நிறையா பேசாதீங்க; செயலில் காட்டுங்க - த.வெ.க தலைவர் விஜய்க்கு அறிவுரை சொன்ன நமீதா!

தமிழ் சினிமாவில் சுமார் 200 கோடி ரூபாய் வரை சம்பளம் வாங்கும் உச்ச நடிகராக வலம் வந்து கொண்டிருக்கிறார் தளபதி விஜய். ஏற்கனவே அவருடைய 68வது திரைப்படமாக அண்மையில் வெளியானது "தி கிரேட்டஸ்ட் ஆஃப் ஆல் டைம்" திரைப்படம். உலக அளவில் சுமார் 450 கோடி ரூபாய்க்கு மேல் வசூல் செய்து மிகப் பெரிய சாதனை படைத்திருக்கிறது. முதல் முறையாக பிரபல இயக்குனர் வெங்கட்ரோடு இணைந்து அவர் அந்த திரைப்படத்தில் பணியாற்றினார். அதேபோல வெங்கட் பிரபுவோடு அவர் இணைந்த கடைசி திரைப்படமும் அது தான் என்பது குறிப்பிடத்தக்கது. காரணம் தன்னுடைய 69வது திரைப்பட பணிகளை முடித்த பிறகு அவர் முழு நேர அரசியல் தலைவராக பயணிக்க இருக்கிறார்.

விவசாயிகளின் வங்கி கடன் தள்ளுபடி.! தீபாவளிக்கு இனிப்பான அறிவிப்பை வெளியிட்ட முதலமைச்சர்

தற்பொழுது தன்னுடைய 69வது மற்றும் இறுதி திரைப்படத்தில் தளபதி விஜய் பிஸியாக நடித்த வருகிறார். இந்த திரைப்படத்தை இயக்குனர் ஹச் வினோத் இயக்கி வரும் நிலையில் ஏற்கனவே அவரோடு பீஸ்ட் என்கின்ற திரைப்படத்தில் இணைந்து நடித்த பிரபல நடிகை பூஜா ஹெக்டே இப்படத்திலும் அவரோடு இணைந்து நடித்து வருகிறார். அதேபோல சூர்யாவின் கங்குவா திரைப்படத்தில் வில்லனாக நடித்து அசித்திருக்கும், பிரபல நடிகர் பாபி தியோல் தளபதி விஜயின் 69 ஆவது திரைப்படத்திலும் ஒரு முக்கிய கதாபாத்திரம் ஏற்று நடக்கின்றார். இந்த சூழலில் கடந்த அக்டோபர் மாதம் 27ஆம் தேதி ஞாயிற்றுக்கிழமை தளபதி விஜய் தன்னுடைய முதல் அரசியல் மாநாட்டை விழுப்புரம் மாவட்டத்தில் உள்ள விக்கிரவாண்டியில் நடத்தி முடித்தார்.

தளபதி விஜயின் இந்த அரசியல் மாநாட்டிற்கு பல்வேறு அரசியல் கட்சி தலைவர்களும் வரவேற்பு தெரிவித்த நிலையில், சிலர் தங்களுடைய அதிருப்திகளையும் வெளியிட்டு வருகின்றனர். குறிப்பாக விடுதலை சிறுத்தைகள் கட்சி தலைவர் தொல் திருமாவளவன் வெளியிட்ட ஒரு அறிக்கையில், எதோ சினிமா படபிடிப்பு போல இந்த மாநாடு நடந்து முடிந்திருக்கிறது என்றும், தளபதி விஜய் பேசிய பல விஷயங்கள் ஏற்புடையதாக இல்லை என்றும் கூறியிருந்தார். இந்த நிலையில் பாஜகவில் இணைந்து செயல்பட்டு வரும் பிரபல நடிகை நமீதா, தளபதி விஜயின் அரசியல் பயணம் குறித்து சில கருத்துக்களை வெளியிட்டு இருக்கிறார்.

ஏற்கனவே தளபதி விஜய் உடன் அழகிய தமிழ் மகன் என்கின்ற திரைப்படத்தில் நடித்த நடிகை நமீதா, இறுதியாக தமிழில் கடந்த 2020 ஆம் ஆண்டு வெளியான மியா என்கின்ற திரைப்படத்தில் நடித்திருந்தார். ஆனால் அதற்கு முன்னதாகவே கடந்த 2016-ம் ஆண்டு ஏப்ரல் மாதம் 24 ஆம் தேதி திருச்சியில் நடந்த ஒரு விழாவில், அதிமுக கட்சியின் தலைவராக செயல்பட்டு வந்த மறைந்த முன்னாள் முதல்வர் ஜெயலலிதா முன்னணியில் அவர் அக்கட்சியில் இணைந்தார். அதன் பிறகு கடந்த 2019 ஆம் ஆண்டு பிரபல நடிகர் ராதாரவியுடன் இணைந்து அவர் பாரதிய ஜனதா கட்சியில் இணைந்தார். 

தற்பொழுது அவர் தமிழக பாஜகவின் மாநில செயற்குழு உறுப்பினராகவும் செயல்பட்டு வருகிறார். இந்த நிலையில் செய்தியாளர்களை சந்தித்த அவர் தளபதி விஜயின் அரசியல் வரவு மகிழ்ச்சி அளிக்கிறது. ஆனால் வீணாக பல விஷயங்களை அவர் பேசிக்கொண்டே இருக்காமல்,செயலில் எல்லா விஷயத்தை காட்ட வேண்டும் என்று கூறியிருக்கிறார்.

ரயிலில் டன் கணக்கில் மூட்டை மூட்டையாக வரும் வெங்காயம்.! வெளியாகப்போகும் குட் நியூஸ்