உயர்ந்துள்ளது.

Gold Rate Price Hike

அதிரடி விலை உயர்வு 

சென்னையில் ஆபரணத் தங்கத்தின் விலை கிராமுக்கு ரூ.60 உயர்ந்து ரூ.7,100க்கு விற்பனை செய்யப்படுகிறது. ஒரு சவரனுக்கு ரூ.480 உயர்ந்து ரூ.56,800 க்கும் விற்பனையாகிறது. வெள்ளி விலையை பொறுத்தவரை கிராமுக்கு ரூ.1 உயர்ந்து ஒரு கிராம் ரூ.99க்கு விற்பனையாகிறது. நேற்று சவரனுக்கு ரூ.240 குறைந்து ரூ.56,320க்கு விற்பனையான தங்கம் இன்று விலை அதிகரித்து இருப்பது பெண்களை அதிர்ச்சி அடைய வைத்துள்ளது.

Gold Rate in Chennai

அடுத்த சில தினங்களில் தங்கத்தின் விலை மேலும் அதிகரிக்கும் என்று எதிர்பார்க்கப்படுகிறது. மேலும் அடுத்த ஒரு சில ஆண்டுகளில் தங்கத்தின் விலை சவரனுக்கு ஒரு லட்சம் முதல் 2 லட்சம் வரை உயரும் என பொருளாதார வல்லுநர்கள் கணித்துள்ளனர்.  இது நகைபிரியர்களை அதிர்ச்சி அடைய வைத்துள்ளது.