IPL 2023: விராட் வெறும் பெயர் மட்டுமல்ல அது ஒரு பிராண்ட் - நடிகர் அகில் அக்கினேனி!

ஐபிஎல் 2023 கிரிக்கெட் திருவிழா பிரம்மாண்டமாக நடந்து வருகிறது. இந்த 16ஆவது சீசனில் இடம் பெற்றுள்ள 10 அணிகளும் தங்களது வெற்றியை பதிவு செய்துள்ளன. இதுவரையில் விளையாடிய 5 போட்டிகளில் 5 போட்டிகளிலும் தோல்வி கண்ட டெல்லி கேபிடல்ஸ் நேற்று விளையாடிய 6ஆவது போட்டியில் தனது வெற்றியை பதிவு செய்தது.

எனினும் புள்ளி பட்டியலில் டெல்லி கேபிடல்ஸ் அணி கடைசி இடத்தில் தான் உள்ளது. இதுவரையில் விளையாடிய 6 போட்டிகளில் ராஜஸ்தான் ராயல்ஸ் மட்டுமின்றி லக்னோ சூப்பர் ஜெயிண்ட்ஸ் அணியும் 4 போட்டிகளில் வெற்றி பெற்று புள்ளிப் பட்டியலில் அடுத்தடுத்த இடங்களில் இடம் பெற்றுள்ளன.

மூன்றாவது இடத்தில் எம் எஸ் தோனி தலைமையிலான சென்னை சூப்பர் கிங்ஸ் அணி இடம் பெற்றுள்ளது. 4ஆவது இடத்தில் நடப்பு சாம்பியன் குஜராத் டைட்டன்ஸ் அணி வெற்றி வாகை சூடியது. ஆனால், ராயல் சேலஞ்சர்ஸ் பெங்களூரு அணி 6 போட்டிகளில் விளையாடி 3 போட்டியில் மட்டும் வெற்றி பெற்று புள்ளிப்பட்டியலில் 5ஆவது இடத்தில் உள்ளது.

பெங்களூரு அணியைப் பொறுத்த வரையில் விராட் கோலி, பாப் டூப்ளெசிஸ், மேக்ஸ்வெல் ஆகியோர் தங்களது சிறப்பான ஆட்டத்தை வெளிப்படுத்தி வருகின்றனர். இதுவரையில் விளையாடிய 6 போட்டிகளில் விராட் கோலி 82 (நாட் அவுட்), 21, 61, 50, 6, 59 என்று மொத்தமாக 279 சேர்த்துள்ளார். ஒவ்வொரு போட்டியிலும் விராட் கோலி தனது சிறப்பான பேட்டிங் ஃபார்மை வெளிப்படுத்தி வருகிறார்.

இந்த நிலையில், தெலுங்கு நடிகர் அகில் அக்கினேனி, தான் நடித்துள்ள ஏஜெண்ட் (Agent) படத்தின் புரோமோஷன் பணிகளில் ஈடுபட்டு வருகிறார். இந்தப் படம் வரும் 28 ஆம் தேதி திரைக்கு வர உள்ள நிலையில், ஸ்டார் ஸ்போர்ட்ஸ் நிகழ்ச்சியில் புரோமோஷனில் கலந்து கொண்டார். 

அப்போது பேசிய அவர் விராட் கோலி உலகின் மிகவும் ஆபத்தான பேட்ஸ்மேன். விராட் வெறும் பெயர் மட்டுமல்ல அது ஒரு பிராண்ட். கோலியின் அட்டகாசமான பேட்டிங்கைப் பார்த்து பந்து வீச்சாளர்கள் கனவு காண்பார்கள் என்று கூறியுள்ளார். ஓ, என் ராஜா (கிங்) வில் எடு என்று கூறியுள்ளார் என்பது குறிப்பிடத்தக்கது.

வரும் 23 ஆம் தேதி பெங்களூரு சின்னச்சாமி மைதானத்தில் ராயல் சேலஞ்சர்ஸ் பெங்களூரு அணிக்கும், ராஜஸ்தான் ராயல்ஸ் அணிக்கும் இடையிலான 32 ஆவது போட்டி நடக்கிறது. இந்தப் போட்டியைத் தொடர்ந்து 26ஆம் தேதி கொல்கத்தா நைட் ரைடர்ஸ் அணியை பெங்களூர் மைதானத்தில் எதிர்கொள்கிறது.