தமிழ்நாட்டில் வெப்பம் அதிகரிக்கும்! டேஞ்சர் அலர்ட் கொடுத்த கையோடு மார்ச் 11ம் தேதி டுவிஸ்ட் வைத்த வானிலை மையம்

தமிழகத்தில் வெப்பம் அதிகரித்துவரும் நிலையில், வானிலை மையம் மழை குறித்த முக்கிய தகவலை வெளியிட்டுள்ளது. கடலோர மாவட்டங்களில் மிதமான மழை பெய்ய வாய்ப்புள்ளது; சில இடங்களில் கனமழை பெய்யக்கூடும். 

Heavy Rain

தமிழகத்தில் நாளுக்கு நாள் வெயில் சுட்டெரித்து வருகிறது. இதனால் பகல் நேரங்களில் பொதுமக்கள் வெளியே செல்வதற்கே அஞ்சுகின்றனர். இந்நிலையில் மழை குறித்து வானிலை மையம் முக்கிய தகவலை தெரிவித்துள்ளது. 

heatwave

இதுதொடர்பாக சென்னை வானிலை மையம் வெளியிட்டுள்ள செய்தி குறிப்பில்: இன்று மற்றும் நாளை தமிழகம், புதுவை மற்றும் காரைக்கால் பகுதிகளில் பொதுவாக வறண்ட வானிலை நிலவக்கூடும். காலை வேளையில் பொதுவாக லேசான பனிமூட்டம் காணப்படும். மார்ச் 09ம் தேதி தமிழகம், புதுவை மற்றும் காரைக்கால் பகுதிகளில் பொதுவாக வறண்ட வானிலை நிலவக்கூடும்.

இதையும் படிங்க: தென்மாவட்ட மக்களுக்கு முக்கிய செய்தி! ரயில் சேவைகளில் மாற்றம்! இதோ முழு விவரம்!

heatwave in tamilnadu

மார்ச் 10ம் கடலோர தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய, லேசானது முதல் மிதமான மழை பெய்யக்கூடும். உள் தமிழகத்தில் வறண்ட வானிலை நிலவக்கூடும்.

TN Heavy Rain Alert

அதேபோல் மார்ச் 11ம் தேதி தமிழகம், புதுவை மற்றும் காரைக்கால் பகுதிகளில் அநேக இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும். கன்னியாகுமரி, திருநெல்வேலி, தென்காசி, தூத்துக்குடி, விருதுநகர் மற்றும் ராமநாதபுரம் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

high temperatures

தமிழ்நாட்டின் ஒரு சில இடங்களில் இன்று முதல் அடுத்த 3 நாட்களுக்கு அதிகபட்ச வெப்பநிலை  2-3° டிகிரி செல்சியஸ்  இயல்பை விட அதிகமாகவும் வடதமிழ்நாட்டின் ஓரிரு இடங்களில் இயல்லை விட 3-4° செல்சியஸ் அதிகமாகவும் இருக்கக்கூடும். சென்னையில் இன்று அதிகபட்ச வெப்பநிலை  
36-37° டிகிரி ஒட்டி இருக்கும் என வானிலை மையம் தெரிவித்துள்ளது. 

இதையும் படிங்க: ஒரு கிலோ தக்காளி ரூ.3! விவசாயிகளுக்கு திமுக அரசு பெருந்துரோகம்! திமுகவின் வாக்குறுதி என்னவானது? அன்புமணி!

chennai weather update

சென்னை மற்றும் புறநகர் பகுதிகளில் இன்று வானம் ஓரளவு மேகமூட்டத்துடன் காணப்படும். அதிகாலை வேளையில் பொதுவாக லேசான பனிமூட்டம் காணப்படும். அதிகபட்ச வெப்பநிலை 35-36° செல்சியஸை ஒட்டியும், குறைந்தபட்ச வெப்பநிலை 25° செல்சியஸை ஒட்டியும் இருக்கக்கூடும். அதேபோல் நாளை வானம் ஓரளவு மேகமூட்டத்துடன் காணப்படும். அதிகாலை வேளையில் பொதுவாக லேசான பனிமூட்டம் காணப்படும். அதிகபட்ச வெப்பநிலை 35-36' செல்சியஸை ஒட்டியும், குறைந்தபட்ச வெப்பநிலை 25° செல்சியஸை ஒட்டியும் இருக்கக்கூடும் என வானிலை மையம் கணித்துள்ளது.