கேப்டன்ஸி சிக்கலில் ஹர்திக் பாண்டியா – டெல்லியை வீழ்த்தி முதல் வெற்றியை பெறுமா மும்பை இந்தியன்ஸ்?

மும்பை இந்தியன்ஸ் மற்றும் டெல்லி கேபிடல்ஸ் அணிகளுக்கு இடையிலான ஐபிஎல் தொடரின் 20ஆவது லீக் போட்டி இன்று பிற்பகல் 3.30 மணிக்கு நடைபெறுகிறது.

MI vs DC, IPL 20th Match

ஐபிஎல் தொடரில் இன்று நடக்கும் 20ஆவது லீக் போட்டியில் மும்பை இந்தியன்ஸ் மற்றும் டெல்லி கேபிடல்ஸ் அணிகள் மோதுகின்றன. இந்தப் போட்டி மும்பையின் கோட்டையான வான்கடே மைதானத்தில் நடைபெறுகிறது. இதற்கு முன்னதாக இந்த மைதானத்தில் ராஜஸ்தான் ராயல்ஸ் அணிக்கு எதிரான போட்டியில் மும்பை இந்தியன்ஸ் 125 ரன்கள் மட்டுமே எடுத்து 6 விக்கெட்டுகள் வித்தியாசத்தில் தோல்வியை தழுவியது.

Delhi Capitals

இந்த சீசனில் மும்பை இந்தியன்ஸ் விளையாடிய 3 போட்டிகளிலும் தோல்வி அடைந்து புள்ளிப்பட்டியலில் 10ஆவது இடத்தில் உள்ளது. இதே போன்று டெல்லி கேபிடல்ஸ் விளையாடிய 4 போட்டிகளில் ஒரு போட்டியில் மட்டுமே வெற்றி பெற்று புள்ளிப்பட்டியலில் 9ஆவது இடத்தில் உள்ளது. இதுவரையில் இரு அணிகளும் மோதிய 33 போட்டிகளில் மும்பை இந்தியன்ஸ் 18 போட்டிகளில் வெற்றி பெற்றுள்ளது.

Mumbai Indians

மேலும், 15 போட்டிகளில் டெல்லி கேபிடல்ஸ் வெற்றி பெற்றிருக்கிறது. மும்பை இந்தியன்ஸ் அதிகபட்சமாக 218 ரன்களும், டெல்லி கேபிடல்ஸ் அதிகபட்சமாக 213 ரன்களும் எடுத்துள்ளன. மும்பை அணியின் குறைந்தபட்ச ஸ்கோர் 92. இதே போன்று டெல்லியின் குறைந்தபட்ச ஸ்கோர் 66 ஆகும்.

Mumbai Indians vs Delhi Capitals 20th IPL 2024 Match

கடந்த ஆண்டு நடந்த ஒரு போட்டியில் மும்பை இந்தியன்ஸ் வெற்றி பெற்றிருக்கிறது. இரு அணிகளும் வான்கடே மைதானத்தில் மோதிய 9 போட்டிகளில் மும்பை இந்தியன்ஸ் 6 போட்டிகளில் வெற்றி பெற்றிருக்கிறது. டெல்லி கேபிடல்ஸ் 3 போட்டிகளில் வெற்றி பெற்றிருக்கிறது.

MI vs DC 20th IPL Match 2024

ஒட்டு மொத்தமாக வான்கடே ஸ்டேடியத்தில் இதுவரையில் 79 போட்டிகள் நடைபெற்றுள்ளன. இதில் மும்பை அணி 48 போட்டியில் வெற்றியும், 30 போட்டியில் தோல்வியும் அடைந்துள்ளது. ஒரு போட்டி டையில் முடிந்துள்ளது. இதுவரையில் காயம் காரணமாக அணியில் இடம் பெறாமல் இருந்த சூர்யகுமார் யாதவ் இந்தப் போட்டியில் களமிறங்குவார் என்று எதிர்பார்க்கப்படுகிறது.