மின் தடை: திருநெல்வேலி மக்களே! வீட்டு வேலையை சீக்கிரமா முடிச்சுடுங்க! எங்கெல்லாம், எப்போது? உடனே தெரிந்து கொள்ளுங்கள்!

திருநெல்வேலி பாளையங்கோட்டை, கொக்கிரகுளம், சமாதானபுரம் துணை மின் நிலையங்களில் ஜூலை 19, 2025 அன்று காலை 9 மணி முதல் மாலை 5 மணி வரை பராமரிப்பு பணிகளால் மின் விநியோகம் நிறுத்தப்படும்.

Image Credit : ANI

திருநெல்வேலியில் மின் தடை: எங்கெல்லாம், எப்போது? உடனே தெரிந்து கொள்ளுங்கள்!

திருநெல்வேலி நகர்ப்புற கோட்ட செயற்பொறியாளர் திரு. செ. முருகன் அவர்கள் வெளியிட்டுள்ள செய்திக்குறிப்பின்படி, திருநெல்வேலியில் வரும் 2025 ஜூலை 19, சனிக்கிழமை அன்று காலை 9:00 மணி முதல் மாலை 05:00 மணி வரை சில பகுதிகளில் மின் விநியோகம் நிறுத்தப்படும். பாளையங்கோட்டை, கொக்கிரகுளம் மற்றும் சமாதானபுரம் துணை மின் நிலையங்களில் மாதாந்திர பராமரிப்பு பணிகள் நடைபெறவுள்ளதால், பாதுகாப்பு கருதி இந்த மின் தடை அமுல்படுத்தப்படுகிறது. உங்கள் பகுதி இந்த பட்டியலில் உள்ளதா என்பதைச் சரிபார்த்து, மின் தடைக்குத் தயாராக இருங்கள்.

Image Credit : Google

பாளையங்கோட்டை துணை மின் நிலையம் சார்ந்த பகுதிகள்

பாளையங்கோட்டை 110/33-11KV துணை மின் நிலையத்தின் கீழ் வரும் V.M. சத்திரம், கிருஷ்ணாபுரம், கட்டபொம்மன் நகர், செய்துங்கநல்லூர், அரியகுளம், மேலக்குளம், நடுவக்குறிச்சி, ரஹமத் நகர், நீதிமன்ற பகுதி, சாந்தி நகர், சமாதானபுரம், அசோக் திரையரங்கம் பகுதி, பாளை மார்க்கெட் பகுதி, திருச்செந்தூர் சாலை, கான்சாபுரம், திம்மராஜபுரம், பொட்டல், படப்பக்குறிச்சி, திருமலை கொழுந்துபுரம், மணப்படை வீடு, கீழநத்தம், பாளை பேருந்து நிலையம், முருகன்குறிச்சி ஆகிய பகுதிகளில் மின் விநியோகம் இருக்காது.

Image Credit : Google

கொக்கிரகுளம் மற்றும் சமாதானபுரம் துணை மின் நிலையம் சார்ந்த பகுதிகள்

33/11KV கொக்கிரகுளம் மற்றும் 33/11KV சமாதானபுரம் துணை மின் நிலையங்களுக்குட்பட்ட திருநெல்வேலி சந்திப்பு, கொக்கிரகுளம், மீனாட்சிபுரம், வடக்கு மற்றும் தெற்கு புறவழிச் சாலை, வண்ணாரப்பேட்டை முழுவதும், இளங்கோ நகர், பரணி நகர், திருநெல்வேலி சந்திப்பு முதல் மேரி சார்ஜன்ட் பள்ளி வரையிலான திருவனந்தபுரம் சாலை, பாளை புதுப்பேட்டை தெரு, சுப்பிரமணியபுரம் மற்றும் மாருதி நகர் ஆகிய பகுதிகளிலும் மின் தடை அமுலில் இருக்கும்.