IND vs AUS T20I:3ஆவது இந்திய வீரராக ருதுராஜ் சாதனை – 9 ரன்களில் கோலி சாதனையை கோட்டைவிட்ட கெய்க்வாட்!

ஆஸ்திரேலியாவிற்கு எதிரான 5ஆவது மற்றும் கடைசி டி20 போட்டியில் இந்திய அணியின் தொடக்க வீரர் ருதுராஜ் கெய்க்வாட் 10 ரன்கள் எடுத்ததன் மூலமாக இருதரப்பு டி20 தொடரில் 223 ரன்கள் குவித்துள்ளார்.

Ruturaj Gaikwad T20I 223 Runs

இந்தியா மற்றும் ஆஸ்திரேலியா இடையிலான 5ஆவது மற்றும் கடைசி டி20 போட்டி தற்போது பெங்களூரு மைதானத்தில் நடந்து வருகிறது. இதில், ஆஸ்திரேலியா டாஸ் வென்று பவுலிங் தேர்வு செய்தது. அதன்படி இந்திய அணி முதலில் பேட்டிங் செய்தது.

India vs Australia 5th T20I, 03 December 2023 live

இதில், யஷஸ்வி ஜெய்ஸ்வால் மற்றும் ருதுராஜ் கெய்க்வாட் இருவரும் தொடக்க வீரர்களாக களமிறங்கி நிதானமாக ரன் கணக்கை தொடங்கினர். கெய்க்வாட் பவுண்டரியுடன் தனது இன்னிங்ஸை தொடங்கினார்.

India vs Australia 5th T20I

அதன் பிறகு 4ஆவது ஓவரில் ஒரு பவுண்டரி அடித்தார். இந்தப் போட்டியில் 12 பந்துகள் பிடித்த கெய்க்வாட் 2 பவுண்டரி உள்பட 10 ரன்களில் ஆட்டமிழந்தார். இதன் மூலமாக இருதரப்பு தொடரில் 3ஆவது இந்திய வீரராக அதிக ரன்கள் குவித்துள்ளார்.

ஆஸ்திரேலியாவிற்கு எதிரான டி20 தொடரில் 0, 58, 123*, 32, 10 என்று மொத்தமாக 223 ரன்கள் எடுத்துள்ளார். ஆனால், இந்தப் போட்டியில் 19 ரன்கள் எடுத்தால் இருதரப்பு டி20 தொடரில் அதிக ரன்கள் குவித்த விராட் கோலியின் சாதனையை முறியடித்திருப்பார். ஆனால், அவர் 10 ரன்கள் மட்டுமே எடுத்து 223 ரன்கள் எடுத்துள்ளார்.

Ruturaj Gaikwad 223 Runs

இதற்கு முன்னதாக இருதரப்பு டி20 தொடரில் விராட் கோலி 231 ரன்களும், கேஎல் ராகுல் 224 ரன்களும் எடுத்துள்ளனர். அந்த வரிசையில் தற்போது 3ஆவது வீரராக ருதுராஜ் கெய்க்வாட் 223 ரன்களுடன் இணைந்துள்ளார்.