அய்யய்யோ இவரா? டெஸ்ட் கிரிக்கெட்டில் அதிகமுறை முச்சதம் அடித்து எதிரணியை கதறவிட்ட பேட்ஸ்மேன்கள்

இந்திய கிரிக்கெட் அணியின் முன்னாள் தொடக்க ஆட்டக்காரரான வீரேந்திர சேவாக் ஒருநாள் போட்டிகளில் மட்டுமல்லாமல் டெஸ்ட் கிரிக்கெட்டிலும் அதிரடி காட்டக் கூடியவர். டெஸ்ட் கிரிக்கெட்டில் இரண்டு அற்புதமான முச்சதங்களை அவர் அடித்துள்ளார். முதல் முச்சதத்தை பாகிஸ்தானுக்கு எதிராகவும், இரண்டாவது முச்சதத்தை தென்னாப்பிரிக்காவுக்கு எதிராகவும் அடித்தார். வீரேந்திர சேவாக் 104 டெஸ்ட் போட்டிகளில் விளையாடி 49.34 சராசரியுடன் 8586 ரன்கள் எடுத்தார். அவரது அதிகபட்ச ஸ்கோர் 319 ரன்கள். டெஸ்ட் போட்டிகளில் மொத்தம் 23 சதங்களும் 32 அரைசதங்களும் அடித்துள்ளார்.  

மேற்கிந்திய தீவுகள் அணியின் முன்னாள் கிரிக்கெட் வீரர் பிரையன் லாராவும் டெஸ்ட் கிரிக்கெட்டில் இரண்டு முறை டிரிபிள் சதங்களை அடித்துள்ளார். இரண்டு டிரிபிள் சதங்களையும் இங்கிலாந்து அணிக்கு எதிராகவே அடித்துள்ளார். டெஸ்ட் போட்டியில் ஒரே இன்னிங்சில் 400 ரன்கள் அடித்த லாராவின் சாதனை இன்னும் முறியடிக்கப்படாத சாதனையாக உள்ளது. 131 டெஸ்ட் போட்டிகளில் விளையாடி 52.88 சராசரியுடன் 11953 ரன்கள் எடுத்துள்ளார்.  

ஆஸ்திரேலியாவின் முன்னாள் கிரிக்கெட் வீரர் டான் பிராட்மேன் டெஸ்ட் கிரிக்கெட்டில் 2 டிரிபிள் சதங்களை அடித்து சாதனை படைத்துள்ளார். இரண்டு டிரிபிள் சதங்களையும் இங்கிலாந்து அணிக்கு எதிராகவே அடித்துள்ளார். டான் பிராட்மேன் 52 டெஸ்ட் போட்டிகளில் விளையாடி 99.94 சராசரியுடன் 6996 ரன்கள் எடுத்துள்ளார். 29 டெஸ்ட் சதங்கள் அடித்துள்ளார், இதில் 334 ரன்கள் அவரது அதிகபட்ச ஸ்கோர். டெஸ்ட் போட்டிகளில் அவர் மொத்தம் 6996 ரன்கள் எடுத்துள்ளார். டான் பிராட்மேன் 1928 முதல் 1948 வரை 52 டெஸ்ட் போட்டிகளில் விளையாடினார்.  

மேற்கிந்திய தீவுகளின் முன்னாள் தொடக்க ஆட்டக்காரர் கிறிஸ் கெய்ல் டெஸ்ட் கிரிக்கெட்டில் அதிரடியாக விளையாடி இரண்டு டிரிபிள் சதங்களை அடித்துள்ளார். கெய்ல் இந்த இரண்டு டிரிபிள் சதங்களையும் தென்னாப்பிரிக்கா மற்றும் இலங்கை அணிகளுக்கு எதிராக அடித்துள்ளார். 103 டெஸ்ட் போட்டிகளில் விளையாடி 42.18 சராசரியுடன் 7214 ரன்கள் எடுத்துள்ளார். அவரது அதிகபட்ச ஸ்கோர் 333 ரன்கள்.

இந்திய வீரர் கருண் நாயரும் டெஸ்ட் கிரிக்கெட்டில் டிரிபிள் சதம் அடித்துள்ளார். இங்கிலாந்து அணிக்கு எதிராக நாயர் இந்த அற்புதமான சாதனையை படைத்துள்ளார். 6 டெஸ்ட் போட்டிகளில் விளையாடி 62.33 சராசரியுடன் 374 ரன்கள் எடுத்துள்ளார். 303 ரன்கள் அவரது அதிகபட்ச ஸ்கோர்.