வயசானாலும் எங்க வேகம் இன்னும் குறையல; ஐபிஎல் தொடரில் கலக்க உள்ள டாப் 6 ஓய்வு பெற்ற வீரர்கள்

IPL 2025: இந்தியன் பிரீமியர் லீக் (ஐபிஎல்2025) வரவிருக்கும் சீசனுக்காக அனைத்து அணிகளும் தயாராகி வருகின்றன. மெகா ஏலத்திற்காக, அணிகள் தங்கள் அணிகளில் வீரர்களை எடுப்பதற்கான உத்திகளை வகுத்து வருகின்றன. இதற்கிடையில், ஐபிஎல் 2025ல் டி20 கிரிக்கெட் வடிவத்தில் இருந்து ஓய்வு பெற்ற பல ஜாம்பவான் வீரர்களும் விளையாட உள்ளனர். டாப்-6 வீரர்களின் விவரங்கள் இங்கே..

எம்எஸ் தோனி

இந்திய அணியை மூன்று வடிவங்களிலும் முதலிடத்திற்கு கொண்டு வந்த ஜாம்பவான் கேப்டன் தோனி. ஐபிஎல் போட்டியில் சென்னை அணியின் கேப்டனாக அந்த அணியை ஐந்து முறை சாம்பியன் பட்டம் வெல்ல வைத்துள்ளார். எம்எஸ் தோனி 2020 ஆம் ஆண்டு சர்வதேச கிரிக்கெட்டில் இருந்து ஓய்வு பெற்றார். இருப்பினும், ஐபிஎல் 2025ல் தோனி சென்னை வீரராக அணியில் இருப்பார் என்று கிரிக்கெட் வட்டாரங்கள் தெரிவிக்கின்றன. 

ரோகித் சர்மா

இந்திய கிரிக்கெட் அணியின் கேப்டன் ரோகித் சர்மாவும் டி20 வடிவத்தில் இருந்து ஓய்வு பெற்றுள்ளார். டி20 உலகக் கோப்பை 2024ல் இந்தியா கோப்பையை வென்ற பிறகு ரோகித் சர்மா டி20 கிரிக்கெட்டில் இருந்து ஓய்வு பெற்றார். ஓய்வு பெறும் போது டி20 போட்டிகளில் அதிக ரன்கள் எடுத்த வீரர் என்ற சாதனையைப் படைத்தார். மேலும் ஐபிஎல் போட்டியில் மும்பை அணியை ஐந்து முறை சாம்பியன் பட்டம் வெல்ல வைத்துள்ளார். 

விராட் கோலி

இரண்டு முறை டி20 உலகக் கோப்பை தொடரின் சிறந்த வீரர், 2024 இறுதிப் போட்டியில் ஆட்ட நாயகன் விருது வென்ற ஜாம்பவான் வீரர் விராட் கோலியும் டி20 கிரிக்கெட் போட்டியில் இருந்து ஓய்வு பெற்றுள்ளார். டி20 போட்டிகளில் அதிக ரன்கள் எடுத்த வீரராக இருந்தபோது கோலி ஓய்வு பெற்றார். ஐபிஎல் போட்டியில் தனது அணியை ஒருபோதும் மாற்றாத ஒரே வீரர். ஆர்சிபிக்காக விளையாடும் விராட் கோலி ஐபிஎல் போட்டியில் அதிக ரன்கள் எடுத்த வீரர் என்ற பெருமையையும் பெற்றுள்ளார். 

ட்ரெண்ட் போல்ட்

சர்வதேச கிரிக்கெட்டில் வேகப்பந்து வீச்சில் ஜாம்பவானாக வலம் வந்தவர் ட்ரெண்ட் போல்ட். நியூசிலாந்து அணிக்கு முக்கிய வீரராக இருந்த இந்த நட்சத்திர பந்து வீச்சாளர் டி20 உலகக் கோப்பை 2024 முடிந்த பிறகு சர்வதேச கிரிக்கெட்டில் இருந்து ஓய்வு பெற்றார். ஐபிஎல் 2024ல் போல்ட் ராஜஸ்தான் ராயல்ஸ் அணியில் இடம் பெற்றிருந்தார். எந்த அணிக்காக விளையாடினாலும் அந்த அணியில் அதிக விக்கெட்டுகளை வீழ்த்தும் வீரராக இருப்பார். வரவிருக்கும் ஐபிஎல் 2025 சீசனிலும் விளையாட உள்ளார்.

டேவிட் வார்னர்

சர்வதேச கிரிக்கெட்டில் அதிரடி இன்னிங்ஸ்களுக்கு பெயர் பெற்றவர் டேவிட் வார்னர். இந்த ஆஸ்திரேலிய நட்சத்திர வீரர் ஐபிஎல் போட்டியில் பல சாதனைகளைப் படைத்துள்ளார். ஐசிசி டி20 உலகக் கோப்பை 2024 தொடருக்குப் பிறகு இந்த டி20 போட்டிகளில் இருந்து ஓய்வு பெறுவதாக வார்னர் அறிவித்தார். வார்னர் கேப்டன்சியில் சன்ரைசர்ஸ் ஹைதராபாத் அணி ஐபிஎல் 2016 பட்டத்தை வென்றது. ஐபிஎல் 2024ல் டெல்லி கேப்பிடல்ஸ் அணிக்காக விளையாடினார். வரவிருக்கும் ஐபிஎல் 2025 சீசனிலும் டேவிட் விளையாட உள்ளார். 

ரவீந்திர ஜடேஜா

இந்திய அணியின் நட்சத்திர ஆல் ரவுண்டர்களில் ரவீந்திர ஜடேஜாவும் ஒருவர். இந்தியா ஐசிசி டி20 உலகக் கோப்பை 2024 பட்டத்தை வென்ற பிறகு ஜடேஜா இந்த வடிவத்தில் இருந்து ஓய்வு பெற்றார். ஜடேஜா ராஜஸ்தான் ராயல்ஸ் மற்றும் சென்னை சூப்பர் கிங்ஸ் அணிகளுக்காக விளையாடியுள்ளார். இரண்டு அணிகளிலும் கோப்பையை வென்ற அணிகளில் இடம் பெற்றிருந்தார். பந்துவீச்சுடன் சேர்த்து பேட்டிங்கிலும் அசத்தும் ஜடேஜா.. ஹர்ஷல் படேல் (ஆர்சிபி) வீசிய ஓவரில் 37 ரன்கள் குவித்து ஐபிஎல் சாதனை படைத்தார்.