Mohammad Rizwan: பாகிஸ்தான் மோசமான சாதனை படைத்தாலும், புதிய ஆல் டைம் டெஸ்ட் சாதனை படைத்த ரிஸ்வான்!

வங்கதேச அணிக்கு எதிரான முதல் டெஸ்ட் போட்டியில் பாகிஸ்தான் படுதோல்வியடைந்தது. டெஸ்ட் கிரிக்கெட்டில் சொந்த மண்ணில் 10 விக்கெட் வித்தியாசத்தில் தோல்வியடைந்த அணி என்ற மோசமான சாதனையை தனது பெயரில் பாகிஸ்தான் பதிவு செய்துள்ளது.

ராவல்பிண்டியில் நடந்த இந்த டெஸ்ட் போட்டியில் வங்கதேச வீரர்கள் அபாரமாக விளையாடி பாகிஸ்தான் அணிக்கு எதிராக டெஸ்ட்களில் முதல் வெற்றியைப் பெற்றனர். அத்துடன் பாகிஸ்தானை சொந்த மண்ணில் 10 விக்கெட் வித்தியாசத்தில் வீழ்த்திய முதல் அணி என்ற பெருமையையும் பெற்றது. இதற்கிடையில், இந்தப் போட்டியில் முகமது ரிஸ்வான் வீரதீரமாக விளையாடி ரன்கள் குவித்தார்.

பாகிஸ்தான் முதல் இன்னிங்ஸில் ரிஸ்வான் 171* ரன்கள் எடுத்து ஆட்டமிழக்காமல் இருந்தார். இதன் மூலம் பாகிஸ்தான் 448 ரன்களுக்கு டிக்ளேர் செய்வதற்கு உதவினார். இரண்டாவது இன்னிங்ஸிலும் அவர் சிறப்பாக செயல்பட்டார். அரைசதம் அடித்து அசத்தினார்.

பாகிஸ்தானின் இரண்டு இன்னிங்ஸ்களிலும் ரிஸ்வான் அதிக ரன்கள் எடுத்த வீரராக இருந்தபோதிலும், அணியை தோல்வியிலிருந்து காப்பாற்ற வேறு எந்த வீரர்களிடமிருந்தும் அவருக்கு ஆதரவு கிடைக்கவில்லை. இதனால் பாகிஸ்தான் 10 விக்கெட் வித்தியாசத்தில் தோல்வியடைந்தது. 

சொந்த மண்ணில் டெஸ்ட்களில் பாகிஸ்தான் முதல் முறையாக 10 விக்கெட் வித்தியாசத்தில் தோல்வியைத் தழுவிய போதும், இந்தப் போட்டியில் ரிஸ்வான் அபாரமான இன்னிங்ஸுடன் வரலாற்றில் இடம் பிடித்தார். இரண்டு இன்னிங்ஸ்களிலும் சேர்த்து 222 ரன்கள் எடுத்த ரிஸ்வான், ஒரு டெஸ்ட் போட்டியில் அதிக ரன்கள் எடுத்த பாகிஸ்தான் விக்கெட் கீப்பர் என்ற தஸ்லிம் ஆரிஃப் சாதனையை முறியடித்தார். ஒரு டெஸ்ட் போட்டியில் இதுவரை 3 பாகிஸ்தான் விக்கெட் கீப்பர்கள் மட்டுமே 200 ரன்களுக்கு மேல் எடுத்துள்ளனர்.

பாகிஸ்தான் அணிக்காக ஒரு டெஸ்ட் போட்டியில் அதிக ரன்கள் எடுத்த விக்கெட் கீப்பர்கள்:

222 (171* & 51) - முகமது ரிஸ்வான் vs வங்கதேசம், ராவல்பிண்டி, 2024

210 (210* & DNB) - தஸ்லிம் ஆரிஃப் vs ஆஸ்திரேலியா, ஃபைசலாபாத், 1980

209 (209 & 0) - இம்தியாஸ் அகமது vs நியூசிலாந்து, லாகூர், 1955

197 (150 & 47*) - ரஷீத் லத்தீஃப் vs வெஸ்ட் இண்டீஸ், ஷார்ஜா, 2002

196 (78 & 118) -சர்பராஸ் அகமது vs வெஸ்ட் இண்டீஸ், கராச்சி, 2023