BREAKING: தமிழக தனியார் பள்ளிகளில் (RTE) இலவச அட்மிஷன்! தேதி அறிவித்த தமிழக அரசு..

தமிழகத்தில் 2026-27 கல்வியாண்டிற்கான RTE (கல்வி உரிமைச் சட்டம்) கீழ் தனியார் பள்ளிகளில் இலவச மாணவர் சேர்க்கை குறித்த அறிவிப்பு வெளியிடப்பட்டுள்ளது. இத்திட்டத்தின் கீழ் ஏழை, எளிய மாணவர்கள் 25 சதவீதம் பேர் இலவசமாக கல்வி பயில முடியும்.

Image Credit : Gemini AI

RTE அட்மிஷன் 2026-27

தமிழகத்தில் 2026-27 கல்வியாண்டிற்கான RTE (கல்வி உரிமைச் சட்டம்) கீழ் தனியார் பள்ளிகளில் இலவச மாணவர் சேர்க்கை குறித்த அறிவிப்பு வெளியிடப்பட்டுள்ளது. இத்திட்டத்தின் கீழ் ஏழை, எளிய மாணவர்கள் 25 சதவீதம் பேர் இலவசமாக கல்வி பயில முடியும்.

தமிழக அரசு, நலிவடைந்த மற்றும் வாய்ப்பு மறுக்கப்பட்ட பிரிவினரின் குழந்தைகளுக்காகத் தனியார் பள்ளிகளில் ஒதுக்கப்படும் 25% இலவச இடங்களுக்கான சேர்க்கை நடைமுறைகளைத் தொடங்கியுள்ளது.

Image Credit : our own

முக்கியத் தேதிகள்

விண்ணப்பம் தொடங்கப்படும் காலம்: ஏப்ரல் 20 2026.

விண்ணப்பிக்க கடைசித் தேதி: மே 18 2026 (சுமார் ஒரு மாதம் அவகாசம் வழங்கப்பட்டுள்ளது).

குலுக்கல் முறை (தேர்வு): விண்ணப்பங்கள் சரிபார்க்கப்பட்ட பின் மே மாத இறுதியில் நடைபெறும்.

Image Credit : our own

யாரெல்லாம் விண்ணப்பிக்கலாம்?

ஆண்டு வருமானம்: குடும்பத்தின் ஆண்டு வருமானம் ₹2 லட்சத்திற்கு கீழ் இருக்க வேண்டும்.

வயது வரம்பு (ஜூலை 31, 2026 கணக்கின்படி):

LKG: 3 வயது முதல் 4 வயதுக்குள் இருக்க வேண்டும்.

1-ஆம் வகுப்பு: 5 வயது முதல் 6 வயதுக்குள் இருக்க வேண்டும்.

தொலைவு: வசிக்கும் இடத்திலிருந்து 1 கி.மீ சுற்றளவுக்குள் உள்ள பள்ளிகளுக்கு மட்டுமே விண்ணப்பிக்க முடியும்.

Image Credit : Gemini

தேவையான ஆவணங்கள் (முன்கூட்டியே தயார் செய்யவும்)

பதிவு செய்யும் போது பின்வரும் ஆவணங்களை ஸ்கேன் செய்து பதிவேற்ற வேண்டும்:

குழந்தையின் புகைப்படம் (150 px X 175 px).

பிறப்புச் சான்றிதழ் (Birth Certificate).

பெற்றோரின் ஆதார் அட்டை அல்லது குடும்ப அட்டை (Ration Card).

வருமானச் சான்றிதழ் (Income Certificate - வருவாய் துறையிடம் பெற்றது).

சாதிச் சான்றிதழ் (Community Certificate).

இருப்பிடச் சான்றிதழ்.

சிறப்புப் பிரிவினர் (ஆதரவற்றோர், எச்.ஐ.வி பாதிப்பு, மாற்றுத்திறனாளிகள், தூய்மைப் பணியாளர் குழந்தைகள்) எனில் அதற்கானச் சான்றிதழ்.

Image Credit : Google

எப்படி விண்ணப்பிப்பது?

தகுதியுள்ள பெற்றோர்கள் தமிழக அரசின் பிரத்யேக இணையதளமான rte.tnschools.gov.in என்ற முகவரியில் ஆன்லைன் மூலம் விண்ணப்பிக்கலாம்.

குறிப்பு: ஒரு குழந்தை அதிகபட்சமாக 5 பள்ளிகள் வரை விண்ணப்பிக்கலாம். விண்ணப்பங்கள் பள்ளிகளில் உள்ள இடங்களை விட அதிகமாக இருந்தால், வெளிப்படையான முறையில் குலுக்கல் (Lottery) நடத்தப்பட்டு மாணவர்கள் தேர்வு செய்யப்படுவார்கள்.

கூடுதல் விவரங்களுக்கு அந்தந்த மாவட்ட முதன்மைக் கல்வி அலுவலகத்தையோ அல்லது அரசு உதவி மையத்தையோ தொடர்பு கொள்ளலாம்.