ரூ.5,000 சம்பாதித்தாலும் போதும்! மனைவி கொடுத்த நம்பிக்கையை பகிர்ந்த வருண் சக்கரவர்த்தி!

இந்திய கிரிக்கெட் வீரர் தமிழ்நாட்டை சேர்ந்த வருண் சக்கரவர்த்தி கஷ்டமான காலத்தில் மனைவி கொடுத்த நம்பிக்கையை மனம்திறந்து பகிர்ந்துள்ளார். 

varun chakravarthy about his wife Neha Khedeka: தமிழ்நாட்டை சேர்ந்த வருண் சக்கரவர்த்தி இந்திய அணியில் முக்கிய வீரராக வலம் வருகிறார். அண்மையில் நடந்து முடிந்த சாம்பியன்ஸ் டிராபி போட்டியில் இந்திய அணி கோப்பையை கைப்பற்ற முக்கிய பங்கு வகித்தார். ஆஸ்திரேலியாவுக்கு எதிரான அரையிறுதி மற்றூம் நியூசிலாந்துக்கு எதிரான இறுதிப்போட்டியில் முக்கிய விக்கெட்டுகளை சாய்த்தார்.

Varun Chakravarthy, Cricket, IPL

துபாயில் 2021ம் ஆண்டு நடந்த டி20 உலகக்கோப்பை தொடரில் மோசமாக செயல்பட்டதால் அணியில் இருந்து வெளியேற்றப்பட்ட வருண் சக்கரவர்த்தி, இப்போது அதே துபாயில் தான் யாரென்று நிருபித்துள்ளார். இப்போது ஐபிஎல்லில் கொல்கத்தா நைட் ரைடர்ஸ் அணியின் துருப்புச்சீட்டாக உள்ளார். ஆகஸ்ட் 29, 1991 அன்று கர்நாடகாவின் பிதாரில் பிறந்த வருண் சக்கரவர்த்தி கட்டிடக் கலைஞர் வேலையை விட்டு விட்டு கிரிக்கெடுக்கு வந்தார்.

வருண் சக்கரவர்த்திக்கு நேஹா கெடேகர் என்ற மனைவியும், ஆத்மன் என்ற மகனும் உள்ளனர். வருணும், நேஹா கெடேகரும் காதலித்து திருமணம் செய்து கொண்டனர். திருமணம் செய்து கொள்வதற்கு முன்பு, இரண்டு வருடங்கள் ஒருவரையொருவர் டேட்டிங் செய்து வந்தனர். ஒருவருகொருவர் உயிராய் நேசித்த இவர்கள் இருவரும் 2020ம் ஆண்டின் தொடக்கத்தில் திருமணம் செய்து கொண்டு தங்கள் உறவை அடுத்த கட்டத்திற்கு கொண்டு செல்ல முடிவு செய்தனர்.

Varun Chakravarthy married life

ஆனால் அப்போது இந்தியாவில் பரவிய கொரோனா இவர்களின் திருமணத்துக்கு சில மாதங்கள் தடை போட்டது. இதனால் பல மாதங்கள் கழித்து 2020ம் ஆண்டு டிசம்பர் 12ம் தேதி இவர்கள் இருவரும் எளிய முறையில் திருமணம் செய்து கொண்டனர். சுமார் இரண்டு ஆண்டுகளுக்குப் பிறகு 2022 ஆம் ஆண்டில் இந்த தம்பதிக்கு ஆத்மன் என்ற ஆண் குழந்தை பிறந்தது. 

இந்நிலையில், கஷ்டமான காலத்தில் மனைவி நேஹா கெடேகர் தனக்கு மிகவும் உறுதுணையாக இருந்ததாக வருண் சக்கரவர்த்தி தெரிவித்துள்ளார். இது தொடர்பாக பேசிய அவர், ''நாங்கள் இருவரும் காதலித்தபோது எனக்கு வேலை இல்லாததால் நீ என்னை நம்பாதே. என்னை திருமணம் செய்து கொள்ளாதே என்று கூறினேன். ஆனால் அவர் (மனைவி நேஹா கெடேகர்) எனக்கு மிகவும் நம்பிக்கை ஊட்டினார். நீ கிரிக்கெட் விளையாடி ரூ.5,000 அல்லது ரூ.6,000 சம்பாதி. நான் ரூ.15,000 சம்பாதிக்கிறேன். நாம் மேனேஜ் பண்ணிக்கலாம் என்று நம்பிக்கை ஊட்டினார்'' என தெரிவித்துள்ளார்.

Varun Chakravarthy-Neha Khedeka

வருண் சக்கரவர்த்தியின் மனைவி நேஹா கெடேகர் ஜனவரி 4, 1995 அன்று மும்பையில் பிறந்தார். அவருக்கு மணாலி கெடேகர் மற்றும் கைரன் கெடேகர் என்று இரண்டு உடன்பிறப்புகள் உள்ளனர். கணவர் உலகின் மிகப்பிரலமான வீரராக இருந்தாலும் நேஹா கெடேகர் தனது தனிப்பட்ட வாழ்க்கையை ரகசியமாக வைத்திருக்க விரும்புகிறார். அவரது இன்ஸ்டாகிரம் பக்கத்தில் 681 பின்தொடர்பவர்கள் உள்ளனர். புகைப்படம் எடுத்தல், பயணம் செய்தல் மற்றும் கிரிக்கெட் பார்ப்பது ஆகியவை நேஹாவின் பொழுது போக்குகளாக உள்ளன.