அந்தியோதயா, குருவாயூர் எக்ஸ்பிரஸ் ரயில்கள் புறப்படும் இடம் மாற்றம்! முக்கிய அறிவிப்பு!

அந்தியோதயா, குருவாயூர் எக்ஸ்பிரஸ் ரயில்கள் சேவையில் மாற்றம் செய்யப்பட்டுள்ளது. இது தொடர்பான முழு விவரங்களை பார்ப்போம்.

Image Credit : social media

Express trains service changed in Tamilnadu

திருவனந்தபுரம் கோட்டத்தில் பராமரிப்பு பணி மேற்கொள்ள இருப்பதால் தமிழ்நாட்டின் சில முக்கிய ரயில்கள் பகுதியளவு ரத்து செய்யப்பட்டுள்ளது. இது தொடர்பாக தெற்கு ரயில்வே வெளியிட்ட அறிவிப்பில் கூறுகையில், ''சென்னை எழும்பூரில் இருந்து 24-ந்தேதி காலை 10.20 மணிக்கு புறப்படும் குருவாயூர் எக்ஸ்பிரஸ் ரயில் (வண்டி எண்.16127), சாலக்குடி-குருவாயூர் இடையே பகுதி நேர ரத்து செய்யப்படும். சாலக்குடியில் இந்த ரயில் நிறுத்தப்படும்.

Image Credit : Asianet News

அந்தியோதயா எக்ஸ்பிரஸ் ரயில்

ஹவுராவில் இருந்து வரும் ஜூன் 9-ந்தேதி மாலை 4 மணிக்கு புறப்பட்டு கன்னியாகுமரி செல்லும் எக்ஸ்பிரஸ் ரயில் (வ.எண்: 12665), வள்ளியூர்-கன்னியாகுமரி இடையே பகுதி நேர ரத்து செய்யப்படும். இந்த ரயில் வள்ளியூரில் நிறுத்தப்படும். 

தாம்பரத்தில் இருந்து வரும் ஜூன் 10-ந்தேதி இரவு 10.40 மணிக்கு புறப்பட்டு நாகர்கோவில் செல்லும் அந்தியோதயா எக்ஸ்பிரஸ் (வ.எண்: 20691), நெல்லை-நாகர்கோவில் இடையே பகுதி நேர ரத்து செய்யப்படும். நெல்லையுடன் நிறுத்தப்படும்.

Image Credit : stockphoto

திருச்சி-திருவனந்தபுரம் இன்டர்சிட்டி எக்ஸ்பிரஸ்

நாகர்கோவிலில் இருந்து ஜூன் 11ம் தேதி மாலை 3.50 மணிக்கு புறப்பட்டு தாம்பரம் செல்லும் அந்தியோதயா எக்ஸ்பிரஸ் ரயில் (வ.எண்: 20692), நாகர்கோவில்-நெல்லை இடையே பகுதி நேர ரத்து செய்யப்படுகிறது. இந்த ரயில் நெல்லையில் இருந்து மாலை 5.10 மணிக்கு புறப்படும். 

திருச்சியில் இருந்து வரும் ஜூன் 11ம் தேதி காலை 7.20 மணிக்கு புறப்பட்டு திருவனந்தபுரம் செல்லும் எக்ஸ்பிரஸ் ரயில் (வ.எண்: 22627), நெல்லை-திருவனந்தபுரம் இடையே பகுதி நேர ரத்து செய்யப்படும். இந்த ரயில் நெல்லையுடன் நிறுத்தப்படும்.

Image Credit : Google

நாகர்கோவில்-கோவை எக்ஸ்பிரஸ்

திருவனந்தபுரத்தில் இருந்து ஜூன் 11ம் தேதி காலை 11.35 மணிக்கு புறப்பட்டு திருச்சி செல்லும் எக்ஸ்பிரஸ் (வ.எண்ள் 22628), திருவனந்தபுரம்-நெல்லை இடையே பகுதி நேர ரத்து செய்யப்படுகிறது. நெல்லையில் இருந்து மதியம் 2.25 மணிக்கு புறப்பட்டு திருச்சி செல்லும். 

நாகர்கோவிலில் இருந்து வரும் ஜூன் 11ம் தேதி காலை 8 மணிக்கு புறப்பட்டு கோவை செல்லும் எக்ஸ்பிரஸ் (வ.எண்: 16321) நாகர்கோவில்-வள்ளியூர் இடையே பகுதி நேர ரத்து செய்யப்படுகிறது. வள்ளியூரில் இருந்து காலை 8.26 மணிக்கு புறப்பட்டு கோவை செல்லும்'' என்று கூறப்பட்டுள்ளது.