மலைக்க வைக்கும் விராட் கோலி சொத்து மதிப்பு! மற்ற வீரர்கள் கிட்ட கூட நெருங்க முடியாது!

இந்திய கிரிக்கெட் அணியின் முதுகெலும்பான விராட் கோலியின் சொத்து மதிப்பு, அவரது விளம்பர வருவாய் மற்றும் கார் கலெஷன் குறித்து இந்த செய்தியில் பார்ப்போம்.

Image Credit : ANI

Virat Kohli Net Worth

இந்திய கிரிக்கெட் அணியின் மூத்த வீரர் விராட் கோலி அண்மையில் டெஸ்ட் கிரிக்கெட்டில் இருந்து ஓய்வு பெறுவதாக அறிவித்தார். இப்பொது ஐபிஎல் தொடரில் ஆர்சிபி அணிக்காக களமிறங்கி போட்டிக்கு போட்டி ரன்களை குவித்து வருகிறார். கிரிக்கெட் உலகின் கிங் ஆக வலம் வரும் விராட் கோலி சொத்து மதிப்பிலும் ராஜாவாக திகழ்கிறார். கோலியின் சொத்து மதிப்பு குறித்து இந்த செய்தியில் விரிவாக பார்ப்போம்.

Image Credit : ANI

விராட் கோலி சொத்து மதிப்பு

விராட் கோலி கிரிக்கெட் போட்டிகள் மற்றும் விளம்பரங்கள் மூலம் அபரிமிதமான சொத்துகளை குவித்துள்ளார். சமீபத்திய நிலவரப்படி, விராட் கோலியின் நிகர சொத்து மதிப்பு சுமார் ரூ.1,250 கோடி என தகவல்கள் கூறுகின்றன. விராட் கோலி இந்திய அணிக்காக சர்வதேச போட்டிகள் வாயிலாகவும், ஐபிஎல் போட்டிகள் வாயிலாகவும் வருமானம் ஈட்டியுள்ளார்.

விராட் கோலியின் வருமானம் என்னென்ன?

பிசிசிஐ ஒப்பந்தம் மற்றும் ஐபிஎல் சம்பளம்: ஒரு மைய ஒப்பந்த வீரராக, கோலி பிசிசிஐயிடமிருந்து ஆண்டுதோறும் ரூ.7 கோடி சம்பாதிக்கிறார். ராயல் சேலஞ்சர்ஸ் பெங்களூரு (ஆர்சிபி) உடனான அவரது ஐபிஎல் ஒப்பந்தம் அவருக்கு ஒரு சீசனுக்கு ரூ.15 கோடி வழங்குகிறது. விராட் கோலி டெஸ்ட் போட்டிக்கு ரூ.15 லட்சம், ஒருநாள் போட்டிக்கு ரூ.6 லட்சம் சம்பளமாக பெற்றார். டி201க்கு ரூ.3 லட்சம் சம்பளமாக பெறுகிறார்.

Image Credit : ANI

விராட் கோலியின் கார் கலெக்ஷன்

இது தவிர விராட் கோலி பூமா, எம்ஆர்எஃப் மற்றும் ஆடி போன்ற பிராண்டுகளுக்கு விளம்பரம் செய்து ரூ.196 கோடி சம்பாதிக்கிறார். ஒரு விளம்பரத்திற்கு மட்டும் ரூ.7.5 கோடி முதல் ரூ,10 கோடி வரை வருமானம் பார்க்கிறார். மேலும் FC கோவா (இந்தியன் சூப்பர் லீக்) மற்றும் ராக்ன் மற்றும் சிசல் போன்ற பிராண்டுகளின் இணை உரிமையாளராக உள்ளார்.

 ஏராளமான விலை உயர்ந்த கார்கள் விராட் கோலியின் வசம் உள்ளது. ரூ.2.72 கோடி மதிப்பில் ஆடி R8 V10 பிளஸ் கார், ரூ. 2.97 கோடியில் ஆடி R8 LMX, ரூ.1.51 கோடியில் ஆடி A8 L, ரூ. 4.04 கோடியில் பென்ட்லி கான்டினென்டல் GT என பல்வேறு விலை உயர்ந்த கார்கள் விராட் கோலியிடம் உள்ளன.

Image Credit : ANI

ரு.80 கோடியில் ஆடம்பர பங்களா

விராட் கோலிக்கு சொந்தமாக மும்பையில் ரூ.34 கோடி மதிப்பில் ஒரு வீடும், குர்கானில் ரூ.80 கோடி மதிப்பில் ஆடம்பர வீடும் உள்ளது. சமூக ஊடகங்களிலும் கோலி மிகவும் சுறுசுறுப்பாக உள்ளார். அவருக்கு 270 மில்லியனுக்கும் அதிகமான இன்ஸ்டாகிராம் பாலோயர்கள் உள்ளனர்.