தேவையில்லாம உன் விக்கெட்டை தாரைவார்த்துட்ட..! மேத்யூ வேடை பாண்டிங், மார்க் வாக், ஹசி என ஆளாளுக்கு விளாசல்

மேத்யூ வேட் விக்கெட் குறித்து பேசிய ரிக்கி பாண்டிங், மேத்யூ வேடுக்கு ஆட்டம் குறித்த விழிப்புணர்வு நிறைய தேவிஅப்படுகிறது. அப்போதுதான் புதிய பந்து எடுக்கப்பட்டிருக்கிறது. அப்படியிருக்கையில், அந்த ஷாட் தேவையில்லாத ஒன்று. அவர் ஆட்டமிழந்ததால், வெறும் 3 போட்டிகளில் மட்டுமே ஆடியுள்ள க்றிஸ் க்ரீன் புதிய பந்தை எதிர்கொள்ள நேரிட்டது. ஆட்டத்தின் போக்கை கருத்தில்கொண்டு மேத்யூ வேட் ஆடவில்லை என்று ரிக்கி பாண்டிங் தெரிவித்தார்.

இதுகுறித்து பேசிய மைக் ஹசி,  வேட் அவரது விக்கெட்டை அவராகவே தாரைவார்த்துவிட்டார். மோசமான ஷாட் அது. உணவு இடைவேளைக்கு முன், புதிய பந்தில் க்றிஸ் க்ரீனை களத்திற்கு வரவைத்துவிட்டார் என்று வேடின் மீதான அதிருப்தியை வெளிப்படுத்தினார்.
 

இதுகுறித்து பேசிய மார்க் வாக், இது டெஸ்ட் கிரிக்கெட். இதில் அந்த மாதிரியான ஷாட்டெல்லாம் தேவையில்லை. ஸ்கோர் செய்ய வேண்டும் என்ற ஆர்வமும் வேகமும் நல்லதுதான். ஆனால் அந்த நேரத்தில் அந்த ஷாட் தேவையில்லாதது என்று மார்க் வாக் கருத்து தெரிவித்தார்.